خبر سيئة لرجالة كيا :) التوكيل زود الاسعار 20 %

[Deshahcoka]

رجالة انا لسه رايح التوكيل

فوجئت انوا الاسعار زادت بغباء :) احنا لبسنا لبسة السنين :( العربيات حتفلسنا والله :(

يعني بوجيها وصلوا 190 جنيه حاجة كدة التيل امامي وصل 670 :) يعني و مش فاكر الباقي :)

ده فلتر الزيت بقى بحدود 45 جنيه :)

لقدر وقعنا في الفخ :)

[Land_Cruiser]

للاسف بيتم استغلال موضوع زياده سعر الدولار اسوأ استغلال . يعنى سعر العربيات نفسها زادت فى الاول و بيقولوا اصلهم بيدفعوا الفلوس للشركه المنتجه بعد لما يبيعوا و السعر بيتغير لكن دلوقتى قطع الغيار كمان طيب ما دى موجوده عندهم فى المخازن اصلا و جايبينها بالسعر القديم فيا ترى ما الداعى؟ طبعا الموضوع مش هيبقى توكيل كيا فقط لكن فى الاغلب التجربه بتعمم على الجميع بعد كده

[bassol2000]

Welcome To Egypt :D

[Deshahcoka]

للاسف بيتم استغلال موضوع زياده سعر الدولار اسوأ استغلال . يعنى سعر العربيات نفسها زادت فى الاول و بيقولوا اصلهم بيدفعوا الفلوس للشركه المنتجه بعد لما يبيعوا و السعر بيتغير لكن دلوقتى قطع الغيار كمان طيب ما دى موجوده عندهم فى المخازن اصلا و جايبينها بالسعر القديم فيا ترى ما الداعى؟ طبعا الموضوع مش هيبقى توكيل كيا فقط لكن فى الاغلب التجربه بتعمم على الجميع بعد كده

باشا احنا مش بنائدمين ... بصراحة يعني كتير و ربنا يرحمنا بقى

تعرف بقى انوا التيل الي بقى ب 670 ده علبته مقطعة و بقاله عندهم يجي 10 سنين محدش اشتراه و جي يبيعوا بالسعر الجديد عشان اول السنة الي كان زمان ب 380 جنيه ...

انا عندي فاتورة من 2010 فعلا كان ب 380 و قعد يزيد 440 480 ل 670 مرة واحدة :)

لنا الله

حسبي الله و نعم الوكيل و ربنا يتولانا بجد :( مش عارف نيب منين يعني ... نبقى حراميه يعني ..

الواحد ميعرفش يعيش كويس بالحلال في البلد ديه ... لازم يبقى حرامي ...

الحمدلله و ربنا يقدرنا

[Land_Cruiser]

باشا احنا مش بنائدمين ... بصراحة يعني كتير و ربنا يرحمنا بقى

تعرف بقى انوا التيل الي بقى ب 670 ده علبته مقطعة و بقاله عندهم يجي 10 سنين محدش اشتراه و جي يبيعوا بالسعر الجديد عشان اول السنة الي كان زمان ب 380 جنيه ...

انا عندي فاتورة من 2010 فعلا كان ب 380 و قعد يزيد 440 480 ل 670 مرة واحدة :)

لنا الله

حسبي الله و نعم الوكيل و ربنا يتولانا بجد :( مش عارف نيب منين يعني ... نبقى حراميه يعني ..

الواحد ميعرفش يعيش كويس بالحلال في البلد ديه ... لازم يبقى حرامي ...

الحمدلله و ربنا يقدرنا

فعلا حضرتك عندك مليون حق. الموضوع بقى مستفز جدا و الاستغلال بيزيد يوم عن يوم ... ابتدى بالاوفربرايس و بعد كده موضوع سعر الدولار . طيب يا ترى لو مشكله الدولار اتحلت الاسعار هتنزل مره تانيه ؟ اشك طبعا فى الموضوع ده

[abogharib]

البلد دى كلها حاجه فيها بتلغى مفيش مره اسمع خبر عن حاجه رخصت ابدا

[temo85]

ده استهبال رسمى !!!
هما واخدين كل ده فى تمن العربيه يوم ما الدولار بيتحرك قرش بيزودوا سعر اقل عربيه بال 3 الاف جنيه
اكيد احنا بنتعب فى الفلوس مش كده
و العربيه اصلا تمنها مبالغ فيه هى السيراتو تستحق اكتر من 75 الف جنيه و بندفع فيها اكتر من 120 الف !!! لكن كده هبل بصراحه

[dozo]

مفيش اخبار حلوه فى البلد دى .
خلاص كله ضرب مفيش شتيمه ههههههههههه

[sonybony]

حسبي الله ونعم الوكيل

[د.اشرف هنداوى]

حسبي الله في اللي ماسكين البلد و مغرقينا معاهم

[khaledverna]

ياحول الله يارب يعنى معنى كده بقا الى عندوا عربيه وكان عاوز يبعها مش حيبيع

[ibn_seena]

ولسه المشهد التاني من مسرحية
..... مرسي قعد عالكرسي. .... واحنا اخوات (ن) في بعضشينا. .....
دا احنا هنشوف ايام صعبه اوي. ..
بس قولوا يارب

[Ahmed_Adham]

مفيش اخبار حلوه فى البلد دى .
خلاص كله ضرب مفيش شتيمه ههههههههههه

لاء ازاي يا باشا فيه. ماهو الحكومه بتضرب والشعب بيشتم

[S O P H O S]

والله انا راي ان احنا الي بنغلي الاسعار
بنغلي الاسعار لما بنشتري حاجة بعد ما تغلي ..

[Deshahcoka]

والله انا راي ان احنا الي بنغلي الاسعار
بنغلي الاسعار لما بنشتري حاجة بعد ما تغلي ..

مهوا مع احترامي الشديد حنعمل ايه ! حنشتريها منين ؟ و بديلها ايه ؟ تيل ابو 100 جنيه الي مبيوقفش العربية و يبوظ الطنابير ؟