كيا سيراتو الافضل و اتحدى

[alivara]

يا جماعة العربية ديه ممتازة فى كل حاجة ايوة بس شكلها زبالة زبالة بكل ما تحمله الكلمة من معنى , دانا لما بشوفها بفكرها فيرنا فيفا حاجة تقرف فعلا , هو انتوا عايزين من العربية اداء و بس؟ مش مهم الشكل ؟ يعنى مثلا ياريس لا تقل عنها فى اى حاجة ممكن تقل شوية فى حكاية الدهان و الثبات و التسارع بس مش بشكل ملحوظ انما الياريس حاجة تانية بالنسبة لسيراتو من حيث الشكل شوف ياريس و بعدين شوف سيراتو حتتقرف من سيراتو
انا عن نفسي لقيت كل المميزات ديه فى هيونداى الانترا الجديدة غير ان شكلها تحفة و ديه لا يختلف عليها اتنين يبقى ماتقولش بقة هى الافضل و اتحدى

[ahmed_su]

شكلها زبالة زبالة بكل ما تحمله الكلمة من معنى

هو صحيح كل واحد حر فى رأيه بس مش عارف رأيك استفذنى جدا ....

وعلشان كده لا تعليق حتى اشعار اخر

[haneena]

يا جماعة العربية ديه ممتازة فى كل حاجة ايوة بس شكلها زبالة زبالة بكل ما تحمله الكلمة من معنى , دانا لما بشوفها بفكرها فيرنا فيفا حاجة تقرف فعلا , هو انتوا عايزين من العربية اداء و بس؟ مش مهم الشكل ؟ يعنى مثلا ياريس لا تقل عنها فى اى حاجة ممكن تقل شوية فى حكاية الدهان و الثبات و التسارع بس مش بشكل ملحوظ انما الياريس حاجة تانية بالنسبة لسيراتو من حيث الشكل شوف ياريس و بعدين شوف سيراتو حتتقرف من سيراتو
انا عن نفسي لقيت كل المميزات ديه فى هيونداى الانترا الجديدة غير ان شكلها تحفة و ديه لا يختلف عليها اتنين يبقى ماتقولش بقة هى الافضل و اتحدى

100 100

بس انا مش معاك انك تقارن اليارس بيها اصلا لا وجه للمقارنة لصالح اليارس طبعا كفاية انها يبانى ومهما قالوا مفيش مقارنة بين اليبانى والكورى

[alivara]

لا فيه مقارنة بين اليابانى و الكورى و انا حرد على الكل بوجه عام و من غير اقتباسات
اولا اللى بيقول سيراتو افضل و اتحدى ... تحدد افضل من ايه بالظبط يعنى سيراتو ايه ديه اللى تبقى افضل من النترا و لا نيسان صنى و لا اوبترا و لا جين 2 ولا حتى ياريس
ثانيا اللى بيقولوا كورى و يابانى شوفوا بتفارنوا ايه بايه الاول .. يعنى مثلا تقولولى ان ياريس اليابانى احسن من النترا الكورى ؟ مستحيل طبعا و اسألوا اللى ركب الاتنين
ثالثا اللى بيقول ان اوبترا افضل مليون مرة لو حضرتك تقصد سيراتو تبقى اوكى انما لو على العموم فيه فى نفس فئتها افضل منها مليون مرة زى نيسان صنى و النترا

[haneena]

احنا لما بنقول مقارنة بين اليابانى والكورى مش بنقارن كماليات ولا حتى سعة محرك او قوته لكن كل جانب فيه كل المستويات
لكن بنقارن من حيث الاعتمادية واى نوع هواللى معمر اكتر وانا شخصيا مقتنعة تماما ان كل اليابانى يفوق الكورى كله فى هذه النقاط
تعالى كدهاشترى عربية كورى فيها كل اللى بتحلم بيه واشترى عربية يابانى وشوفهم كده بعد سنتين تلاتة هتلاقى الكورى عفشته بقت بتشخشخ زى مابيقولوا ومش هتلاقى ده فى اليابانى واصحابى كتير عندهم هيونداى من فئات وانواع مختلفة من الصغير للكبير والكل اجمع على اللى باقوله

[Ramy_Ali]

فعلا الكورى غير معمر بالمرة انا مرة شفت حاجة مش هنساها فى حياتى عمرها ما تحصل
عربية اكسل الدونجل بتاعها مصدى وبايش خالص
الناس كانت واقفة بتتفرج عند الميكانيكى وهوا بيغيرة وبتتحسر

هوا دا المستوى الكورى عبارة عن بطيخة ورق

[mantoros]

i just wanna say something........i drove kia rio quatro 2004.......100 hp,dohc,1500 cc..........and i just wanna say that i drive so well....and know a lot in cars.....i usually drive on highways 180-190 km/hour and i drive with a high spirit...ie: ba7'od ra7ty fel sewa2a mosh ba7aswek y3ny

and from my experience with my beloved kia rio quatro for almost 4 years ......i can surely tell you that the motor,suspention,stability,steering,grip,quality and prestige of kia is just GREAT......i do regular services in agency and takes great care of my car....and it's enough to tell you that ibaught it for 75000 LE in october 2004 and so easily in 3 hours i sold it 2 weeks ago for 62000 L.E

so that tells you what a great car it is and great re-sell value
NB: i only sold it to buy the great cerato
please as a n example,check the quality of the upper dashboard in all the other cars tou are speaking about....PLASTIC...now check the kia's,you'll find it rubber.....so much better than all cars....

