استفسار عن السيراتو الهاى لاين (وكيل)

[sabregas2010]

ازيكوا يا شباب
كان عندى استفسار بسيط عن بعض الحاجات اللى مش مكتوبة فى بورشور العربية اللى خدته من التوكيل يعنى مثلا عربية صاحبى خليجى هاى لاين فيها السينسور له شاشة صغيرة فى التابلوة بين العدادات بتبين اتجاه الجسم اللى ورا العربية فهل ده موجود فى الوكيل ولا مجرد صوت بس زى الانترا وتانى حاجة هل فيها فتح الشنطة من الريموت ولا لأ وهل فيها فتح باب العربية بالضغط على الزرار اللى فى اكرة الباب زى الخليجى ولا لأ
برجاء الافادة

[mohamed_mohsen]

فيها كل الكلام ده
بس فيه اوبشنز في الخليجي مش موجود في الهاي لاين وكيل
فماتقارنش بين العربيتين قوي

[sabregas2010]

انا مش بقارن بين الاتنين انا بس كان نفسى الحاجات دى تكون موجودة فى عربية الوكيل لانى مش ضامن الخليجى

[mohamed_mohsen]

الحاجات دي موجوده عندي في موديل 2011 هاي لاين وكيل
مش عارف موجوده في بتاعت الوكيل حالياً و الا لا

[2CODE]

ياريت لو تروح تشوف العربية في التوكيل افضل وتبص عليها هتلاقيها في العرض بتاع اي وكيل لكيا ده شئ اساسي هي والكارينز .... الخ

سؤال بسيط هو ليه دايماً في اخر ردك بتحط صوره العربية دي ؟ يا سيدي ربنا يباركلك بس مش في كل رد

[walidzakzok]

ياريت لو تروح تشوف العربية في التوكيل افضل وتبص عليها هتلاقيها في العرض بتاع اي وكيل لكيا ده شئ اساسي هي والكارينز .... الخ

سؤال بسيط هو ليه دايماً في اخر ردك بتحط صوره العربية دي ؟ يا سيدي ربنا يباركلك بس مش في كل رد

الصورة محطوطة فى التوقيع

[2CODE]

الصورة محطوطة فى التوقيع

لأ دي مش في التوقيع لان التوقيع بيسبقة خط زي ده

__________________________

فين بقى الخط ده في كل المشاركات ؟

[sabregas2010]

انا اسف يا باشا والله مكنتش اعرف ان صورة النيو اكسنت بتضايق حضرتك قوى كده
وعموما انا رديت من غير ما احط الصورة زى ما حضرت طلبت

[2CODE]

انا اسف يا باشا والله مكنتش اعرف ان صورة النيو اكسنت بتضايق حضرتك قوى كده
وعموما انا رديت من غير ما احط الصورة زى ما حضرت طلبت

لا يا فندم براحتك على الاخر ولكن ده رجاء فضلاً وليس امراً يكون في مشاركة واحده بس ولكن براحتك طبعاً اولاً واخيراً انا بسألك بس