قياس الزيت دة مظبوط ولا هيبوظ الدنيا ؟؟

[msco]

السلام عليكم ورحمة الله وبركاته

امبارح غيرت الزيت يارجالة ( كيا سيراتو 2011 ) كاسترول ماجنتك

والانطباع الأول عن الزيت انو كويس

- صوت المكينة اهدى نسبيا بنسبة 10% .
-الملحوظة الاهم ان التسارع او معدل الحرق على الغيارات قل ، يعنى كان الاول الار بي ام بيوصل ل 4 او 4 ونص عشان ينقل مثلا من الرابع للخامس او الخامس للسادس .. حاليا اخره تلاتة وبقى في سلاسة في التغيير

وطبعا مش هقدر احكم عليه بدقه الا بعد الف ولا الفين كيلو


السؤال بقى

في الكتالوج مكتوب الماكينة بتاخد 3.3 لتر وده بالظبط اللي انا حطيته

ولما قستها النهاردة الصبح طلع ازيد من حرف الـ F بمقدار عقلة صباع



هل ده هيضر بالمكينة او يأثر على حاجة وخصوصا اني قريت فتي كتير على النت واللي يقولك يبوظ الصوف واللي يقولك تهريب واللي يقولك يبوظ الطرمبة وانا خبرتي على ادي جدااااا

تنصحوني بأيه يارجالة ولو فعلا يضر اتصرف ازااااااي

[AhmedNaeem]

هحكيلك حكاية حصلت معايا
روحت اغير زيت في توكيل اكسون موبيل
المهم دخلت العربية وفك الطبة ونزل الزيت وحط الزيت الجديد وكله تمام وبعد ما مشيت لقيت العربية ملغبطة قوي والغيرات غريبة
المهم روحت تاني يوم الصبح قلت ابص علي مقاس الزيت لقيت المقاس عالي بشكل غريب
وبصيت علي زيت الفتيس الاقيه نافص خالص
روحت راجع عليهم
طلع ان الصنيعي الغبي فك طبة زيت الفتيس ونزل الزيت وبعدين قفها وحط زيت الموتور في الموتور عادي
يعني الموتور فيه حوالي 7 لتر زيت
بس روحت منزل كل الزيت ده وغيرة الفلتر تاني وحط زيت جديد وحطيت زيت فتيس جديد
والحمد لله ربنا سترها معايا ومحصلش حاجة للفتيس ولا للموتور

خد باللك من الشخص اللي بيغير الزيت وبص عليه شوفه بيعمل ايه لان والله اعلم الغباء منتشر اليومين دون
وربنا يسترها معانا جميعا

[mohamed_mohsen]

هو حضرتك قيست الزيت ازاي؟
و هل مسحت مقياس الزيت بفوطه أو بمناديل قبل ما تاخد القياس و الا لا؟
و العربيه كانت دايره و الا مبطله؟
و كانت بارده و الا وصلت لدرجة حراراتها الطبيعيه؟
عشان شاكك ان حضرتك واخد القياس غلط

[MohammedAladel]

أولا .... لازم تتأكد من إنك فضيت الزيت بالكامل من السيارة ... بعد ما زودت ... زى ما قال العضو الكريم بترفع المقاس وتمسحه بفوطة وتكون العربية كان بقالها 10دقايق أو ربع ساعة بعد ما رجعت من مشاويرك عشان الزيت كله يكون نزل تحت فى الكارتيرة بترفع المقاس وتمسحه بفوطة و تحطه تانى وترفعه ... هتعرف النتيجة الحقيقية .. هو لازم يكون أقل من الشرطة الأخيرة بحاجة بسيطة أو مساوى لها بالمللى ودا أقصى تقدير ... لو زيادة برضه

عايزك تسحب شوية زيت .... أنا قبل كدا سحبت زيت جبت خرطوم من اللى بيعملوا بيه ميزان المياه الرفيع دا وحطيته فى مكان مقاس الزيت وسحبت ببقى ....

