الحمد لله ...... استلمت سيراتو 2013

[dr_darsh]

الف مبروك وربنا يباركلك فيها ويديك خيرها ويكفيك شرها

[ابو ليلى]

الف مبروك ويارب يبارك فيها وتاخد خيرها وتبعد عن شرها
الشفت نزل فعلا من اول موديل 2011 فترة فى فئات معينة ومنزلش تانى بعدها
انت ركبت سيراتو قبل كده ولا دى اول مرة ؟ لو ركبت قلى حسيت بفرق فى العفشة ولا لا

[shouk_1987]

الف مبروك ويارب يبارك فيها وتاخد خيرها وتبعد عن شرها
الشفت نزل فعلا من اول موديل 2011 فترة فى فئات معينة ومنزلش تانى بعدها
انت ركبت سيراتو قبل كده ولا دى اول مرة ؟ لو ركبت قلى حسيت بفرق فى العفشة ولا لا

ركبت قبل كده مرتين
مرة من فترة بعيدة و كانت جنط 15 بس العربية كانت متهانة و أنا مكانش فى بالى لسه شراءعربية
و مرة من كام شهركده 2010 هاى لاين جنط 17 و رحنا بيها لغاية اسماعيلية قضينا يوم هناك و مشينا على طرق مختلفة كتير بصراحة مكانتش عجبانى خالص العفشة ( عدم راحة و دب و ترزيع و كلمنى من فترة قالى الكاوتش جاله بلالين )
أنا مش عارف هما غيروا حاجة و لا لأ بس الحمد لله أنا رجعت بيها من المعرض على الدائرى لغاية مدينة الشروق على طريق السويس و فى كام حتة كدا مدقدين مشيت فيهم قصد عشان أجّرب و بسم الله ما شاء الله العفشة مريحة جدا و مافيش أى مضايقة الحمد لله

[ابو ليلى]

ركبت قبل كده مرتين
مرة من فترة بعيدة و كانت جنط 15 بس العربية كانت متهانة و أنا مكانش فى بالى لسه شراءعربية
و مرة من كام شهركده 2010 هاى لاين جنط 17 و رحنا بيها لغاية اسماعيلية قضينا يوم هناك و مشينا على طرق مختلفة كتير بصراحة مكانتش عجبانى خالص العفشة ( عدم راحة و دب و ترزيع و كلمنى من فترة قالى الكاوتش جاله بلالين )
أنا مش عارف هما غيروا حاجة و لا لأ بس الحمد لله أنا رجعت بيها من المعرض على الدائرى لغاية مدينة الشروق على طريق السويس و فى كام حتة كدا مدقدين مشيت فيهم قصد عشان أجّرب و بسم الله ما شاء الله العفشة مريحة جدا و مافيش أى مضايقة الحمد لله

كان فى معلومة عرفتها من فترة وعملت بيها موضوع هنا ان العفشة فعلا اتغيرت فى موديل 2013
وكان فى اعتراض على المعلومة من بعض الزملاء هنا وكنت محتاج اتاكد منها ومكنش هينفع غير
لما اركب العربية واعرف بنفسى بس انت فعلا اكدلى لانك جربت الاتنين ياريت لو جت الفرصة
تانى وركبت موديل اقل من 2013 تركز على النقطة دى

[shouk_1987]

كان فى معلومة عرفتها من فترة وعملت بيها موضوع هنا ان العفشة فعلا اتغيرت فى موديل 2013
وكان فى اعتراض على المعلومة من بعض الزملاء هنا وكنت محتاج اتاكد منها ومكنش هينفع غير
لما اركب العربية واعرف بنفسى بس انت فعلا اكدلى لانك جربت الاتنين ياريت لو جت الفرصة
تانى وركبت موديل اقل من 2013 تركز على النقطة دى

أيوه أنا تقريبا شفت الموضوع و كنت قايل إنها بقت Mutli-link و الأعضاء نفوا الكلام ده
أنا أول حاجة نزلت أشوفها فى المعرض و كانت زى ماهى Torsion beam بس السوست لوحدهم جنب الجنط من جوه ( زى الأفيو كده )
مش فوق الكاوتش جوه الكارتيره ( زى الفيرنا كمثال )
أنا معرفش ده تغيير و لا هى طول عمرها كده

[kariemelsayed]

الف مبروك وعقبال المرسيدس

[hossam_elwani]

الف مبرووك عليك

[shouk_1987]

أنا عندى سؤال يا جماعة بعد إذنكوا
أنا كنت بشوف فى عربيات كتير أوروبى و حتى اليابانى إنك ممكن تقفل ال air bag للى جنب السواق بسويتش كده عامل زىّ راس المسمار العادة و كان بيبقى فى درج التابلوه أو جنب باب الراكب ألامامى من جوه

أنا مش لاقى السويتش ده عندى فى أى حتة و مش عارف بتتفصل إزاى
و الكتالوج مش جايب سيرة إنك ممكن تفصل airbag الراكب الأمامى

محدش عارف ممكن فى السيراتو airbag الراكب الأمامى ممكن تتفصل ولا لأ

[kamantas]

ألف مبروك على العربية و ربنا يرزقك خيرها و يكفيك شرها
انا عندي 3 اسئلة :
الاول عن نعومة العفشة و انت قلت انها كويسة بس عايز اتاكد لو حضرتك جربت الالنترا مثلا تبقى زيها كده و لا اخشن ؟
التاني بخصوص استهلاك البنزين حيث ان حضرتك في الشروق يعني يتسوقها على طريق السويس و الدائري يبقى استهلاكها كام ؟
التالت عن الثبات في سرعات فوق 120 ؟

[shouk_1987]

