صيانة 10000 كم لسيراتو 2011

[ahmedabdelfatah]

أولا : تحياتى لكل أعضاء المنتدى الكرام
نخش فى الموضوع على طول
أنا معايا سيراتو 2011 sx بصمة وان شاء الله رايح اعمل صيانة ال 10000 السبوع المقبل وكان فى كام ملاحظة عندى أقول عليها عناك كنت عاوز رأيكو معايا فى املاحظات مظبوطة ولا تهئيات :

1- أنا حاسس ان العفشة سايبة لما اكون ماشى فى مطبات صغيرة (جنط 17- نيتروجين 32) مع انى ربط العفشة فى توتال اللى فى أول الهرم والراجل اللى هناك قاللى كله زى الفل طبعا ده غير الخبط اللى فى المطبات على سرعة وفى غربلة بسيطة أوى بعد 130 .

2- صوت صفارة فى مروحة التكييف لما أشغله على سرعة عالية والتكييف فى اخر الصيف كان ضعيف شوية يعنى مش بيسقع بسرعة .

3- كركرة الموتور وده صوت معروف للجميع بس انا لاحظت انه بيظهر أوى لما اكون لسه مفول التنك . هلى ده ليه علاقة بالموضوع ؟

4- صوت تزييقة لما اكون لسه طالع بالعربية وادوس فرامل واسيب . (ده غير تكة الفتيس)

5- رعشة خفيفة فى الموتور مع الانتظار مثلا اوى لما تكون فى اشارة شغالة .

6- صوت ونة خفيفة لما بكون ماشى بالراحة .

كل الملاحظات دى انا حاسس بيها فى العربية ممكن يكون فيها حاجات صحيحة وحاجات غير صحيحة او تكون دى طبيعة العربية ذى العفشة مثلا .

أرجو النصيحة من أهل الخبرة هان معانا فى المنتدى وايه اللى أقوله وايه اللى مقولوش

وفى الاخر انا احب اشكر كل القائمين على المنتدى وكل اعضاءه المحترمين

[ahmedabdelfatah]

اين خبراء الكيا ؟

[moha4tec]

أولا : تحياتى لكل أعضاء المنتدى الكرام
نخش فى الموضوع على طول
أنا معايا سيراتو 2011 sx بصمة وان شاء الله رايح اعمل صيانة ال 10000 السبوع المقبل وكان فى كام ملاحظة عندى أقول عليها عناك كنت عاوز رأيكو معايا فى املاحظات مظبوطة ولا تهئيات :

1- أنا حاسس ان العفشة سايبة لما اكون ماشى فى مطبات صغيرة (جنط 17- نيتروجين 32) مع انى ربط العفشة فى توتال اللى فى أول الهرم والراجل اللى هناك قاللى كله زى الفل طبعا ده غير الخبط اللى فى المطبات على سرعة وفى غربلة بسيطة أوى بعد 130 .

تربيط العفشه ليه اصول و عزم معين لازم يتظبط عليه لا اكتر و لا اقل و كمان مسامير معينه بتتربط بعزم معين .
الخبط اعتقد عادى
الغربله دى مش عادى . شوف كده ضغط الكوتش كام و اكشف ليكون فى خرم فى الكوتش و الا حاجه و هل انت خبط العجل فى الرصيف ؟؟؟؟

2- صوت صفارة فى مروحة التكييف لما أشغله على سرعة عالية والتكييف فى اخر الصيف كان ضعيف شوية يعنى مش بيسقع بسرعة .


صوت الصفاره فى ناس اشتكت منه بس مش كل الناس +التكييف د ليه حل .هتكشف على ضغط غاز التكييف و هل فى تسريب و الا لا . و فى ناس بتحط عازل على مواسير التكييف اللى فى حوض الموتور و خاصتا اللى بتعدى من جنب حراره الموتور .


3- كركرة الموتور وده صوت معروف للجميع بس انا لاحظت انه بيظهر أوى لما اكون لسه مفول التنك . هلى ده ليه علاقة بالموضوع ؟

الكركره فى منه اتنين واحده من بنزين وحش ووحده صوت طبيعى عندنا كلنا و بنحاول نحله .و بيبان اكتر قبل الصيانه عشان الزيت بيكون انتهى و كده .
اول ما بغير الزيت و انضف الموتور بيفضل الموتور مثلا 2000 كم من غير اى صوت من اى نوع .
اعتقد ان مواتيرنا بتتوسخ بسرعه جدا .
موضوع ملاحظة الكركره مع التفويله دا ممكن يكون من عيب بنزين و الله اعلم حاول تغير المحطه .