[Karim_Monir]

مع احترامي للي عملتة انت حاطط نوع زيت غلط وشكلك كمان واخد قياس الزيت غلط
اولا زيت كاسترول ماجنتيك ده للعربيات اللي فوق 100 الف كم او انخفضت كفائتها اقل من 80%
وفي حالة عربيتك 2011 لازم تحط زيت تخليقي بالكامل يعني كاسترول ايدج وليس ماجنتيك او فالفولين 5-40
او شل 5-40 الترا او ليكوي موللي 5-40
فلالزيت اللي انت حطيتة ده هايوسع خلوصات البساتم عندك ويقلل كفائة الموتور مش اقل من 15%
وكة حرام عليك ما تستخسرش فلوس ونزلة ارميه بقي ولا ادية لحد عربيتة قديمة شوية
لان ماجنتيك ده في حبيبات لترميم المواتير المتوسطة الى قديمة
ثانيا انت تحط الكمية المكتوبة في الكتالوج 3.3 ومع الفلتر تحط من 200 الى 300 مللي
فانت هاتحط 3.6 وتدور العربية 3 قايق الى 5 لغاية ما تسخن وبعد كدة تبطل تسيبها 5 دقايق وتطلع المقاس تمسحة كويس بمنديل وبعد كدة تدخله وتشوف العلامة فين ولازم مايكونش ابدا فوق ال full
عشان ده بيسبب تكون رغاوي وبيعمل ضغط كبير على الموتور وممكن تجيب منك جوان

[akmm]

كلام من الآخر ..... صح الصح .

[MohammedAladel]

مع احترامي للي عملتة انت حاطط نوع زيت غلط وشكلك كمان واخد قياس الزيت غلط
اولا زيت كاسترول ماجنتيك ده للعربيات اللي فوق 100 الف كم او انخفضت كفائتها اقل من 80%
وفي حالة عربيتك 2011 لازم تحط زيت تخليقي بالكامل يعني كاسترول ايدج وليس ماجنتيك او فالفولين 5-40
او شل 5-40 الترا او ليكوي موللي 5-40
فلالزيت اللي انت حطيتة ده هايوسع خلوصات البساتم عندك ويقلل كفائة الموتور مش اقل من 15%
وكة حرام عليك ما تستخسرش فلوس ونزلة ارميه بقي ولا ادية لحد عربيتة قديمة شوية
لان ماجنتيك ده في حبيبات لترميم المواتير المتوسطة الى قديمة
ثانيا انت تحط الكمية المكتوبة في الكتالوج 3.3 ومع الفلتر تحط من 200 الى 300 مللي
فانت هاتحط 3.6 وتدور العربية 3 قايق الى 5 لغاية ما تسخن وبعد كدة تبطل تسيبها 5 دقايق وتطلع المقاس تمسحة كويس بمنديل وبعد كدة تدخله وتشوف العلامة فين ولازم مايكونش ابدا فوق ال full
عشان ده بيسبب تكون رغاوي وبيعمل ضغط كبير على الموتور وممكن تجيب منك جوان

+1 دا حتى الخبراء وا لمصنعين مش بيوصوا باستخدام الزيوت دى من الأساس...... والناس الخبراء هنا فى ا لمنتدى مبينصحوش بالزيوت دى إلا فعلا فى حالة قلة الكفاءة للمحرك ولما تكون بشكل ملحوظ

يعنى حتى مش مجرد إن العربية توصل ل 100 ألف كيلو يبقى أإغير لزوجة الزيت إن كان ليا ولعربيتى عمر إن شاء الله ...... مش هغير لزوجة الزيت قبل 200 ألف كيلو

أنا فاكر الأستاذ محمد ممدوح ... كان بيتكلم عن بى إم مش فاكر مشوار المليون كيلو من غير ما العربية تغير لزوجة الزيت

[Karim_Monir]

+1 دا حتى الخبراء وا لمصنعين مش بيوصوا باستخدام الزيوت دى من الأساس...... والناس الخبراء هنا فى ا لمنتدى مبينصحوش بالزيوت دى إلا فعلا فى حالة قلة الكفاءة للمحرك ولما تكون بشكل ملحوظ

يعنى حتى مش مجرد إن العربية توصل ل 100 ألف كيلو يبقى أإغير لزوجة الزيت إن كان ليا ولعربيتى عمر إن شاء الله ...... مش هغير لزوجة الزيت قبل 200 ألف كيلو

أنا فاكر الأستاذ محمد ممدوح ... كان بيتكلم عن بى إم مش فاكر مشوار المليون كيلو من غير ما العربية تغير لزوجة الزيت