my car didn't have a single rubber in saloon or motor with even a single crack in it after walking 80000 km
that's called quality,that is kia.

thanks,
your brother
dr.shamel

[bouda205]

السيراتو لو كان فيها abs+air bags كان خلص الكلام فى الموضوع ده من زمان بس الحلو ميكملش

[ghazy12]

مع خالص احترامي للجميع و اللي هقوله كلام عن تجربة مع السيراتو من 3 سنين الموديل القديم اكيد... أنا مهندس مدني, و لك أن تتخيل طبيعة شغلي القاسية من طوب و زلط و مواقع بروحلها طوووول النهار, من الاخر بهدلة و أنا اعتبر نفسي سواق جيد جدا و عاشق لجميع السيارات و بحب اعرف كل صغيرة و كبيرة عن كل السيارات. باختصار العربية دي يا جماعة رائعة و قوية جدا (انا بتكلم عن اداء و عفشة مش الشكل عشان ده ذوق متغير من واحد للتاني).
عملت بيها حادث على الدائري بسرعة 120 كم و بطلع من مقطورة و لقيت سواق تاكسي (الله يسامحه) وقف فجأه بيركب زبون رحت لابس فيه من ورا و والله يا جماعة أي عربية تانية و اتحدى بجد بقى كانت جابت ربع امامي بالكااااااامل.
محصلش اكتر من اكصدام مات تماما و الكبوت اتنى و استعدل ببساطة و الفانوس اليمين ((اتشرخ بس)) بس كدة و مفيش تراب جه ناحية الموتور و لا اي حاجة في الكبوت اصلا( و الله مكنت مصدق)....
لكن الفرامل مش مسعفة ابداااا و دة كان عتابي الوحيد في حين الجو كان صيف و مفيش لا زيت ولا حاجة..

بجد العربية ده بتاعت شغل بجد (heavy duty) و التوكيل منزل دلوقتي موديل جديد هاي لاين فيه abs & air bags & 16'' alloys

يعني بقت كاملة بجد و بكام بقى 106000 بس (كاملة اوتوماتيك بدون فتحة سقف)!!!!!!!!!!!

انا شايف السعر ده مناسب جدا و منافس كمان و من التوكيل بالضمان و انا مش بقارن بينها و بين الياباني عشان مينفعش عشان احنا هنا المتغيرات اللي بتتحكم في موضوع العربيات ده غير الخليج و اوروبا, هنا بيتحكم فينا السعر اكتر شوية و القوة و قطع الغيار و سعر اعادة البيع (مش كل الناس)...

كوري مع كوري بقى هنعمل تصويت و هعملو موضوع جديد ان شاء الله
السيراتو vs النترا (ايهما أفضل و لماذا)؟؟؟؟؟ بحيادية تامة بس بالكاتيجوري الجديد بتاع السيراتو abs, air bags, جنط 16
و لازم نخلي السعر في الحسبان
سيراتو كاملة abs + جنوط 16 106000
النترا كاملة بدون abs ولا جنوط و لا تكيف تتش 107000
من التوكيل مش خليجي
اااااااااسف جدا على الاطالة بس كنت عايز اوضح وجهة نظري و تجربتي و مستعد للحوار بحيادية و الرد على كل التساؤلات عن تجربة مع عدد كبييير من السيارات و حتى ال bmw.....
منتظركم و بجد نايل موتورز هو أفضل المنتديات المختصة بالسيارات.

اااسف مرة تانية......

[ahmed_su]

اااسف مرة تانية......

اسف ليه ياباشا

اشكرك مشركتنا تجربتك وتقيمك

[ahamied]

السلام عليكم يا باشمهندس غازى انا ارسلت سؤال فى موضوع اخر و اعتقد انك ممكن تجيب على هذا السؤال لان السيراتو عندك من فتره
ايه حكاية العفشه اللى بتبدب من الخلف و خصوصا فى الصباح و هل يجب تغيير المساعدين و تركيب مساعدين تعمل هواءوزيت معا

[M.ABDEEN]

من يومين سافرت اسكندريه بالسيراتوا وطبعا شديت بيها لما قلت يا بس ووصلت ل سرعة 190 وطبعا شوفت القوة الحقيقيه للموتور ولكن لاحظت الثبات مش اد كده مش عارف ليه رغم ان اللي بيتقال غير كده طبعا الالماني غير في الثبات وبعدين هو فعلا موتور السيراتوا 121 حصان موقع كيا موتورز Eit على النت بيقول 105 حصان حد يفيدنا يا جماعه

[m_o_sakr]

Yes sure, new cerato is the best car with this price for now, and i dare any person to bring sure data for something else,,