ألف مبروك على العربية و ربنا يرزقك خيرها و يكفيك شرها
انا عندي 3 اسئلة :
الاول عن نعومة العفشة و انت قلت انها كويسة بس عايز اتاكد لو حضرتك جربت الالنترا مثلا تبقى زيها كده و لا اخشن ؟
التاني بخصوص استهلاك البنزين حيث ان حضرتك في الشروق يعني يتسوقها على طريق السويس و الدائري يبقى استهلاكها كام ؟
التالت عن الثبات في سرعات فوق 120 ؟

الله يبارك فيك يا باشا و إن شاء الله قاقدر أجاوبك على أسئلتك :
1- أنا كان معايا فيرنا و مافيش أنعم من عفشتها ( عشان كده ثباتها صفر ) و مثلا سوقت أوبترا بتاعت واحد زميلى كتيير وكانت عفشتها مش ناعمة أوى ياعنى أقرب للنشوفية من النعومة , أقدر أقولك إن عفشة السيراتو (جنط 16 اللى معايا ) جيدة جدا و بين الاتنين تقريبا و محستش بأى دب أو ترزيع و لا تنطيط من ورا ولا الكلام ده

2- أنا لسه مفولتش غير مرّة واحدة و العداد قارى حاليا 350 كيلو و فى لسه ربع التانك ( أنا مستلمها ماشية 9 كيلو و لمبة البنزين منوّرة و فوّلتها على اخرها ب 87 جنيه بالظبط
اصبر عاىّ شوية فى موضوع البنزين عشان أقدر أفيدك كويس

3-الثبات : أنا وصلت لغاية 150 ( 3.5 rpm على السادس ) و الحمد لله جيدة جدا بس طبعا لازم تبقى عارف إنها مش مرسيدس أكيد أو بى إم
بس أنا راضى عنه جدا الحمد لله و الكلام ده من خبرة سواقة عربيات مختلفة ( بس مش كتير أوى )
و كمان على طريق السويس, أعتقد على الصحراوى مش هيبقى فى أى كلام

4- حتة من عندى كمان يا باشا بما إنك مهتم : الفرامل بصراحة ما شاء الله يرفع لها القبعة و تقصيفة محترمة للكوريين عليها و على أدائها
بنزل من 150 ل 80 بدون أى قلق أو خوف و فى نفس الوقت بسرعة و تماسك
أنا كنت ماشى ببركة دعاء الوالدين فى الفيرنا ( كنت مقضيها تسقيط عشان أوقفها )

الحمد لله ربنا يحفظها من أى سوء و يدينا خيرها إن شاء الله
و لو عندك سؤال تانى ماتتكسفش يا باشا و قول

[kamantas]

الله يبارك فيك يا باشا و إن شاء الله قاقدر أجاوبك على أسئلتك :
1- أنا كان معايا فيرنا و مافيش أنعم من عفشتها ( عشان كده ثباتها صفر ) و مثلا سوقت أوبترا بتاعت واحد زميلى كتيير وكانت عفشتها مش ناعمة أوى ياعنى أقرب للنشوفية من النعومة , أقدر أقولك إن عفشة السيراتو (جنط 16 اللى معايا ) جيدة جدا و بين الاتنين تقريبا و محستش بأى دب أو ترزيع و لا تنطيط من ورا ولا الكلام ده

2- أنا لسه مفولتش غير مرّة واحدة و العداد قارى حاليا 350 كيلو و فى لسه ربع التانك ( أنا مستلمها ماشية 9 كيلو و لمبة البنزين منوّرة و فوّلتها على اخرها ب 87 جنيه بالظبط
اصبر عاىّ شوية فى موضوع البنزين عشان أقدر أفيدك كويس

3-الثبات : أنا وصلت لغاية 150 ( 3.5 rpm على السادس ) و الحمد لله جيدة جدا بس طبعا لازم تبقى عارف إنها مش مرسيدس أكيد أو بى إم
بس أنا راضى عنه جدا الحمد لله و الكلام ده من خبرة سواقة عربيات مختلفة ( بس مش كتير أوى )
و كمان على طريق السويس, أعتقد على الصحراوى مش هيبقى فى أى كلام

4- حتة من عندى كمان يا باشا بما إنك مهتم : الفرامل بصراحة ما شاء الله يرفع لها القبعة و تقصيفة محترمة للكوريين عليها و على أدائها
بنزل من 150 ل 80 بدون أى قلق أو خوف و فى نفس الوقت بسرعة و تماسك
أنا كنت ماشى ببركة دعاء الوالدين فى الفيرنا ( كنت مقضيها تسقيط عشان أوقفها )

الحمد لله ربنا يحفظها من أى سوء و يدينا خيرها إن شاء الله
و لو عندك سؤال تانى ماتتكسفش يا باشا و قول

ربنا يخليك يا باشا و يكرمك
انا بسال عشان على وشك اني اشتري السيراتو بعد بحث طويل و ال3 نقط دول هما اللي عايز اتاكد منهم من اكتر من واحد عشان انت عارف ان الموضوع نسبي
و انا اصلا سواقتي عادية جدا بس في السفر باجري بس اخري 150 مش باحاول ازود اصلا فعشان كده باسال عن الثبات في السرعات دي 140-150 فمهم تبقى العربية ثباتها معقول و فراملها كويسة
لكن لو حد قاللي ان العربية مش ثابته على 170 مثلا فانا مش مهم بالنسبة لي
و طبعا نعومة العفشة اساسي مع حالة الشوارع عندنا في مصر و الا قول على ظهرك يا رحمن يا رحيم :)

[M_N]

الف مبروك ربنا يبارك لك فيها وعقبالى