كلام مظبوط
الكرولا 135 الف كم ولسه بحط زيت تخليقي ولو مكنتش هابيع كنت هاكمل للربع مليون على الاقل تخليقي

[msco]

هو حضرتك قيست الزيت ازاي؟
و هل مسحت مقياس الزيت بفوطه أو بمناديل قبل ما تاخد القياس و الا لا؟
و العربيه كانت دايره و الا مبطله؟
و كانت بارده و الا وصلت لدرجة حراراتها الطبيعيه؟
عشان شاكك ان حضرتك واخد القياس غلط

ياباشا انا قست الزيت زي ما الكتاب بيقول طلعت المقياس ومسحتة ورجعتة تاني وشفت المقاس والكلام دة والعربية بايتة من بليل وقبل ما ادور الصبح عملت الكلام ده وقبل ما ارجع القياس تاني مسحتة .. وقستها بردة والعربية سخنة وبطلتها وسبتها ربع ساعة ونفس القياس .. شكرا لحضرتك

أولا .... لازم تتأكد من إنك فضيت الزيت بالكامل من السيارة ... بعد ما زودت ... زى ما قال العضو الكريم بترفع المقاس وتمسحه بفوطة وتكون العربية كان بقالها 10دقايق أو ربع ساعة بعد ما رجعت من مشاويرك عشان الزيت كله يكون نزل تحت فى الكارتيرة بترفع المقاس وتمسحه بفوطة و تحطه تانى وترفعه ... هتعرف النتيجة الحقيقية .. هو لازم يكون أقل من الشرطة الأخيرة بحاجة بسيطة أو مساوى لها بالمللى ودا أقصى تقدير ... لو زيادة برضه

عايزك تسحب شوية زيت .... أنا قبل كدا سحبت زيت جبت خرطوم من اللى بيعملوا بيه ميزان المياه الرفيع دا وحطيته فى مكان مقاس الزيت وسحبت ببقى ....

شكرا لحضرتك ياباشا وان شاء الله هحاول اسحبة او افك الطبة سنة صغيرة وانزل الشوية الزيادة

مع احترامي للي عملتة انت حاطط نوع زيت غلط وشكلك كمان واخد قياس الزيت غلط
اولا زيت كاسترول ماجنتيك ده للعربيات اللي فوق 100 الف كم او انخفضت كفائتها اقل من 80%
وفي حالة عربيتك 2011 لازم تحط زيت تخليقي بالكامل يعني كاسترول ايدج وليس ماجنتيك او فالفولين 5-40
او شل 5-40 الترا او ليكوي موللي 5-40
فلالزيت اللي انت حطيتة ده هايوسع خلوصات البساتم عندك ويقلل كفائة الموتور مش اقل من 15%
وكة حرام عليك ما تستخسرش فلوس ونزلة ارميه بقي ولا ادية لحد عربيتة قديمة شوية
لان ماجنتيك ده في حبيبات لترميم المواتير المتوسطة الى قديمة
ثانيا انت تحط الكمية المكتوبة في الكتالوج 3.3 ومع الفلتر تحط من 200 الى 300 مللي
فانت هاتحط 3.6 وتدور العربية 3 قايق الى 5 لغاية ما تسخن وبعد كدة تبطل تسيبها 5 دقايق وتطلع المقاس تمسحة كويس بمنديل وبعد كدة تدخله وتشوف العلامة فين ولازم مايكونش ابدا فوق ال full
عشان ده بيسبب تكون رغاوي وبيعمل ضغط كبير على الموتور وممكن تجيب منك جوان

استاذ كريم مع احترامي الشديد لحضرتك اانا يمكن كنت الاول بسأل الناس بدون ما ابحث بحث مظبوط بس بعد كلامك كان لازم ابحث مظبوط لان واضح ان كل الاراء اللي بتتقال على النت فتي وبس

اولا : زيت الماجنتيك زيت تخليقي بالكامل وده بعد اتصال حالا لمهندس الوكالة الرسمية لزيوت كاسترول في السعودية وحولني على ما يسمى بمهندس مختبر وهو فلبيني الجنسية وأكدلي نفس المعلومة وان الزيت طبقا لتصنيف معهد البترول الامريكي مناسب جدا لسيارتي ، كذلك زيت ايدج تخليقي بالكامل ولكنه مناسب اكثر لسيارات السباق .

