أول تقرير بعد شراء ريو هاتشباك 2013 و الحمد لله

[Mohab555]

بسم الله الرحمن الرحيم
---------------------
واخيرا و بعد طول تفكير و معاناه و مفاضلة و التفريط فى عربيتى الجيتز القديمة ( عزيزة 1 )

استقريت على الريو الهاتشباك الفولى لودد الخليجى و الحمد لله اشتريتها من سمير ريان ب 130 الف لونها فضى و الفرش موكا فى اسود ... خليجى سعودى
المواصفات :
المواصفات : 1400 سى سى - 109 حصان - 2 ايرباج - abs - ebd - جنوط 17 - تكييف - باور - طارة ملتى - مثبت سرعة - تكييف تاتش - حساس نور - حساس مطره - حساس ركن - بلوتوث - مرايات ضم - ايموبلايزر - مفتاح بصمة - فوانيس عدسات و ليدات قدام - فوانيس ليدات خلفى - فرش جلد - فوجات

اول انطباع عن العربية انى راكب حاجه محترمه زى الجولف و البرافو
بالنسبة للتقييم بعد اول 80 كم فقط رغم انها اتحكت من توكتوك ( منه لله ) و من حمار ( عربجى ) بس الحمد لله بسيطة
--------------------
1- السحب : ممتاز و مفيش مشكله خالص و لا موضوع انها بتتأخر 4 ثوانى لحد ما تستجيب و الكلام ده ماشاء الله بجد بالنسبه انى كان معايا جيتز مانوال ... سحبها ممتاز مش 1400 خالص

2- العفشة : انعم من عفشة الجيتز بمراحل رغم الجنط ال 17 الى منشفها حبه بس فى الوقت نفسه بيدى ثبات ماشاء الله جميل .... بس حاسس انها نشفت بعد ما حطيت فى العجل نيتروجين !!! مش عارف ده وهم ولا ايه ؟؟ رغم ان كل الناسس اجمعت على االنيتروجين فى الجنط ال 17 علشان العربية تكون مرتاحة و متطلعش الفرده بلالين( هما الى قالو كده ) ... بس حاسسها كانت مرتاحة اكتر فى الهواء العادى ... مش عارف ؟؟

3- العزل : ممتاز بمعنى الكلمه بمجرد قفل الازاز انت فى عالمك الخاص ..

4- استهلاك البنزين : و هى دى الحاجة الى مش قادر احكم عليها لان لحد دلوقتى ماشى بتاع 80 كم و ربع التنك خلص بس الصراحة كله زجمة مفيش طريق سريع خالص ... مش عارف الدنيا هتتظبط ولا فى مشكلة ؟؟؟؟ الجيتز فى الزحمة كانت بتعمل من 180-160 كم فى الصفيحة

بصراحة انا الحمد لله رغم انى كنت خايف منها بس مبسوط منها جدا جدا و منتظر موضوع البنزين ده يبان الرؤية فيه علشان الفرحة تكتمل و اغلب الناس بتقولى متركزش مع استهلاك البنزين فى اول 5 الاف كم لحد ما الموتور ما يكون فتح و لين و الدنيا تكون ظبطت شويه ..

اى استفسار انا تحت الامر وياريت الى يعرف حاجة عن قصه النيتروجين يفيدنى ؟؟؟ وكمان موضوع استهلاك البنزين

[Hamdy Masria]

مبروك عليك العربية
وربنا يديلك خيرها ويكفيك شرها
وبالنسبة لموضوع النيتروجين لازم تتأكد ان ضغط الأطارات مظبوط مش زيادة
المفروض ان رقم ضغط الأطارت بيكون على استيكر عندك بيكون فى قايم العربية ( طبعا مش متأكد من المكان لأنى مش معايا الريو )
لو الضغط مظبوط هتلاقى العربية طرية وانعم من الأول لكن لو زياده هتحس ان الدنيا عندك ناشفة شوية

[mohammedabdallh]