4- صوت تزييقة لما اكون لسه طالع بالعربية وادوس فرامل واسيب . (ده غير تكة الفتيس)

التزييقه لما بتيجى تطلع بالعربيه خصوصا فى ايام الشتا او لما تكون العربيه مغسوله بتبان فى الفرامل خصوصا .و دا عادى .و تكة الفتيس دى عادى . بيشحموا اللوك بتاع الفتاس و الصوت بيقل او بيروح و الله اعلم .

5- رعشة خفيفة فى الموتور مع الانتظار مثلا اوى لما تكون فى اشارة شغالة .

مش عارف دى اه .يعنى انت بتكون دايس فرامل و جايب ال d هتبقى عادى و الله اعلم
لكن لو ممور ممكن تخليهم يشوفولك قواعد الموتور و كده


6- صوت ونة خفيفة لما بكون ماشى بالراحة .

دا من خرطوم زيت البور و هو صوت بس ملوش اى اخطار
و الحل بتاعه تغيير الخرطوم باوسع من ناحية الفانوس اليمين قدام او توسيع الفتحه بتاعته شويه .
عشان ضغط الزيت اقوى من اتساع الخرطوم .

كل الملاحظات دى انا حاسس بيها فى العربية ممكن يكون فيها حاجات صحيحة وحاجات غير صحيحة او تكون دى طبيعة العربية ذى العفشة مثلا .

أرجو النصيحة من أهل الخبرة هان معانا فى المنتدى وايه اللى أقوله وايه اللى مقولوش

وفى الاخر انا احب اشكر كل القائمين على المنتدى وكل اعضاءه المحترمين

تحت امرك فى اى استفسار يا كبير
و الف مبروك على العربيه و ربنا يديك خيرها و يكفيك شرها .
و الله اعلم

[ahmedabdelfatah]

ربنا يخليك ياباشا وشكرا لاهتمام خضرتك :

* بالنسبة لسؤالك على ضغط الكاوتش هو نيتروجين 32 وانا متابعه على طول وبالنسبة للغربلة الخفيفة دى انا مخبطش فى رصيف ولا حاجة بس العجلة اللى قدام يمين فى 4 لحام ممكن يكون لها تأثير

* بالنسبة لصوت صفارة التكييف هل بيتحل فى التوكيل

* بالنسبة للبنزين كل مرة بغير المحطة وكان نفس الصوت موجود

* بالنسبة لرعشة الموتور دى لما بكون على d أو n مش بفرق - هى رعشة خفيفة كده بتروح وتيجى مثلا لما بشغل الاشارة .

[ابو ليلى]

بالنسبة للرعشة اللى بتتكلم عليه وقت ما بتشغل اشارة او نور عالى دى فعلا موجوده
وبرجح ده لضعف ضفيرة الكهربا لانها فعلا ضعيفة ومش بتسحمل اى احمال وده بيكون ملاحظ
مع تشغيل الفلاشة انها بتفصل على فترات
بالنسبة للتكيف اكيد كفائته قلت ولكن بمجرد تنضيف الفلتر هيرجع زى الاول وده هيتعمل مع الصيانة
كركرة الماتور مش عادية ومش مشكلة متكررة

على العموم كل الملاحظات دى قلها وانت بتعمل الصيانة وبلاش تروح مركز يكون زحمة علشان
وانت بتستلم تتاكد ان كل حاجه اتعملت وياريت تبلغنا بعد الصيانة علشان تكون الافادة كاملة

[moha4tec]

ربنا يخليك ياباشا وشكرا لاهتمام خضرتك :

* بالنسبة لسؤالك على ضغط الكاوتش هو نيتروجين 32 وانا متابعه على طول وبالنسبة للغربلة الخفيفة دى انا مخبطش فى رصيف ولا حاجة بس العجلة اللى قدام يمين فى 4 لحام ممكن يكون لها تأثير

ممكن و الله اعلم مش متاكد.

* بالنسبة لصوت صفارة التكييف هل بيتحل فى التوكيل

ممكن تقولهم و هما يردو عليك انا مش متزكر بصراحه

* بالنسبة للبنزين كل مرة بغير المحطة وكان نفس الصوت موجود
موضوع الكركره ده تطلع على التوكيل
* بالنسبة لرعشة الموتور دى لما بكون على d أو n مش بفرق - هى رعشة خفيفة كده بتروح وتيجى مثلا لما بشغل الاشارة .

الرعشه دى لما تفضل مشغل النور العالى و تطفيه و تشغل الاشارات و كده او تجيب الطاره لاخرها و تفضل قارص عليها
كل دى احمال زياده على الموتور عشان كده بتحس برعشه . و دا طبيعى عندنا كلنا فى السيراتو
و الله اعلم