ثانيا : حضرتك بتقول ان في الكتالوج كمية الزيت 3.3 لتر ومع الفلتر هتزيد 200 او 300 لكن الكتالوج بيقول عكس كده والدليل اهو في صورة من الكتالوج بتاعي بيقول ان الكمية 3.3 مع الفلتر

ثالثا : حضرتك بتقول ان الزيت الماجنتك ده للعربيات اللي فوق 100 الف كيلو وللأسف كلام حضرتك خطا بردة والدليل ان في نفس الصورة اللي فوق على الشمال بيقولك استخدم API SM او أعلي

وطبقا بقى للصورة التالية واللي هي عبارة عن تصنيف المعهد الامريكي للبترول بيقول ان الـ API SN اعلى وافضل من الـ SM وخصوصا للسيارات اللي تاريخ صنعها من 2011 وانت طالع وده بالفعل هو نفس تصنيف الكاسترول مجانتك اللي انا حاطة



ودة لينك المصدر هــنــا تقدر حضرتك تقرا الكلام اللي مكتوب هيشرحلك الفرق بين كل صنف وهيأكدلك ان اختياري صح والحمد لله مع اني في البداية مكنتش قريت الكلام ده واستعنت بخبرة الاستاذ Youssef.Awad مشرف قسم النيسان جزاه الله خيرا

وده لينك تاني بيتكلم عن نفس الموضوع بتوسع اكتر هــــنـــــا
ودي صورة لضهر علبة الزيت بتأكد صحة التصنيف



رابعا : حضرتك بتقولي ان اللزوجة غلط وللأسف بردة كلام حضرتك خطأ لان من واقع الكتالوج والكلام هنا مش مبني على اراء او تجارب شخصية دة مبني على اختبارات تمت الاف المرات على السيارة وما يناسبها من زيوت ولزوجة وفي الاخر حطولنا الانسب

وهتلاحظ ان اول لزوجة موصي بيها في الصورة هي اللي انا حطيتها 5-30



نرجع تاني لكلام مهندس المختبر اللي انا كلمتة واللي شرحلى ان الحبيبات المغناطسيية اللي موجودة في الكاسترول مجنتك بتحافظ على اداء المحرك لأطول فترة ممكن وبتقلل الاحتكاك ما بين اجزاءة في الفترة البسيطة اللي بتدور فيها سيارتك الصبح او فترة توقف طويلة وده لان الجزيئات المغناطيسية دي بتفضل لازقة في اجزاء المحرك وبالتالي بردة على المدى الطويل هتوفر في نسبة الوقود المستهلك وده لانها بتصنف تحت تصنيف زيوت موفرة للطاقة

وده نفس الكلام اللي موجود في الصورة الاولى اسفل الصفحة على انها بتقلل مقدار الوقود الضروري للتغلب على احتكاك اجزاء المحرك

أخيرا

دة لينك صفحة كاسترول ماجنتيك على اليوتيوب هتلاقيه فيه فيديوهات كتيره بيتكلم فيها ناس خبراء بجد عن مواصفات الزيت ولزوجتة وبيعالج مشكلات ايه واية السيارات المناسب ليها

انصح كل الناس انها تشوفه

مـــن هـــنـــا

في النهاية بشكر حضرتك وبشكر كل الناس اللي ردت
وبشكر الاستاذ يوسف مشرف قسم النيسان اللي شجعني على اختياري الحالي
والله ولي التوفيق

[moha4tec]

كلام استاذ كريم من الاخر

[Formulator]

استاذ كريم مع احترامي الشديد لحضرتك اانا يمكن كنت الاول بسأل الناس بدون ما ابحث بحث مظبوط بس بعد كلامك كان لازم ابحث مظبوط لان واضح ان كل الاراء اللي بتتقال على النت فتي وبس

اولا : زيت الماجنتيك زيت تخليقي بالكامل وده بعد اتصال حالا لمهندس الوكالة الرسمية لزيوت كاسترول في السعودية وحولني على ما يسمى بمهندس مختبر وهو فلبيني الجنسية وأكدلي نفس المعلومة وان الزيت طبقا لتصنيف معهد البترول الامريكي مناسب جدا لسيارتي ، كذلك زيت ايدج تخليقي بالكامل ولكنه مناسب اكثر لسيارات السباق .

