استفسار عن ستيب ترونيك الكارينز و رقم الشاسيه

[Mohamed.Muslim]

السلام عليكم
يا جماعة أخيرا و بعد انتظارطويل استلمت كارينز هاى لاين 2013 وكيل وعندى شوية أسئلة :

1- هل الاستخدام الدائم لل+ و ال - فى الستيب ترونيك يؤثر على الفتيس و الجير ولا لأ ( يعنى مثلا لو سايق الطريق من الاسكندرية لحد كفر الشيخ على الزراعى تقريبا 100 كم كلهم على ال+ و ال - وشد و حرق ده يؤثر على الجير ) لان انا ناوى اسوق على ال d فى الزحمة بس. ( للعلم أنا سالت مهندس النوكيل فى فرع سموحة الاسكندرية عند الاستلام و قالى سوق براحتك عادى و مفيش خوف على الجير , وكمان قريت الكتالوج مفهوش اى تنبيه عن موضوع الاستخدام الدائم لل+ و ال- بالرغم من انه ملئ بتنبيهات كتيرة عن حاجات تانية فى العربية .

2- لاحظت ان رقم الشاسيه مكتوب على الزجاج الامامى من تحت خالص او يعتبر عند تقابل الزجاج الامامى من أسفل مع التابلوه , انا سمعت ان الحرامية بياحدوا رقم الشاسيه ده و ممكن عن طريق اى واحد فى التوكيل مندهوش ضمير يعمل نسخة لمفتاح العربية و يسرقها و ان الكلام ده كان بيتعمل فى السيراتو ( للعلم اما كلمت بتوع المبيعات اللى استلمت منهم العربية وسألته قالى متشغلش بالك بالكلام ده كلها اشاعات و ان الناس كانت فاكرة ان الرقم ده رقم كود مفاتيح العربية وان الحرامى بيطلع بسهولة نسخة لكن ده رقم الشاسيه مش كود المفاتيح ) .. المزضوع ده قالقنى جدا ...

أرجو الرد ضرورى

[khaledverna]

لا تقلق ياكبير. طلاما انت مركب جهاز انذار انشاء الله مفيش خوف

[realtyinv]

اولا مبروك وربنا يعطيك خيرها ويكفيك شرها
ثانيا بالنسبة لموضوع الجير سوف اتركه للخبراء في الموقع
ثالثا بالنسبة لرقم الشاسية انا غطيته وذلك بوضع كارت او ورقة بيضاء اسفل الزجاج من الداخل وازلت الرقم من الزجاج الخلفي وذلك للاحتياط .
تحياتي

[ابو ليلى]

الف مبروك العربية وارب يبارك فيها
بالنسبة استيب ترونك مافيش اى مشكلة فى استخدمه فترة كبيرة ولكن الحرق على الغيارات بأستمرار اللى فيه مشكلة على المدى الطويل
بالنسبة للرقم المكتوب فده مش رقم الشاسية ده الرقم التعريفى للعربية ( vin ) وده تعريف صغير لدوره

http://www.thecartech.com/KnowYourCar/CarSpecs/VIN/the_vin_system.aspx

[youssef_u]

الجير عادي تستخدمه علطول مفيش مشكله و الرقم حط منديل فوقه وخلاص

[Mohamed.Muslim]

شكرا يا جماعة على الرد

[Mohamed.Muslim]

الف مبروك العربية وارب يبارك فيها
بالنسبة استيب ترونك مافيش اى مشكلة فى استخدمه فترة كبيرة ولكن الحرق على الغيارات بأستمرار اللى فيه مشكلة على المدى الطويل
بالنسبة للرقم المكتوب فده مش رقم الشاسية ده الرقم التعريفى للعربية ( vin ) وده تعريف صغير لدوره

http://www.thecartech.com/knowyourcar/carspecs/vin/the_vin_system.aspx

ازاى الحرق على الغيارات بأستمرار اللى فيه مشكلة على المدى الطويل , ممكن تقولى ايه الضرر اللى حيحصل مع العلم انى ناوى كل لما أغير زيت اغيره قبل انتهائه انتهاء مدته بمثلا 1000 كم عشان احافظ على الموتور وكمان اكيد الموتور فى الحرق مش حيدخل على الريد زون ؟؟

