ماهي اسعار قطع غيار كيا ريو2013؟؟؟

[archman2020]

عايزين نعرف اسعار قطع غيار ريو 2013 سواء في التوكيل والاهم بررررره التوكيل ؟؟؟ وياريت نعرف هل هي متوفرة بره اساسا ولا لا وهنلاقيها في المحافطات ولا القاهرة بس ؟؟؟؟

[archman2020]

كل دي مشااااااااااهداااات ومفيش ولا رد لييييه .... ايه ياجماعة متحسسونيش اني داخل قسم الصيني ... مش ده قسم الكيا بردوا ولا انا غلطان :)

[Mohab555]

العربية لسه نازله و مبيعاتها ماشاء الله فى تزايد
أديها بتاع لحد نص السنه الى جايه هتلاقيها مرطرطه فى كل مكان .. وقطع الغيار موجوه فى التوكيل

[mostafaelfayed]

انا اقولك يا كبير ... اصلنا كشعب مصري طبعا اول ما بنكون جايبين حاجه جديدة بنخاف نفول عليها بموضوع قطع الغيار ده .. :d برغم ان الافضل اننا نكون عارفين من دلوقتي ... و ياريت يا جماعه اول ما حد يعرف اي معلومة يكتب هنا و نخلي الموضوع ده تجميعه لأي مكان و اي معلومة عن كماليات او قطع غيار او اي شئ خاص بالريو للمصلحة العامة ...

[archman2020]

اه والله ياباشا فعلا ده زي مابيقولوا سلو بلدنا :) انا معاك جدا وياريت كل الناس تشارك في الموضوع علشان تعم الفائدة على الجميع ان شاء الله وفعلا الموضوع مهم

[2CODE]

اكدب عليك لو قلت لك حد جرب يشتري لها قطع غيار :)

لغاية دلوقتي محدش اشتري قطع غيار للعربية من ملاكها الحاليين, العربية ممتازه ومش هتحتاج تغير لها قطع الا في الصيانات الدورية مع العمر الافتراضي لا اكتر ولا اقل لان مشاكلها تعتبر شبه منعدمه

[mostafaelfayed]

اكدب عليك لو قلت لك حد جرب يشتري لها قطع غيار :)

لغاية دلوقتي محدش اشتري قطع غيار للعربية من ملاكها الحاليين, العربية ممتازه ومش هتحتاج تغير لها قطع الا في الصيانات الدورية مع العمر الافتراضي لا اكتر ولا اقل لان مشاكلها تعتبر شبه منعدمه

بس والنبي متفكرنيش ... و تاخد معاد للتوكيل ... و يقولولك بعد اسبوع الساعه اتنين ؟ ايه الديفيرنت يعني فده .. يلا ولادنا برضه هنقول ايه ربنا يستر و منغيرش حاجه خالص نفضل كده

[2CODE]

بس والنبي متفكرنيش ... و تاخد معاد للتوكيل ... و يقولولك بعد اسبوع الساعه اتنين ؟ ايه الديفيرنت يعني فده .. يلا ولادنا برضه هنقول ايه ربنا يستر و منغيرش حاجه خالص نفضل كده :e_braces[1]:

يمكن الفرع اللي انت يا مصطفي بتروحه بيكون مليان انا عن نفسي ميعاد الصيانة اخدته تاني يوم ده بيبقى بحسب الصيانات الموجوده في التوكيل مش اكتر

[S O P H O S]

فعلا العربية لسه جديدة
بس متوقع ان اسعارها تكون معقولة ان شاء الله
وربنا يبارك لصحابها فيها ..

[mostafaelfayed]

يمكن الفرع اللي انت يا مصطفي بتروحه بيكون مليان انا عن نفسي ميعاد الصيانة اخدته تاني يوم ده بيبقى بحسب الصيانات الموجوده في التوكيل مش اكتر

بصوا بقه .. عاوزين اسم دلع للريو ... ندلعها ... ريري ... لأ مدلع و نايتي اوي ... فيري ... ايه رأيكوا ففيري ده .. هو اي نعم بتاع غسيل بس اسم مدلع و عالاقل نضمن انها تفضل نظيفه على طول ولا ايه .. طبعا بعد صباح الفل علي الجميع

[moryomar]

فوانيس ريو 2013

السلام عليكم جميعا
انا كنت سألت قبل كده فى التوكيل على الفوانيس
امامية ليدات بتعمل حوالى2000 +ضريبة 10%
خلفية ليدات بتعمل حوالى 1950 +ضريبة 10 %

كنت سألت برده على الدلايات
اللى معاه ريو اكيد حاسس بالمشكلة دى علشان جوانب العربية بتتبهدل
كان سعرها 258 +10 % ضريبة و حوالى 200 جنيه للتركيب
طبعا ده تهريج السعر ده

ياريت اكون افدتكم

[mostafaelfayed]

السلام عليكم جميعا
انا كنت سألت قبل كده فى التوكيل على الفوانيس
امامية ليدات بتعمل حوالى2000 +ضريبة 10%
خلفية ليدات بتعمل حوالى 1950 +ضريبة 10 %

كنت سألت برده على الدلايات
اللى معاه ريو اكيد حاسس بالمشكلة دى علشان جوانب العربية بتتبهدل
كان سعرها 258 +10 % ضريبة و حوالى 200 جنيه للتركيب
طبعا ده تهريج السعر ده

ياريت اكون افدتكم

ربنا يستر بجد ايه الاسعار دي

[Mohab555]

ربنا يستر بجد ايه الاسعار دي

لو خدتها نسبيا انها فوانيس سبور مش غالية ... الفانوس الاسبور بتاع اى عربيه فى اى محل بره لو امامى و فى عدسات و ليدات مش بيقل عن 1800 جنيه !!! طب اقولك مفاجأه لسه عارفها من صديق !!! فانوس اللانسر الشارك ابو عدسة الامامى بكام !!! 7300 جنية من غير الضريبه !!!
و بعدين العربيه الحمد لله بتنتشر كل يوم عن التانى و هتلاقى قطع الغيار بقت مرطرطه بره التوكيل جديدة و استيراد كمان كام شهر ...