ثانيا : حضرتك بتقول ان في الكتالوج كمية الزيت 3.3 لتر ومع الفلتر هتزيد 200 او 300 لكن الكتالوج بيقول عكس كده والدليل اهو في صورة من الكتالوج بتاعي بيقول ان الكمية 3.3 مع الفلتر

ثالثا : حضرتك بتقول ان الزيت الماجنتك ده للعربيات اللي فوق 100 الف كيلو وللأسف كلام حضرتك خطا بردة والدليل ان في نفس الصورة اللي فوق على الشمال بيقولك استخدم API SM او أعلي

وطبقا بقى للصورة التالية واللي هي عبارة عن تصنيف المعهد الامريكي للبترول بيقول ان الـ API SN اعلى وافضل من الـ SM وخصوصا للسيارات اللي تاريخ صنعها من 2011 وانت طالع وده بالفعل هو نفس تصنيف الكاسترول مجانتك اللي انا حاطة

ودة لينك المصدر هــنــا تقدر حضرتك تقرا الكلام اللي مكتوب هيشرحلك الفرق بين كل صنف وهيأكدلك ان اختياري صح والحمد لله مع اني في البداية مكنتش قريت الكلام ده واستعنت بخبرة الاستاذ Youssef.Awad مشرف قسم النيسان جزاه الله خيرا

رابعا : حضرتك بتقولي ان اللزوجة غلط وللأسف بردة كلام حضرتك خطأ لان من واقع الكتالوج والكلام هنا مش مبني على اراء او تجارب شخصية دة مبني على اختبارات تمت الاف المرات على السيارة وما يناسبها من زيوت ولزوجة وفي الاخر حطولنا الانسب

وهتلاحظ ان اول لزوجة موصي بيها في الصورة هي اللي انا حطيتها 5-30

e Respect أنا لكلام حضرتك

كريم بيتكلم عـ الـMagnetic الـSemi-Synthetic الـ10w-40 (اللى هو منتشر أكثر)
وانت بتتكلم عـ الـMagnetic Professional الـ5w-30 (وده فعلا Fully-Synthetic)؟!!
أعتقد فيه سوء-فهم

حاجة كمان:
الـrecommended لمواتير الـgamma بتاع هيونضاى-قيا هو الـ5w-40؟؟!!!

آه ينفع 0w و 5w فـ الشتاء (زى الـFuel-Saver اللى انت إستخدمته)
وينفع 40 و 50 فـ الصيف أو الـhard-climate

لكن الـAll-Season هو الـ5w-40 Fully-Synthetic SM
(جديدة بصراحة من الكوريين: لو مفيش SM فـ منطقتك إستخدم SL)؟؟!!!
اللى هو F....k the Catalytic Converters؟؟!!! Lol
طبعا الكورى اللى بينزل مصر آخره EuroIII (ومعظمه EuroII) بالدليل
هههههههههههههههههههههههه


حاجة أخيرة:
الإيدج All TheWays أفضل وSuperior عن الماجنيتك،
وإلا مكانتش توكيلات VW و BM بتحطه فـ مواتير الـTSI والـTwinPower-Turbo..
اللى هى -معلش- بتضغط عـ الزيت قد مواتير الهونضاى 10 مرات؟؟!!!

ومايعرفوش حاجة إسمها Magnetic دى خالص (خصوصا فـ العربيات اللى under-Warranty)؟!!!

btw: درجات اللزوجة اللى زى 5w-30 ممتازة فـ الـCold-Start وإستهلاك البنزين.. مفيش كلام،
بس عمرها ما هتكمل الـdrain-interval بتاعتها بـmin اللزوجة المطلوبة للـprotection
(يعنى بتفقد اللزوجة under-shear/temperature بسهولة جدا و فـ وقت قصير)!!

