نقلات فتييس السيراتو (٦ سرعات)

[wookiee]

لسلام عليكم

أنا عندي سيراتو ٢٠١١ فتييس جديد و في مشكلة حاسس بيها في النقلات ... ببساطة العربية مش بتنقل وقت ما أنا عاوز ، و لما بضغت علي البنزين سعات كتير ال rpm يعلا من غير الغيار ما ينقل .... أشيل رجلي و أحاطها تاني ينقل و يهدي .....

أنا تعبت و مش عارف أسوق كده خالص ...ارجو النصيحة

[medo_sirion]

دية مشكلة ان دواسة البنزين حساسة جدا

تدوس عليها تفتكر انك بتحرق على الغيار تشيل رجلك تلاقيها نقلت على الغيار التانى
والمشكلة دية بتظهر ما بين 3 و 4 دة لو فتيس 4
عندك ممكن بين 5و 6 على ما اعتقد
انا عندى فى عربية سول
تقبل تحياتى

[Rsarabia]

انقل عالستيبترونك

[wookiee]

طيب ايه الحل

[medo_sirion]

انقل عالستيبترونك

فعلا كنت بعمل كدة
بس عرفت معلومة ان الاستيترونك بيبوظ الفتيس مع كتر استخدامة

[hany63]

لسلام عليكم

أنا عندي سيراتو ٢٠١١ فتييس جديد و في مشكلة حاسس بيها في النقلات ... ببساطة العربية مش بتنقل وقت ما أنا عاوز ، و لما بضغت علي البنزين سعات كتير ال rpm يعلا من غير الغيار ما ينقل .... أشيل رجلي و أحاطها تاني ينقل و يهدي .....

أنا تعبت و مش عارف أسوق كده خالص ...ارجو النصيحة

طول ما انت ماشي في الزحمه سنه سنه خليها على ال d
لو الطريق ماشي ما بيقفش حطها على الرابع وده رانجه المعقول من ٥٠ ل ٩٠ كم في الساعه و هتبقى كده ريحت الفتيس بدل ما كل ثانيه ينقل

[mhf_77]

اللى بيحصل معاك باختصار انك لما بتدوس براحه الفتيس بياخد اوردر انه ينقل نقلاته الطبيعيه لكن لما الدوسه بتتقل السوفت بيدى الفتيس اوردر انه على وضع رياضى يعنى احرق وهات اخرك فى النقله فخف رجلك من على الدواسه لانها حساسه جدا وكل دوسه ليها بامر مختلف ونصيحه متستخدمش النقلات الرقميه غير لما تكون فعلا محتاجها زى مثلا تكون محمل وزن فى العربيه وطالع كوبرى من وضع ثبات او غرزت فى حفرة رمله ... الخ

[soltanfriend]

دا عيب الاوتوماتيك يا باشا واللي بيحقق الموازنه دي قليل جدا من العربيات
انا نفس الموضوع معايا في الميراج بس نسبه كبيره سببه ان رجلي تقيله شويه
بس في ايام بيكون ربنا هاديني فيها وبمشي عادي وقتها بحس ان العربيه فهماني ومريحاني ولما رجلي تتقل بحس انها بقت غبيه تاني واستهلاك البنزين طبعا بيعلي

[salodas]

ربنا يطمن قلبكم
بصراحة الموضوع ده كان بيحصلى بعض أوقات وأنا على السريع وكنت بحس أنها بداية مشكلة كبيرة ولكن أنتم وضحتو لى الموضوع .
ربنا يكرمكم

[wookiee]

جربت ال 4 سرعات ....الصراحة بتنقل أحسن من ال 6 سرعات مش فاهم ليه !

[mohamed_mohsen]

النتشه جامده و محسوسه و إلا بسيطه؟

[Youssef.Awad]

بصراحة افشل حاجة عملتها كيا هى الفتيس الاستيبترونيك ال6 سرعات ده .. الكنترول بتاعه سىء جدااااااااااا
ولازم تتحكم مانيوال بالاستيبترونيك لو على طريق طوالى انما جوه البلد هاتزهق وتقرف من نفسك ومن العربية زى السبورتاج اللى معايا
بس لازم تكبس بنزين وهى تسقط وتحرق براحتها لما تحب تتحرك من الثبات او تتخطى عربية

فعلا كنت بعمل كدة
بس عرفت معلومة ان الاستيترونك بيبوظ الفتيس مع كتر استخدامة

لو الكلام ده صحيح ما كانتش كل شركات العربيات عملته
بس فيه فرق بين شركة بتعرف تعمل حاجة صح وشركة فاشلة بتقلد بدون مخ
وفى كل الاحوال تثبيت الغيار لو ماشى بسرعة شبه ثابتة على طريق طويل افضل من التكتكة كل شوية من 4 الى 3 ومن 6 الى 5 الى 4 وغيرها !!!

[Mohamed.Muslim]

بصراحة افشل حاجة عملتها كيا هى الفتيس الاستيبترونيك ال6 سرعات ده .. الكنترول بتاعه سىء جدااااااااااا
ولازم تتحكم مانيوال بالاستيبترونيك لو على طريق طوالى انما جوه البلد هاتزهق وتقرف من نفسك ومن العربية زى السبورتاج اللى معايا
بس لازم تكبس بنزين وهى تسقط وتحرق براحتها لما تحب تتحرك من الثبات او تتخطى عربية



لو الكلام ده صحيح ما كانتش كل شركات العربيات عملته
بس فيه فرق بين شركة بتعرف تعمل حاجة صح وشركة فاشلة بتقلد بدون مخ
وفى كل الاحوال تثبيت الغيار لو ماشى بسرعة شبه ثابتة على طريق طويل افضل من التكتكة كل شوية من 4 الى 3 ومن 6 الى 5 الى 4 وغيرها !!!

أ/ يوسف , أنا حاجزكارينز هاى لاين و كنت سعيد جدا انى حركب عربية ستيب ترونيك وانى حستمتع بالمانيوال بتاعها بس بعد اللى قريته ده انا قلقت يعنى انا مش حعرف اسوق مانيوال براحنتى فى الزحمة او غيره , وبعدين موضوع ان السواقة بمانيوال الستيب ترونيك بيبوظ الجير الكلام ده حقيقى ولا ايه ,, ياريت تفيدنى خصوصا انك زى ماقولت كان معاك كارينز و دلوقتى معا اسبورتاج فأكيد خبرتك كبيرة

[Mohamed.Muslim]

ايه ياجماعة روحتوا فين ............

[A.Adel]

حضرتك متقلقش :)

ال tiptronic ملوش أي ضرر خالص على الفتيس
كل الحكاية إنك إنت بتقول للفتيس ينقل امتى
بدل ما تسيب ال ECU بتاعت العربية هي اللي تحدد

عيبها الوحيد بيبقى فيه تأخير ثانية كده اللي إنت بتنقل فيها
الحكاية دي بتبان بالذات في النقلات الاولانية
و دي في كل العربيات