مبروك عليك العربية
وربنا يديلك خيرها ويكفيك شرها
وبالنسبة لموضوع النيتروجين لازم تتأكد ان ضغط الأطارات مظبوط مش زيادة
المفروض ان رقم ضغط الأطارت بيكون على استيكر عندك بيكون فى قايم العربية ( طبعا مش متأكد من المكان لأنى مش معايا الريو )
لو الضغط مظبوط هتلاقى العربية طرية وانعم من الأول لكن لو زياده هتحس ان الدنيا عندك ناشفة شوية

بالظبط كدا شوف مقاس الهوا حسب العربيه
مش حسب دماغ بتاع الكوتش
والف مبروك يا كبير ربنا يديك خيرها ويكفيك شرها

[mohamed_rhem]

الف مبروك عربية ما شاء الله عليها بتجري

[archman2020]

الف مبروووووك ياباشا على العربية الجديدة وخلي بالك منها بقى :)
طبعا انا كمان بفكر اجيبها وبشوف مشاكلها هل فيه سخونة من ناحية المحرك بتطلع على الكابينة الامامية ؟؟؟
وموضوع البنزين والتكييف اكيد مش هتعرفهم دلوقتي ... لكن المقدمات مش مريحة بالنسبة ليا بس ربنا يستر ويبقى تمام ... بس ليه مجبتش الهاي لاين من الوكيل افضل ؟؟؟

[archman2020]

فيه نقطتين مهمين بردوا ...
هل المحرك بتاعها 138 ولا 109 ؟؟؟؟ وهل معدلات البنزين معاك كده :
Town : 6.9 L/100KM
Highway : 5.3 L/100KM
ومش المفترض ان التكييف بتاع الخليجي اعلى بكتير من المصري ؟؟؟
انا عايزك تشوف الصفحة دي وتقولي رايك يعني هل نفس الاوبشن دي هيا اللي معاك في الخليجي ولا فيه فرق ؟؟؟
2013 Kia Rio 5 SX - New Vehicles | Lallier Kia de Laval. | Kia dealer in Laval, Quebec. New 2012-2013 Kia models and pre-owned vehicles at the best price in Laval.

[abogharib]

فيه نقطتين مهمين بردوا ...
هل المحرك بتاعها 138 ولا 109 ؟؟؟؟ وهل معدلات البنزين معاك كده :
Town : 6.9 l/100km
highway : 5.3 l/100km
ومش المفترض ان التكييف بتاع الخليجي اعلى بكتير من المصري ؟؟؟
انا عايزك تشوف الصفحة دي وتقولي رايك يعني هل نفس الاوبشن دي هيا اللي معاك في الخليجي ولا فيه فرق ؟؟؟
2013 kia rio 5 sx - new vehicles | lallier kia de laval. | kia dealer in laval, quebec. New 2012-2013 kia models and pre-owned vehicles at the best price in laval.

انا عمرى مسمعت من حد معاه ريو بيعمل المعدلات دى خالص

[S O P H O S]

الف الف مبروك
ربنا يباركلك فيها
فرحت علشانك ويارب تكون وشها حلو عليك ..

[Mohab555]

مبروك عليك العربية
وربنا يديلك خيرها ويكفيك شرها
وبالنسبة لموضوع النيتروجين لازم تتأكد ان ضغط الأطارات مظبوط مش زيادة
المفروض ان رقم ضغط الأطارت بيكون على استيكر عندك بيكون فى قايم العربية ( طبعا مش متأكد من المكان لأنى مش معايا الريو )
لو الضغط مظبوط هتلاقى العربية طرية وانعم من الأول لكن لو زياده هتحس ان الدنيا عندك ناشفة شوية

الف شكر ياكبير
وقولت للراجل ظبط على 32 زى ما مكتوب على القايم قالى لا بلاش علشان متبقاش نشفه خليها 30 بس و ظبط على 30 ...