Rgds،

[moha4tec]

ياباشا انا قست الزيت زي ما الكتاب بيقول طلعت المقياس ومسحتة ورجعتة تاني وشفت المقاس والكلام دة والعربية بايتة من بليل وقبل ما ادور الصبح عملت الكلام ده وقبل ما ارجع القياس تاني مسحتة .. وقستها بردة والعربية سخنة وبطلتها وسبتها ربع ساعة ونفس القياس .. شكرا لحضرتك


شكرا لحضرتك ياباشا وان شاء الله هحاول اسحبة او افك الطبة سنة صغيرة وانزل الشوية الزيادة

استاذ كريم مع احترامي الشديد لحضرتك اانا يمكن كنت الاول بسأل الناس بدون ما ابحث بحث مظبوط بس بعد كلامك كان لازم ابحث مظبوط لان واضح ان كل الاراء اللي بتتقال على النت فتي وبس

معلش مع احترامى لحضرتك مينفعش تقول كلمة فتى .خصوصا و ان كلامه صح .و هوضحلك باذن الله

اولا : زيت الماجنتيك زيت تخليقي بالكامل وده بعد اتصال حالا لمهندس الوكالة الرسمية لزيوت كاسترول في السعودية وحولني على ما يسمى بمهندس مختبر وهو فلبيني الجنسية وأكدلي نفس المعلومة وان الزيت طبقا لتصنيف معهد البترول الامريكي مناسب جدا لسيارتي ، كذلك زيت ايدج تخليقي بالكامل ولكنه مناسب اكثر لسيارات السباق .


يا سيدى الفاضل ماجنتك اللى فى مصر الاصدار القديم و مش تخليقى بالكامل .و لزوجته 10 40 , sm ,sl و لكنه ليس sn .
عند حضرتك فى السعوديه الاصدار الجديد او الانتاج الجديد و هو تخليقى بالكامل و لزوجته 5 30 او 10 30 مش متاكد و sn
ثانيا : حضرتك بتقول ان في الكتالوج كمية الزيت 3.3 لتر ومع الفلتر هتزيد 200 او 300 لكن الكتالوج بيقول عكس كده والدليل اهو في صورة من الكتالوج بتاعي بيقول ان الكمية 3.3 مع الفلتر

مش مذكور فى الكتالوج غير 3.3 لتر و مش مذكور مع او من غير الفلتر .
و احنا هنا مجربين فى عربيات كتير سيراتو منهم عربيتى بحط زيت دائما 3.6 بالفلتر و المقاس بيبقى مظبوط الحمد لله .
يا ريت حضرتك تبص على الموتور ال 1600 و ليس ال 2000 سىسى .


ثالثا : حضرتك بتقول ان الزيت الماجنتك ده للعربيات اللي فوق 100 الف كيلو وللأسف كلام حضرتك خطا بردة والدليل ان في نفس الصورة اللي فوق على الشمال بيقولك استخدم api sm او أعلي
يا سيدى الفاضل اللى فى مصر غير اللى فى السعوديه صدقنى لانى حطيت كاسترول قبل كدا فى كذا عربيه و كلام استاذ كريم على اللى فى مصر و كلامه صح
و عاوز اقولك يا بختك بالسعوديه و بالزيت ههههههههههه و الله بجد نفسى احط زيت 5w 30 و مش لاقى للاسف و يكون sn و اصلى
و خلى بالك فى زيوت مضروبه كتير مش فى مصر بس لا فى السعوديه كمان لازم تتاكد من العلامه المائيه و من سلامه المنتج انه اصلى عشان متضرش موتورك .
وطبقا بقى للصورة التالية واللي هي عبارة عن تصنيف المعهد الامريكي للبترول بيقول ان الـ api sn اعلى وافضل من الـ sm وخصوصا للسيارات اللي تاريخ صنعها من 2011 وانت طالع وده بالفعل هو نفس تصنيف الكاسترول مجانتك اللي انا حاطة
+1111111111111 كلام مظبوط



ودة لينك المصدر هــنــا تقدر حضرتك تقرا الكلام اللي مكتوب هيشرحلك الفرق بين كل صنف وهيأكدلك ان اختياري صح والحمد لله مع اني في البداية مكنتش قريت الكلام ده واستعنت بخبرة الاستاذ youssef.awad مشرف قسم النيسان جزاه الله خيرا
استاذ يوسف ما شاء الله عليه بجد
وده لينك تاني بيتكلم عن نفس الموضوع بتوسع اكتر هــــنـــــا
ودي صورة لضهر علبة الزيت بتأكد صحة التصنيف



رابعا : حضرتك بتقولي ان اللزوجة غلط وللأسف بردة كلام حضرتك خطأ لان من واقع الكتالوج والكلام هنا مش مبني على اراء او تجارب شخصية دة مبني على اختبارات تمت الاف المرات على السيارة وما يناسبها من زيوت ولزوجة وفي الاخر حطولنا الانسب

