كارينز 2013

[engabdo9]

السلام عليكم و رحمة الله و بركاتة

الحمد لله ربنا كرمني و اشتريت كارينز 2013 خليجي كاملة اليوم رغم انها كانت ابعد ما يكون في التفكير فيها
لكن كان لي هدف واحد هو الاتساع للسائق و راحة الجلوس اثناء القيادة خصوصا اني طويل في حدود 2 متر و بعد بحث لم اجد اوسع من الكارينز و عموما للعلم قارنتها بـ كل من سبورتاج و القسقاي و التريوس و التيجو فلم اجد اي واحدة منهم اوسع من الكارينز
عموما عشان مطولش عليكم اطلب من اصحاب الخبرة بما ينصحوني مثلا في الفرش و هل اركب انذار ام لا و هكذا انتم ادري مني بذلك
و اطلب من اي عضو في منتدي الكارينز يرسل لي دعوه
و شكراا

و السلام عليكم و رحمة الله و بركاتة

[Khaled_Nowaihy]

ألف مبروك عليك وربنا يكفيك شرها ويعطيك خيرها
مش هى العربية بقت بتيجى فيها الإنذار ؟
عموماً أنا مركب spy5000 وكويس جداً
والفرش أحسن حاجة عند جينز كار ... أنا عامل عربيتى عنده زى الفل

وأرسلت لحضرتك الدعوة للإنضمام لمجموعة مالكى الكارينز

http://www.nilemotors.net/Nile/group...ns-owners.html

فأهلاً بك و1000 1000 مبروك

[Noda123]

ممكن تقولى جبتها بكام وهاى لاين واله ايه وخليجى واله توكيل

[Ahmed_Adham]

مبروك عليك. العربيه دي فعلا مفيده للناس الطوال (أنا 192سم) وبعد ما تركبها مش بتقتنع بالمساحه فى اي عربيه تانيه.

معتقدش انها محتاجه انذار عشان هيه فيها ايموبليزر يعني الموتور مش بيدور الا بمفتاح العربيه. وعلى فكره لو قفلت العربيه بالريموت وحاولت تفتحها بالمفتاح هتسمع احلى فضيحه ههههههه

لو هتفرش جلد الحق اعمله قبل ما الكراسي تتلحوس. جينز كار عامل شغل جامد مع كل الناس هنا في المنتدى مع انى شخصيا معملتش فرش جلد.

[Mohyeldin1974]

الف ميروك ويباركلك فيها
عايزين نعرف التفاصيل وتقرير عن العربيه بعد اذنك بالصور

[م. حاتم السباعي]

الف مبروك لحضرتك
و ربنا يعطيك خيرها و يكفيك شرها
و مع اننا خسرناك في القشقاي بس انت برضه مرحتش بعيد كيا بيتي الاول
تحياتي لحضرتك

[engabdo9]

السلام عليكم و رحمة الله و بركاتة
اولا احب اشكر كل من هنئوني و بمشاركتهم معي
ثانيا احب اشكر العضو Khaled_Nowaihy لارسالة الدعوة لي
ثالثا كنت عايز اعرف فين جينز كار او تليفوناتة
رابعا اعرف ازاي هي خليجي سعودي او اردني ازاي ؟؟؟
خامسا انا جبتها من معرض كان عامل عرض ادفع 80% و الباقي علي سنتين بدون فائدة و كانت عاملة 147500جم انا عارف انة مزود شوية علي ثمنها 2500جم بس جبت منة عشان لقيت اللون الي انا عايزة الكريمي و عشان القسط الي باقي بدون فايدة و لا تامين و لامعاملة مع البنوك
سادسا للاخ مالك القشقاي هي اوسع بكتير من القشقاي مع احترامي للقشقاي و انا كان اهم شيء عندي راحة الجلوس اثناء القيادة
و شكرا

[محمد بدر]

احب اهنئك ألف مليون مبروك
فعلا اخيار حسن وموفق بإذن الله

[esam_ayad]

ألف مبروك علي السياره وربنا يعطيك خيرها ويكفيك شرها
ياريت تكتبلنا مواصفاتها الكامله
وايه انطباعك عنها لما ركبتها

[ahmouda2009]

الف مبروك عندي سؤال هي عربيتك خمسة راكب ولا سبعة راكب اصل انا شفت فيديو فيه كيا كارينز جديدة سبعة راكب بتصميم جديد تماما وشكلها تحفة[[/b] لو حد يعرف هي حتنزل امتي وبكام تقريبا وايه مواصفتها وشكرا

[Ahmed_Adham]

الف مبروك عندي سؤال هي عربيتك خمسة راكب ولا سبعة راكب اصل انا شفت فيديو فيه كيا كارينز جديدة سبعة راكب بتصميم جديد تماما وشكلها تحفة[[/b] لو حد يعرف هي حتنزل امتي وبكام تقريبا وايه مواصفتها وشكرا

ال 7 راكب في الشكل القديم كانت 2000 سي سي بس مش منتشره عشان سعرها أكيد معدي 200 الف مستريح عشان داخله شريحه جمركيه أعلى.

[samyyousef]

الف مبروك

[ahmouda2009]

ال 7 راكب في الشكل القديم كانت 2000 سي سي بس مش منتشره عشان سعرها أكيد معدي 200 الف مستريح عشان داخله شريحه جمركيه أعلى.

يا خسارة و شكرا علي الرد

[engabdo9]

ألف مبروك علي السياره وربنا يعطيك خيرها ويكفيك شرها
ياريت تكتبلنا مواصفاتها الكامله
وايه انطباعك عنها لما ركبتها

السلام عليكم و رحمة الله و بركاتة
انا استلمت السيارة و جيت بيها من المعرض و ركنتها في الجراج مش عارف اتحرك بيها بسبب ان لسة مرخصتش بسبب الافراج الجمرجي لسة مستلمتوش لان صاحب المعرض قالي هياخد اسبوع لان المركب لسة واصله
عموما انشا الله اول ما اركبها و واتفاعل معها هضع كل الصور و كل التفاصيل و انطباعتي ؟؟؟
و شكراااا

[محمد بدر]

1000مليون مبروكككككككككككككككككككككككككككككككك