[Mohab555]

بالظبط كدا شوف مقاس الهوا حسب العربيه
مش حسب دماغ بتاع الكوتش
والف مبروك يا كبير ربنا يديك خيرها ويكفيك شرها

الف شكر يا كبير

[Mohab555]

الف مبروووووك ياباشا على العربية الجديدة وخلي بالك منها بقى :)
طبعا انا كمان بفكر اجيبها وبشوف مشاكلها هل فيه سخونة من ناحية المحرك بتطلع على الكابينة الامامية ؟؟؟
وموضوع البنزين والتكييف اكيد مش هتعرفهم دلوقتي ... لكن المقدمات مش مريحة بالنسبة ليا بس ربنا يستر ويبقى تمام ... بس ليه مجبتش الهاي لاين من الوكيل افضل ؟؟؟

الف شكر يا باشا ربنا يخليك
مفيش موضوع السخونة ده خالص عندى الحمد لله
و موضوع البنزين ان شاء الله هيتظبت مع الوقت خصوصا ان عربيتى الحمد لله انتاج اكتوبر 2012 يعنى لسه طازه و اكيد ان شاء الله لحقت اخر التعديلات بتاعة كيا علشان القصة دى ولا ايه ؟؟
وبينى و بينك ركبت بتاعة التوكيل محستش بالدلع الى حسيته فى الخليجى

[Mohab555]

فيه نقطتين مهمين بردوا ...
هل المحرك بتاعها 138 ولا 109 ؟؟؟؟ وهل معدلات البنزين معاك كده :
Town : 6.9 l/100km
highway : 5.3 l/100km
ومش المفترض ان التكييف بتاع الخليجي اعلى بكتير من المصري ؟؟؟
انا عايزك تشوف الصفحة دي وتقولي رايك يعني هل نفس الاوبشن دي هيا اللي معاك في الخليجي ولا فيه فرق ؟؟؟
2013 kia rio 5 sx - new vehicles | lallier kia de laval. | kia dealer in laval, quebec. New 2012-2013 kia models and pre-owned vehicles at the best price in laval.

انا موتورى ال 1.4 ال 109 حصان .... ال 138 ده الموتور ال gdi زى الى فى الاسبوتاج تمام و منزلتش غير فى استراليا و امريكا فقط ... حتى فى اوروبا نزلت 1100 ,1200 . 1400 ديزل , 1400 بنزين ....
و موضوع الاستهلاك ده انا العربيه اول لما طلعت بيها و كنت ماشى 100 على الاوتوستراد كان المعدل قدامى 5.6 لتر لكل 100 كم بس لما دخلت الزحمة الموضوع اختلف و كمان البنزينه الى حطيت منها كان شكلها معفن بس ان شاء الله انا متفائل بيها ان شاء الله

[Mohab555]

الف الف مبروك
ربنا يباركلك فيها
فرحت علشانك ويارب تكون وشها حلو عليك ..

الف شكر يا حبيب قلبى ربنا يخليك و يباركلك و يسمع منك يا رب

[Mohab555]

بس ايه رأيكم يارجاله اسيب العجل نيتروجين زى ما هو ولا ارجعه هواء تانى ؟؟؟

[archman2020]

الحقيقي انا مستغرب من موضوع البنزين لان المفترض فيه تقنية في الريو الجديدة الكاملة اسمها stop - start ونظام eco ودي شرحها كالاتي نقلا عن محركات فورد .... اقرئها كده وقولي رايك وفقا لاداء العربية معاك >>>

تقنية فورد الشهيره ” تشغيل /ايقاف ” START-STOP TECHNOLOGY التي تساعد على الاقتصاد العالي في الوقود التي تعمل على ايقاف محرك السياره عند الوقوف المتوفره حاليا في مركبات فورد الهجينه Hybrid وبعض الموديلات التي تعمل على الوقود في اوروبا سوف يتم تزويد موديلات فورد المتوفره في امريكا الشماليه ايضا بهذه التقنيه وتشمل جميع الموديلات ( السيدان – الكروس اوفر CUV – السيارات الرياضيه متعددة الاستعمالات SUVs ) .

