غسيل السيارة

[hosam181]

[overline]

انا لو عاوز اغسل العربية بنفسى اغسلها بأية عشان احافظ على البوية بتاعتها

[/overline]

[S O P H O S]

مياه واي منظف سائل يكون مفهوش حبيبات زي اريال وخلافه
والله اعلم ..

[salodas]

لو خايف عليه أوى .... أغسلها بشامبوه ..... والسفنجة تكون ناعمة

[salodas]

الحاجات دى ( شامبوه + سفنج + فوط ....... ) متوفرة فى كارفور وهتلاقى أنواع كتير كمان

[wawamoha]

باشا رش شويه سولار - جاز عل العربيه و بعدين اشطفها يميه كويس
دي احسن غسيل و ده اللي بيحافظ عل البويه

[salodas]

جاز على العربية ... صعبة جدا ... الجاز أو السولار من مصنفات المذيبات العضوية وهو يضر بالبوية جدا والله أعلم ... أنت لو عندك بقعة بوية فى الملابس وعاوز تطلعها كنا زمان بنطلعها بالجاز .... ولكن الأن عندك بنزين النظافة (متوفر فى البنزينة)
عشان خاطرى بلاش جاز

[IronHead]

اياك والبيريل ففيه الهلاك للبويه
فى شامبوهات مخصوصه بتستعملها الكار كير, بتحافظ على البويه وتديها لمعه حلوه

[ahmed_afifi84]

السلام عليكم ورحمة الله وبركاته
أخي الكريم, حتى تحافظ على الطبقة الشفافة المسماه Clear Coat وهي تعتبر الطبقة الثالثة من طبقات الدهان عليك أن لا تستخدم الآتي
1. البريل والفيري وغيرها المستخدمة بكثرة في محطات البنزين
2. الجاز
جميعها مواد آكلة للطبقة الشفافة, والتي تطفئ لمعة العربية شوية شوية, وممكن تدخل إلى طبقة اللون وهذا بداية الهلاك
كل ما عليك هو شراء شامبو متعادل (ليس حمضي ولا قلوي) كما يوجد بعض الشمبوهات معاها شمع Wax والذي يحافظ على حالة السيارة.
تتوفر المنتجات بكثرة في الأسواق, وبتركيزات مختلفة, مثلاً لكل 10 لتر تضع كمية غطاء من الشامبو, وسأسرد لك بعض أسماء المنتجات من الأفضل إلى الأقل
1. ماجوايرز (وهذه الماركة هي رقم 1 في العالم, قد تكون غالية بس عن تجربة أكثر من رائع, ووكيلها موجود في القاهرة - مصر الجديدة وفي الإسكندرية)

http://www.meguiars.com/en/automotive/products/#

2. سوناكس (وهو الأكثر إنتشاراً وسعره مقبول جداً حيث تتراوح سعر العبوة 30 جنيه, وتكفي ما يقارب من 20 إلى 30 غسلة)
3. Formula (ماركة منتشرة وسعرها مقبول وتكفي بالغرض)
4. Turtle Wax (عندهم برضه شامبو وسعره مقبول)
وفي جميع الأحول طالما أنه شامبو مخصص للعربية فلا تقلق
ثانياً, فوطة الغسيل يفضل أن لا تكون مجرد فوطة, حاول شراء فوطة مايكروفايبر وهي الأكثر فاعليه والأكثر نعومة على سطح العربية.
وأي تفاصيل أضافية أو إستفسار, انا تحت أمرك

[tarek_rcc]

السلام عليكم ورحمة الله وبركاته
أخي الكريم, حتى تحافظ على الطبقة الشفافة المسماه clear coat وهي تعتبر الطبقة الثالثة من طبقات الدهان عليك أن لا تستخدم الآتي
1. البريل والفيري وغيرها المستخدمة بكثرة في محطات البنزين
2. الجاز
جميعها مواد آكلة للطبقة الشفافة, والتي تطفئ لمعة العربية شوية شوية, وممكن تدخل إلى طبقة اللون وهذا بداية الهلاك
كل ما عليك هو شراء شامبو متعادل (ليس حمضي ولا قلوي) كما يوجد بعض الشمبوهات معاها شمع wax والذي يحافظ على حالة السيارة.
تتوفر المنتجات بكثرة في الأسواق, وبتركيزات مختلفة, مثلاً لكل 10 لتر تضع كمية غطاء من الشامبو, وسأسرد لك بعض أسماء المنتجات من الأفضل إلى الأقل
1. ماجوايرز (وهذه الماركة هي رقم 1 في العالم, قد تكون غالية بس عن تجربة أكثر من رائع, ووكيلها موجود في القاهرة - مصر الجديدة وفي الإسكندرية)

http://www.meguiars.com/en/automotive/products/#

2. سوناكس (وهو الأكثر إنتشاراً وسعره مقبول جداً حيث تتراوح سعر العبوة 30 جنيه, وتكفي ما يقارب من 20 إلى 30 غسلة)
3. Formula (ماركة منتشرة وسعرها مقبول وتكفي بالغرض)
4. Turtle wax (عندهم برضه شامبو وسعره مقبول)
وفي جميع الأحول طالما أنه شامبو مخصص للعربية فلا تقلق
ثانياً, فوطة الغسيل يفضل أن لا تكون مجرد فوطة, حاول شراء فوطة مايكروفايبر وهي الأكثر فاعليه والأكثر نعومة على سطح العربية.
وأي تفاصيل أضافية أو إستفسار, انا تحت أمرك

وعليكم السلام ورحمة الله وبركاته
الله يجزاك خير .... كفيت ووفيت