صورة لعفشة الكيا كارينز2013 الجديده

[esam_ayad]

السلام عليكم
ازيكم ياجماعه
وأنا بتفرج علي فيديو للكيا كارينز الجديده كليا 2013 لقيت صورة العفشه بتاعتها
وشكلها كده للأسف انها عفشه متصله أو تورشن بيم يعني مش منفصله ملتي لينك زي الكارينز الموجوده حاليا.
ودي الصوره



يارب يكون كلامي غلط أو العفشه دي تكون في نفس مستوي العفشه المنفصله زي القديمه علي الأقل

[Khaled_Nowaihy]

غريبة جداً ....
فعلاً مختلفة عن الصورة دى من موضوع المهندس/ أحمد اسماعيل
موديل 2010

http://www.nilemotors.net/Nile/113053-a.html#post3872214138

[محمد بدر]

واضح من الصور كلامك مضبوط

[NaderNabil]

يادي الخيبة!!

[hossam_elwani]

مش كل تورشن بيم بيكون زى التانى اغلب الالمانى كده ولكن الاحساس من عربيه الى التانيه يختلف حسب التصميم الفنى الدقيق الى صعب على العين تفريقه بين عربيه والتانيه

[S O P H O S]

يادي الخيبة!!

عندك حق

[Ahmed_Adham]

أيوه عفشه الموديل الجديد مش مالتي.

شوفو كده المقال ده

Kia Carens: Full details | Auto Express

A torsion-beam rear suspension set-up, instead of the multi-link arrangement on the Cee’d hatchback, is a clear indication that the Carens’ chassis has been tuned for comfort, rather than handling.

السيد هيبقى فيها مالتى لكن الكارينز تورشن.

[Hosam_Optrawy]

كنت قريت خبر اول ما اعلنوا عنها انها مش هاتبقى ملتى لينك تانى وعمال اقول يارب يطلع كلامهم غلط :(

يلا مش مشكلة هى جت على الكارينز خليها تبقى زى باقى اخواتها :)

[speed_magnum]

وايه المشكله لو تورشن بيم.
يعني ايه عيبه اللي مزعلكم كده وما حدش يقولي ثبات لان الاوبل ثبات راااااائع وتورشن بيم

[2CODE]

وايه المشكله لو تورشن بيم.
يعني ايه عيبه اللي مزعلكم كده وما حدش يقولي ثبات لان الاوبل ثبات راااااائع وتورشن بيم

لأ هو نتكلم الحق نقصد بالثبات مش ثبات السرعة العالية في الطريق المستقيم لأ دا في اكبر من كده اذا اخدت حارة بسرعة المالتي لينك هيديك ثبات ممتاز جداً جداً

لكن التورشن بيم ممتاز برضه مقلتش حاجة ومعظم العربيات نازله بيه ومفيش مشكلة بس المالتي لينك افضل منه يعني هي درجات بس الدرجة الاعلى المالتي لينك

لكن مش كل الثبات يكون من العفشة سواء ان كانت تورشن بيم او مالتي لينك لأ الكارينز نفسها هتديك ثبات لانها تقيله اساساً فهي فئه السيارات العائلية

وخلي بالك التورشن بيم مريح في السواقة عن المالتي لينك لان المالتي لينك بيديك جودة على السرعات وثبات في السرعات مع الملفات هو هنا المالتي لينك

لكل واحد مميزاته وانا شايف انها مش المشكلة قوي اللي تخلينا نكره العربية لان كلنا تورشن بيم وشغالين تمام والحمد لله

[esam_ayad]

لأ هو نتكلم الحق نقصد بالثبات مش ثبات السرعة العالية في الطريق المستقيم لأ دا في اكبر من كده اذا اخدت حارة بسرعة المالتي لينك هيديك ثبات ممتاز جداً جداً

لكن التورشن بيم ممتاز برضه مقلتش حاجة ومعظم العربيات نازله بيه ومفيش مشكلة بس المالتي لينك افضل منه يعني هي درجات بس الدرجة الاعلى المالتي لينك

لكن مش كل الثبات يكون من العفشة سواء ان كانت تورشن بيم او مالتي لينك لأ الكارينز نفسها هتديك ثبات لانها تقيله اساساً فهي فئه السيارات العائلية

وخلي بالك التورشن بيم مريح في السواقة عن المالتي لينك لان المالتي لينك بيديك جودة على السرعات وثبات في السرعات مع الملفات هو هنا المالتي لينك

لكل واحد مميزاته وانا شايف انها مش المشكلة قوي اللي تخلينا نكره العربية لان كلنا تورشن بيم وشغالين تمام والحمد لله

يعني الواحد يطمن شويه لأني كنت بدأت أزهق منها وأكرهها

[moha4tec]

يا جماعه العفشه دى تورشن بيم بتاعة ال 2014 كارينز بس هتبقى ناعمه و ثابته .و مش زى بتاعة السيراتو خالص .
لان المساعد لبرا و السوست لجوا .يعنى نعومه و ثبات ووضع السوست و المساعدين عكس السيراتو خالص .
اطمنو .باذن الله هتبقى كويسه

[esam_ayad]

يا جماعه العفشه دى تورشن بيم بتاعة ال 2014 كارينز بس هتبقى ناعمه و ثابته .و مش زى بتاعة السيراتو خالص .
لان المساعد لبرا و السوست لجوا .يعنى نعومه و ثبات ووضع السوست و المساعدين عكس السيراتو خالص .
اطمنو .باذن الله هتبقى كويسه

ممكن استفسار بسيط؟؟؟؟
ايه الفرق بين انه يكون السوست جوا والمساعدين برا , وانه يكون السوت برا والمساعدين جوا؟؟

[hossam_elwani]

ممكن استفسار بسيط؟؟؟؟
ايه الفرق بين انه يكون السوست جوا والمساعدين برا , وانه يكون السوت برا والمساعدين جوا؟؟

متضامن معاك فى السؤال

[moha4tec]

فرق كبير فى اللاثبات و النعومه طبعا .
المساعد لبرا و السوسته لجوه :العربينعم من الوضع العكس .لان المساعد بيشتغل مع اى عدم استواء فى الطريق .و دا التركيب الصح .التركيبه دى لو معموله صح بتبقى العربيه ثابته جدا زى بعض انواع الفيات و الالمانى . لكن لما تبقى زى التويوتا و الافيو بتبقى ناعمه اه بس مش ثابته زى الفيات و الالمانى .و الله اعلم .
العكس زى السيراتو العربيه بتبقى ناشفه بس عمرها المفروض اطول خصوصا المساعدين .على حساب الراحه .
و انتظر راى الخبراء يردوا عليك اكتر فى النقطه دى .عشان يشرحوها باستفاضه .
و الله اعلم