[ابو ليلى]

انت بتحرق على الغيار ده بيسبب اجهاد على الموتور وبيستهلك بنزين اكتر وده بيحتاج منك
رعاية مستمرة وزى ماقلت الصيانات هتبقى اقل فى الوقت يعنى كنت بتعمل صيانة كل 10 مع استمرار الحرق محتاج تعملها كل 7 او 8 هتهمل فى الصيانات يبقى العمر الافتراضى للموتور هيقل
حتى لو دخل الريد زون هو هيقلب الغيار لوحده العربية مصممة لكده

[temo85]

السلام عليكم
يا جماعة أخيرا و بعد انتظارطويل استلمت كارينز هاى لاين 2013 وكيل وعندى شوية أسئلة :

1- هل الاستخدام الدائم لل+ و ال - فى الستيب ترونيك يؤثر على الفتيس و الجير ولا لأ ( يعنى مثلا لو سايق الطريق من الاسكندرية لحد كفر الشيخ على الزراعى تقريبا 100 كم كلهم على ال+ و ال - وشد و حرق ده يؤثر على الجير ) لان انا ناوى اسوق على ال d فى الزحمة بس. ( للعلم أنا سالت مهندس النوكيل فى فرع سموحة الاسكندرية عند الاستلام و قالى سوق براحتك عادى و مفيش خوف على الجير , وكمان قريت الكتالوج مفهوش اى تنبيه عن موضوع الاستخدام الدائم لل+ و ال- بالرغم من انه ملئ بتنبيهات كتيرة عن حاجات تانية فى العربية .

ميفضلش الحرق على الغيارات لانه بيأثر على المحرك و الفتيس على المدى الطويل


2- لاحظت ان رقم الشاسيه مكتوب على الزجاج الامامى من تحت خالص او يعتبر عند تقابل الزجاج الامامى من أسفل مع التابلوه , انا سمعت ان الحرامية بياحدوا رقم الشاسيه ده و ممكن عن طريق اى واحد فى التوكيل مندهوش ضمير يعمل نسخة لمفتاح العربية و يسرقها و ان الكلام ده كان بيتعمل فى السيراتو ( للعلم اما كلمت بتوع المبيعات اللى استلمت منهم العربية وسألته قالى متشغلش بالك بالكلام ده كلها اشاعات و ان الناس كانت فاكرة ان الرقم ده رقم كود مفاتيح العربية وان الحرامى بيطلع بسهولة نسخة لكن ده رقم الشاسيه مش كود المفاتيح ) .. المزضوع ده قالقنى جدا ...

ممكن حضرتك تداريه بمنديل او ورقه بين الطابلوه و الزجاج و اكيد بتاع المبيعات مش هيقول اه هو ده الرقم اللى بتتسرق بيه العربيات


أرجو الرد ضرورى

[houseiny]

الف مبروك ياباشا ربنا يرزقك خيرها ويكفيك شرها
متقرصش على العربية وهى لسه جديدة عشان الموتور بيكون لسه جديد ومفتحش
خليك ماشي بالراحة على الأقل اول الف كيلو وايقى قولي السحب عامل ايه معاك عشان انا حاسس ان العربية بروتة اوي معايا

[Mohamed.Muslim]

الف مبروك ياباشا ربنا يرزقك خيرها ويكفيك شرها
متقرصش على العربية وهى لسه جديدة عشان الموتور بيكون لسه جديد ومفتحش
خليك ماشي بالراحة على الأقل اول الف كيلو وايقى قولي السحب عامل ايه معاك عشان انا حاسس ان العربية بروتة اوي معايا

الله يبارك فيك يا أ/ حسينى , أكيد انا مبقرصش عليها اخرى لحد 4000 لفة فى ال rbm وبالنسبة للسحب انا شايف انها فى الطلعة تمام جدا و السواقة على ال d كويسة بس ساعات لما أدوس بنزين وانا على ال d العربية بتستجيب بعد ثانيتين تقريبا يعنى مش علطول أنا بقول يمكن بتجمع نفسها , فى ناس بتقولى لما تتعود عليها حتفهمها صح وبالنسبة للستيب ترونيك ممتاز كأنى سايق مانيوال بالضبط ...