شوية مشاكل خفيفة في السيراتو

[AhmedNaeem]

السلام عليكم ورحمه الله وبركاته

معايا سيراتو 2010 اتوماتيك وعندي شوية مشاكل ياريت تساعدوني
- في رعشة خفيفة في النور سواء الامامي او حتي نور الصالون والعدادات بتبقي موجودة بس علي السلنسيه وتقريبا بتروح مع الضغط علي دواسة البنزين
- في رزعة في الجانب اليمين الخلفي مع المطبات الرخمة لو اخدته بسرعة شوية
- الابواب بتكتك ذي ما تكون مش متثبته كويس
- لما اخد مشوار بحس ان الفرامل بتمسك كويس وبعدين تروح تحت رجلي ورحت لميكانيكي اخدلها الهواء ونظف التيل وغير الزيت الباكم وشوية ورجعت تاني , روحا لميكانيكي تاني واخدلها الهواء تاني وقالي لو اتكررت يبقي هات معاك ماستر عمومي , علما بان الفرامل فيها ABS

ياريت تقلولي رايكم في الحوارات دي
وشكرا

[Kareem.ElAraby]

متابع

[akmm]

النور متهيالى بطاريه او دينامو............. والباقى متابع ........ ؟؟؟؟؟؟؟؟؟؟؟؟

[temo85]

السلام عليكم ورحمه الله وبركاته

معايا سيراتو 2010 اتوماتيك وعندي شوية مشاكل ياريت تساعدوني
- في رعشة خفيفة في النور سواء الامامي او حتي نور الصالون والعدادات بتبقي موجودة بس علي السلنسيه وتقريبا بتروح مع الضغط علي دواسة البنزين
الكهربا ضعيفه يعنى شحن الدينامو ضعيف خلى كهربائي يبص على الدينامو
- في رزعة في الجانب اليمين الخلفي مع المطبات الرخمة لو اخدته بسرعة شوية
جرب تربط عفشه بس عموما السيراتو عفشتها ناشفه خصوصا الجنط ال 17
- الابواب بتكتك ذي ما تكون مش متثبته كويس
ربط مفصلات الابواب و رش عليها wd-40
- لما اخد مشوار بحس ان الفرامل بتمسك كويس وبعدين تروح تحت رجلي ورحت لميكانيكي اخدلها الهواء ونظف التيل وغير الزيت الباكم وشوية ورجعت تاني , روحا لميكانيكي تاني واخدلها الهواء تاني وقالي لو اتكررت يبقي هات معاك ماستر عمومي , علما بان الفرامل فيها ABS
بلاش لعب فى الفرامل بره روح التوكيل و شوف , انت اخر مره غيرت تيل امتى ؟
ياريت تقلولي رايكم في الحوارات دي
وشكرا

[AhmedNaeem]

انا روحت فعلا لعفشجي وبص وقالي كله تمام ومفيش اي مشاكل
انا فعلا عندي الجنط 17
بالنسبة للابواب فمفيش اي مشكلة في الفتح والقفل انا بحس موضوع التكتكه دي في الفرش الداخلي للابواب
بالنسبة لتيل الفرامل انا مغيره من حوالي 3000 كم

[moha4tec]

السلام عليكم ورحمه الله وبركاته

معايا سيراتو 2010 اتوماتيك وعندي شوية مشاكل ياريت تساعدوني :_alshmokh22[1]:
- في رعشة خفيفة في النور سواء الامامي او حتي نور الصالون والعدادات بتبقي موجودة بس علي السلنسيه وتقريبا بتروح مع الضغط علي دواسة البنزين

فك كبلات البطاريه و نضفهم كويس بميه سخنه هو وصوابع البطاريه و رش عليهم wd40 او شوية شحم .غالبا هتلاقى قواطيش البطاريه مهزوزه و مش مربوطه كويس او متوسخه . و خلى حد ينضفلك البوابات .(بوابة الهوا و اتاكد ان حساس الايدل واصل كويس


- في رزعة في الجانب اليمين الخلفي مع المطبات الرخمة لو اخدته بسرعة شوية
ممكن تكون فى حاجه فى الشنطه بتدب مع المطبات شوف كده لو فى اى شىء مهزوز او مش مربوط فى الشنطه .يعنى علب شنط او اى حاجه ناشفه او عده .

- الابواب بتكتك ذي ما تكون مش متثبته كويس
المره الجايه و انت بتغسل العربيه خلى العامل ينضفلك الابواب بمسدس الهواء المضغوط .و اوعى تغسلها بالميه من جوا . و نضف مكان المفاصل كويس و امسحه بحته نضيفه و بعد كده شحمه .

- لما اخد مشوار بحس ان الفرامل بتمسك كويس وبعدين تروح تحت رجلي ورحت لميكانيكي اخدلها الهواء ونظف التيل وغير الزيت الباكم وشوية ورجعت تاني , روحا لميكانيكي تاني واخدلها الهواء تاني وقالي لو اتكررت يبقي هات معاك ماستر عمومي , علما بان الفرامل فيها abs

روح التوكيل و شوف رايهم اه .هو الحل النهائى فى فرامل السيراتو هو سلوك فرامل اسبور بس غاليه جدا معديه 1500 جنيه مستريح لانها سلوك معدن و ليست كوتش .
ياريت تقلولي رايكم في الحوارات دي
وشكرا

نصيحتى فى الحجات التقيله او الصعبه تروح التوكيل بدل ما حد يفتى عليك
و على فكره الهوا بيتاخد بطريقه معينه مشروحه فى المانيوال بتاع الخدمه هجيبلك صور منها و اوريهالك و انت هتفهم المشكله بتاعتك اه .

و يا رب مشكلتك تخلص على خير

[ostoraa]

بص يا باشا روح التوكيل علي موضوع الفرامل لان اكيد انت مغير تيل مش اصلي بيبقي طري ومش بيمسك في الطنبوره غير تيل فرامل اصلي وروح التوكيل ركبها هناك وهما هناك هيضبطوهالك
وبالنسبه لموضوع الرعشه اللي في الكهربا ده بيبقي بطاريه لان العيب ده كان عندي ولما غيرت البطاريه العربيه اتظبطط ويا ريت تغير بطاريه 70 امبير علشان تظبط الكهرباء معاك
والرزعه اللي في العفشه ورا ده بسبب الجنط ال17 هو كده بيبقي ناشف علي العربيه
والابواب كان عندي نفس العيب فروحت فاكك بنفسي جميع فرش الباب ولقيت كل المسامير اللي ماسكه مكنه الازاز والكلام ده كلو مفكك ربط علي الباب كلو من جوه

[axis_2010]

حل موضوع الرعشة هنا يا باشا

http://www.nilemotors.net/Nile/328453-a.html#post3874732444

جرب وعرفني الاخبار

[yasserelsayad]

شوف الشكمان كدا ممكن يكون مش راكب كويس