حصلت فورد مؤخرا على براءة اختراع للنظامها الجديد ” تشغيل /ايقاف ” START-STOP SYSTEM للمركبات التي تعمل على الوقود . وسوف يقوم على النظام على التقليل من نسبة استهلاك الوقود من 4% الى 10% وتزيد النسبه او تقل على حسب طريقة قيادة المركبه والاستعمال والحجم . ومن مميزات هذا النظام هو تقليل نسبة انبعاثات العادم الى 0% عند الوقوف التام او الانتظام عند اشرة المرور . تقنية فورد Start-Stop technology حصدت على اكثر من 244 براءة اختراع وسوف يتم عرض هذه التقنيه في مركبه اختباريه Concept سوف تطلقها فورد في معرض امريكا الشماليه الدولي North American International Auto Show( ديترويت الدولي 2011) في شهر يناير القادم .

نظام ” تشغيل /ايقاف ” START-STOP SYSTEM هو احدث مثال على توجه فورد القوي على توفير احدث الانظمه في التقليل من استهلاك الوقود وبسعر مناسب للجميع عملاء فورد . قامت فورد مؤخرا باطلاق عدة انظمه وطرق تساعد على التقليل من استهلاك الوقود مثل نظام توجيه عجلة القياده الكهربائي electric power steering و ناقلات حركه اليه مزوده بكلتش مزدوج dual-clutch PowerShift six-speed transmissions و غيرها من الانظمه والتقنيات التي تساعد على التقليل من استهلاك الوقود والتي تعتبر جزء من التزام فورد في ان تصبح الرائده او من بين الاوائل في الاقتصاديه العاليه في استهلاك الوقود في جميع الفئات .

تقنية فورد العالميه ” تشغيل /ايقاف ” START-STOP SYSTEM تعمل بشكل سلس وهادئ ولاتتطلب من السائق اي تغيير في سلوكه اثناء القياده . عند القياده داخل المدينه واثناء الوقوف يقوم المحرك بتشغيل نفسه تلقائيا لحظة رفع رجل السائق عن دواسة المكابح . عند الوقوف واثناء توقف المحرك عن العمل جميع اجهزة السياره تعمل بدون توقف .

فورد حاليا في طريقها للتزويد موديلات فورد اوروبا بهذا النظام . النظام تم تصميمه للعمل في المركبات المزوده بمحرك بنزين و ديزل . النظام حاليا متوفر اساسيا في موديلات فورد اوروبيه ECOnetic صديقه للبيئه مثل فورد كا Ka و فورد مونديو Mondeo و الفورد فوركس و فان C-MAX وفان Grand C-MAX . سوف يطلق نظام ” تشغيل /ايقاف ” START-STOP SYSTEM في امريكا الشماليه في 2012 وفي نهاية المطاف في جميع موديلات فورد حول العالم .

من ابرز الانظمه الرائده من فورد في التقليل من استهلاك الوقود :

* محركات الايكوبوست ECOBOOST التي تجمع مابين تقنية الشحن التوربيني turbocharging والحقن المباشر direct injection و نظام الكامات ذات التوقيت المتغير للتزويد بالوقود twin independent variable camshaft timing or Ti-VCT والتصغير من حجم المحركات للتوفر اقتصاديه ممتازه في استهلاك الوقود مع عدم التضحيه بالاداء العالي .

* محركات الديزل TDCi turbo-diesel المحسنه ذات الاقتصاديه العاليه في استهلاك الوقود مع اصدار انبعاثات قليله المتوفره في موديلات فورد الاوروبيه .

* استخدام نظام توجيه عجلة القياده الكهربائي electric power steering بدلا من نظام التوجيه الذي يستخدم الهيدروليك الذي يشكل عبئا على المحرك .

* ناقلات حركه ب 6 سرعات والتي تجعل المحرك اقل استهلاكا للوقود عن طريق اختيار افضل سرعه للتحقيق اقتصاديه عاليه في الوقود .

* ناقل حركه اليه مع كلتش مزدوج PowerShift dual-clutch automatic transmission الذي يرسل قوة المحرك خلال ناقل الحركه بدون الاعتماد على الطنجرة torque converter او طرمباة الهيدروليك hydraulic pumps .