وهتلاحظ ان اول لزوجة موصي بيها في الصورة هي اللي انا حطيتها 5-30



نرجع تاني لكلام مهندس المختبر اللي انا كلمتة واللي شرحلى ان الحبيبات المغناطسيية اللي موجودة في الكاسترول مجنتك بتحافظ على اداء المحرك لأطول فترة ممكن وبتقلل الاحتكاك ما بين اجزاءة في الفترة البسيطة اللي بتدور فيها سيارتك الصبح او فترة توقف طويلة وده لان الجزيئات المغناطيسية دي بتفضل لازقة في اجزاء المحرك وبالتالي بردة على المدى الطويل هتوفر في نسبة الوقود المستهلك وده لانها بتصنف تحت تصنيف زيوت موفرة للطاقة

وده نفس الكلام اللي موجود في الصورة الاولى اسفل الصفحة على انها بتقلل مقدار الوقود الضروري للتغلب على احتكاك اجزاء المحرك

أخيرا

دة لينك صفحة كاسترول ماجنتيك على اليوتيوب هتلاقيه فيه فيديوهات كتيره بيتكلم فيها ناس خبراء بجد عن مواصفات الزيت ولزوجتة وبيعالج مشكلات ايه واية السيارات المناسب ليها

انصح كل الناس انها تشوفه

مـــن هـــنـــا

في النهاية بشكر حضرتك وبشكر كل الناس اللي ردت
وبشكر الاستاذ يوسف مشرف قسم النيسان اللي شجعني على اختياري الحالي
والله ولي التوفيق

يا ريت بس تفهم ان الزيوت اللى عندنا انتاج قديم و كلام استاذ كريم كله صح جدا جدا جدا و ينطبق عليها
انما الزيوت اللى فى السعوديه دلوقتى و اللى انت ذكرتها فعلا تخليقيه و 100% و كلامك ينطبق عليه و كلامك صح 100% عليها
يا ريت بس اكون قدرت اوصل وجهة النظر
و باذن الله سالت و عرفت ان الانتاج الجديد خلاص هينزل مصر قريب و بالفعل نزلت منه كميه بسيطه جدا جدا تحت التجربه فى السوق

[Formulator]

انما الزيوت اللى فى السعوديه دلوقتى و اللى انت ذكرتها فعلا تخليقيه و 100% و كلامك ينطبق عليه و كلامك صح 100% عليها

فعلا الكاسترول أرابيا نزلتوا فـ السعودية (والـGulf) الأول
اللى هو Magnetic 5w-30 Fully-Synthetic

[msco]

e respect أنا لكلام حضرتك

كريم بيتكلم عـ الـmagnetic الـsemi-synthetic الـ10w-40 (اللى هو منتشر أكثر)
وانت بتتكلم عـ الـmagnetic professional الـ5w-30 (وده فعلا fully-synthetic)؟!!
أعتقد فيه سوء-فهم :b4_039:

حاجة كمان:
الـrecommended لمواتير الـgamma بتاع هيونضاى-قيا هو الـ5w-40؟؟!!!

آه ينفع 0w و 5w فـ الشتاء (زى الـfuel-saver اللى انت إستخدمته)
وينفع 40 و 50 فـ الصيف أو الـhard-climate

لكن الـall-season هو الـ5w-40 fully-synthetic sm
(جديدة بصراحة من الكوريين: لو مفيش sm فـ منطقتك إستخدم sl)؟؟!!! :e_braces[1]:
اللى هو f....k the catalytic converters؟؟!!! Lol
طبعا الكورى اللى بينزل مصر آخره euroiii (ومعظمه euroii) بالدليل
هههههههههههههههههههههههه


حاجة أخيرة:
الإيدج all theways أفضل وsuperior عن الماجنيتك،
وإلا مكانتش توكيلات vw و bm بتحطه فـ مواتير الـtsi والـtwinpower-turbo..
اللى هى -معلش- بتضغط عـ الزيت قد مواتير الهونضاى 10 مرات؟؟!!!

