مفيش امل في البلد ديه ...

[Deshahcoka]

الحكاية ارجالة ...

انا كنت عاوز اطلب حاجة للعربية

7" GPS Fascia Audio Integrated Type 5P for 08 11 Kia Forte Forte Koup | eBay

زي ما حضرتكم شايفين حتت فريم بلاستك معفن ملوش لزمة بيتحط فيه شاشة ... سعره حدود 450 جنيه قلت و ماله جمد قلبك يا واد هاتوا حيعوج العربية و لا اجدعها اس كلاس فيكي يا مصر ...

المهم استخدم شركة شحن للخدمة ديه و دفعت الفلوس تامام امين الدنيا زي الفل... القي رد بيقولي

ان ده عشان مكتوب عليه GPS يبقى ممنوع يدخل البلد ... هاتك يا تلفونات كلم الناس ارجالة ازاي ديه مش مخدرات يعني و ده حتت بلاستك ملوش لزمة لازم في سوء تفاهم ...

لا يا باشا مكتوب عليه GPS يبقى ده جيبي اس يا جدع افهم قالي ولو هوا ممنوع ... يمين شمال مفيش امل ...

و من هنا عرفت احنا له بلد متخلفة و مفيش منها امل و حتفضل بلد عبد الورقة و القلم و الروتين الاهبل المش منطقي الي ملوش لزمة ...

بلاد العالم كله شغاله زي الفل و احنا بيمنعوا دخول حتت بلاستك ...

عليه العوض و منه العوض :)

رجاله محدش يتعب نفسه في الفريم ده عامل زي المخدرات ممنوع دخوله البلد و هوا بتاع الكست برضه بيتباع ب 30 دولار تلاقيه هنا بالف جنيه ... اتاريه متهرب :)

[rockeromda]

ابتسم انت في مصر!
حسبي الله ونعم الوكيل في الغباء!

[Mostafa.Ramdan]

Gpsssssssss

[abogharib]

و صلت بك الجراءه لدخول هذا الرجس الشيطانى الذى يدعى ب الجى بى اس ..الجى بى اس اصلا حرام
هههههههههه :p

[Deshahcoka]

و صلت بك الجراءه لدخول هذا الرجس الشيطانى الذى يدعى ب الجى بى اس ..الجى بى اس اصلا حرام
هههههههههه :p

يا رجل انه من الكبائر و لقد ارتكبت فعل فاضح و سوف تتم معاقبتي بتطبيق الحد

[moha4tec]

ابعت لشركة الشحن او الشركه المصنعه تكتب عليه دى فى دى و تشطب على اى حاجه مكتوب عليها جى بى اس .
و ابعتلى رقمك و نحاول نظبطها .و هل شركة الشحن هتجيبهولك عن طريق البحر و الا طيران
و ربنا معاك يا كبير
و مين جهة المنع الجمارك و الا مين بالظبط و نشوف اه البدايل و ربنا يسهل

[Mohab555]

بص اولا انا عارف احساسك علشان حصل معايا الموضوع ده قبل كده وكانت شغلانه طين و قررت من ساعتها مش هجيب حاجة من بره تانى .... فمعلش ربنا يعوض عليك و ينتقم من التخلف الرهيب الى فى الجمارج ده ..

ثانيا : كنت عاوز اسألك اشتريت ازاى من ebay و خصوصا ان مصر مش فى البلاد الى موجوده فى ال PAYPAL و هو ده طريقة الدفع الوحيده فى الموقع ؟؟؟

[dr.hazem]

انا اتحرق دممممممي


طب مالموبايلات ماليه الدنيا وفيها جي بي اس
تخلف تخلف

Sent from my SE Arc S using Forum Runner

[exact]

الجي بي اس مش ممنوع في مصر ولا اي حاجة... شوف شركة شحن تانية

ابسط دليل ان كل التليفونات نازلة جي بي اس ومبارك سمح بيها من سنة 2010 تقريبا

[Deshahcoka]

هوا انا كنت فاكر انوا مسموح بيها فعلا بس لغاية يومنا هذا ممنوع دخولها البلاد اه والله فاكرين ايه :)

الفكرة انوا شركت كنت عامل اكونت على شركة DHL في خدمه في ارمكس برضه زيهم اسمها Ship And Shop حاجة كدة بيدولك عنوان في امريكا و تقدر تشحن عليه عادي و تيجليك هنا و في شركات زي ادفعلي و كدة

بس انا اتصدمت .. و فعلا يا كبير حاولت اكلم المصنع يغيروا الاسم مفيش فايدة فاكرني بستهبل يعني ايه اغير جي بي اس

اما الشكرة قلتلهم غيروا العلبة حطوها في اي حاجة مفيش قالك الجمارك هنا و حال البلد و الحكومة مشددة و الجمارك محذرة من دخول الحجات ديه البلاد .. فلتله يا عم الحج و حيات ابوك ده حتت بلاستك مش برشام

قالي ما ماشي فرضنا انوا فريم بلاستك ما انتا حتستخدمه و تركب فيه شاشة او جي بي اس و ده ضد القانون

قلتله معلش يا باشا اصلي عاجبني شكله و كنت عاوز احط فيه طباديب على تابلوه العربية بدل ما بيروحوا يمين و شمال في الملفات قالي اذا كان كدا ماشي بس خلاص اتصادر :]

رد يا حسين عليه بجد :)

تهامي باشا ستايل

[khalid_adel]

هما مش كانو فتحو موضوع النافيجيشن عادي ؟؟
طب كميه العربيات اللي بتنزل بنافيجيشن والكاسيتات اللي فيها gps وتمنها ميعيديش 2000 جنيه وطبعا غير اللي ب 500 جنيه اللي لوحده وبيلزق علي الازاز
هو في ايه مالهم الناس دي

[khalid_adel]

لو علي الشراء من ebay في شركات بتجيبلك منهم عادي وهما بيدفعو زي ادفعلي او اشتريلي

[abogharib]

بص اولا انا عارف احساسك علشان حصل معايا الموضوع ده قبل كده وكانت شغلانه طين و قررت من ساعتها مش هجيب حاجة من بره تانى .... فمعلش ربنا يعوض عليك و ينتقم من التخلف الرهيب الى فى الجمارج ده ..

ثانيا : كنت عاوز اسألك اشتريت ازاى من ebay و خصوصا ان مصر مش فى البلاد الى موجوده فى ال paypal و هو ده طريقة الدفع الوحيده فى الموقع ؟؟؟

يا باشا انا اعرف واحد على موقع دي فى دى 4 عرب بيعت فلوس على الباى بال لاى حد انت عايزو و بياخد 10% من سعر الدولار فقط يعنى لو الدولار ب 6.20 هو بيحاسب على ان الدولار ب 6.82 لو عايز رقمى او موضوعو قولى و انا ابعتهولك

[moha4tec]

ليه كده بس .دى ناس بتهرج ازاى يصادروا الفريم مع انه الجى بى اس مالى البلد و محلات اكسسوار العربيات

[adelghanem]

مافيش فايده!!!!!!!!!!!!!!!!!!!!!!!!!!!!!!!!!!!!