ومايعرفوش حاجة إسمها magnetic دى خالص (خصوصا فـ العربيات اللى under-warranty)؟!!!

btw: درجات اللزوجة اللى زى 5w-30 ممتازة فـ الـcold-start وإستهلاك البنزين.. مفيش كلام،
بس عمرها ما هتكمل الـdrain-interval بتاعتها بـmin اللزوجة المطلوبة للـprotection
(يعنى بتفقد اللزوجة under-shear/temperature بسهولة جدا و فـ وقت قصير)!!

rgds،

شكرا جدا ياباشا على مرور حضرتك الكريم وعلى اضافتك وفعلا مهندس المختبر اللي كلمتة أكدلي ان زيت ايدج افضل بس سالني قبلها على نوع سيارتي ولما قولتلة كيا سيراتو 1600 سي سي

قالي الايدج افضل للمواتير اللي كفائتها اعلى وخصوصا سيارات السبق وانا لو حطيته مش هستفيد منه بحاجة بالعكس المجنتك افضل ليا

بالنسبة للزوجة .. واللي بتفقد لزوجتها في الاجواء الحارة .. فعايز اقول لحضرتك اني عرفت الزيت من حملة دعائية للزيت ده بالذات كانت في معرض جدة الدولي للسيارات وتقدر حضرتك من خلال النت تعرف مدى ضخامة المعرض ده وزواره .. وخد بال حضرتك ان الحملة الدعائية دي في بلد اصلا مشهورة بحرارة جوها

فلو في اي مشكلة مكنوش اعلنو عنه في السعودية وكمان نطاق درجات الحرارة من واقع الكتالوج اوسع واشمل من اللي فوقه واللي اثقل منه لزوجة

النقطة المهمة في الموضوع كله ان استاذ كريم مش اي عضو في الموقع وكلامه اكيد محل ثقة الناس كلها بتعتمد عليه

فلما فجأة اسمع منه ان نوع الزيت غلط وانه هيبوظ العربية واني مستخسرش الفلوس وانزل ارميه .. تخيل لو عضو تاني مدورش وخد الكلام على الثقة كان اية اللي هيحصل وخصوصا ان المواضيع دي بتبقى مرجع ديما للبحث والإفادة

كان من باب اولى انه يسألني عن اي معلومات ناقصة قبل ما يديني رأيه

[msco]

يا ريت بس تفهم ان الزيوت اللى عندنا انتاج قديم و كلام استاذ كريم كله صح جدا جدا جدا و ينطبق عليها
انما الزيوت اللى فى السعوديه دلوقتى و اللى انت ذكرتها فعلا تخليقيه و 100% و كلامك ينطبق عليه و كلامك صح 100% عليها
يا ريت بس اكون قدرت اوصل وجهة النظر
و باذن الله سالت و عرفت ان الانتاج الجديد خلاص هينزل مصر قريب و بالفعل نزلت منه كميه بسيطه جدا جدا تحت التجربه فى السوق

بشكر حضرتك جدا على المرور .. مع اني استغربت من رد حضرتك الأولاني واللي أكد كلام استاذ كريم بدون حتى ما تقرا ردي وبردة ما زلت مصر ان حضراتكم مش اعضاء عاديين يعنى رأيكم مهم جدااااااااا ومؤثر جدااااا

الحاجة التانية كلمة فتي انا مقصدتش بيها كلام استاذ كريم على وجه الخصوص ولكن اي كلام بيتقال في المنتديات وخصوصا ان فعلا شفت تضارب اراء كتير سواء في موضوعي او اي موضوع متعلق بالزيوت في المنتدى وانا من تلات ايام بالظبط نزلت موضوع اسال على نوع الزيت المناسب وحطيت ضمن الاختيارات الكسترول مجنتك والاستاذ يوسف دخل اقنعني جدا بخبرتة وشجعني على اختياره طيب كانت فين الناس ساعتها اللي حسستني اني حمار هيبوظ عربيته

نيجي للكتالوج عايز حضرتك انت تبص على الصفحة وانا باصص على ال 1600 مش على ال 2000 بص حضرتك بقى على اليمين هتلاقيني محدد مربع بالاحمر مكتوب جواه

((الافراغ او اعادة الملأ مع مصفاة الزيت )) وقدامها الكمية 3.3 لتر

بشكر حضرتك مرة تانية واكيد اللي حصل سوء فهم مش مقصود بس جه في مصلحتي وخلاني ادور بطريقة اوسع واشمل

وبعتذر عن كلمة فتي اللي انا قولتها

وجزاكم الله خيرا