صوت مش عارف ايه سببه في كيا بيكانتو

[ahmed1988]

السلام عليكم

أنا استلمت بيكانتو اوتوماتيك 2013 من حوالي شهر بس فيه حاجة غريبة ملاحظها فكنت عايز آخد رأيكم

دلوقتي انا لما بمشي بالعربية الصبح و هي باردة ، بلاحظ صوت غريب مش بيظهر إلا لما الـ rpm يبقى عند حدود الـ 2000 و بيختفي قبل او بعد الرقم ده .. الصوت ده زي "عنننننننن" مميزة كده و صوتها اعلى من صوت العربية الطبيعي و ده اللي قالقني .. و الصوت ده بيظهر فقط و العربية باردة ، يعني لما آجي امشي بيها بعد اي مشوار مش بسمع الصوت ده و بيبقى صوت العربية ناعم .. و الصوت بيعلى لو ضغط على دواسة البنزين جامد و العربية لسة باردة

جربت اسخن الموتور شوية قبل مامشي بيها ، بس الصوت ماختفاش و فضل موجود لما اتحركت بالعربية
بس لما جربت و أنا واقف بالعربية الصبح ازود بنزين واحدة واحدة عشان اسمعه ، الصوت ماظهرش ساعتها و صوت الموتور فضل ناعم

ديه اول أوتوماتك اسوقها و بالتالي مش عارف هل الأصوات ديه عادية و لا لأ ؟ فهل فيه اي حد لاحظ حاجة زي كده في عربية كيا اوتوماتك ؟! .. أنا عارف ان بيكانتو مش منتشرة قوي زي السيراتو او الريو ، فعشان كده لو حد معاه حاجة غير بيكانتو و ملاحظ حاجة زي ديه أو حد عنده رأي أو اقتراح ياريت يقول و يبقى له جزيل الشكر

[khaledverna]

بس انا معايا بيكانتو خليكى. بس هى تجمعها قليل

[original]

حضرتك جمع ملاحظاتك وفى صيانة ال 1000 كم هتبلغ التوكيل بكل اللى عندك وإنشاء الله خير..

[ahmed1988]

بس انا معايا بيكانتو خليكى. بس هى تجمعها قليل

أنا مش بتقل عليها عشان التليين ، بس تجربتي المتواضعة للتسارع بتاع العربية مُرضي بالنسبالي .. لاحظ ان العربية بتنقل بدري شوية ، يمكن عشان تقلل استهلاك البنزين ، فممكن ده يبقى سبب انها مش بتجمع بالسرعة اللي انت متخيلها

حضرتك جمع ملاحظاتك وفى صيانة ال 1000 كم هتبلغ التوكيل بكل اللى عندك وإنشاء الله خير..

أنا بعمل كده فعلاً ، بس المشكلة اني لما هاروح التوكيل هاكون مشيت بالعربية و هتكون سخنت و غالبا الصوت مش هيبان هناك

[shenoo]

متهيألي عادي لا تقلق

[original]

أنا مش بتقل عليها عشان التليين ، بس تجربتي المتواضعة للتسارع بتاع العربية مُرضي بالنسبالي .. لاحظ ان العربية بتنقل بدري شوية ، يمكن عشان تقلل استهلاك البنزين ، فممكن ده يبقى سبب انها مش بتجمع بالسرعة اللي انت متخيلها

أعتقد أن سعة الموتور 1200سى سى بتفرق فى سرعة النقل عشان كده بتنقل بدرى شوية عشان عزم الموتور وأكيد لو جربت عربية 1600 هتلاقى فرق فى النقلات

أنا بعمل كده فعلاً ، بس المشكلة اني لما هاروح التوكيل هاكون مشيت بالعربية و هتكون سخنت و غالبا الصوت مش هيبان هناك

اللى يهمك إن مايكونش فى مشكلة فى الموتور ويمكن تكون لسه بتلين ولما تغير زيت ممكن المكنة تظبط معاك!!
عمتا طمننا..

[sonybony]

لا تشغل بالك انا معايا مانيوال خليجي وفي صيانه الالف ابقي اسأل وانشالله خير

[A.Saad]

لحد ما العربية تسخن
مش تدوس بنزين وانت واقف

شوف علاقة الصوت مع مؤشر ال rpm

[محمد بدر]

انا أعتقد ان الموضوع ده طبيعى جدا بس ممكن تكون رجل حضرتك لسة متعودتش على دواسة البنزين فيحصل كيك دون بدون قصدك فبالتالى يرجع غيار فتسمع الصوت ده يارب أكون صح

[ahmed1988]

متهيألي عادي لا تقلق

يارب تطلع فعلا حاجة طبيعية أو حاجة سهلة الحل .. هو بس كل مشكلته انه صوت عالى الى حد ما و مش عاطفي و زي ما قولت بيظهر عند حوالي 2000 rpm بس .. يعني بسمعه كل لما اعدي على الرقم ده و باقي العداد بيبقى صوت العربية هادي جدا .. ف حتى لو طلع عادي ، فهو مش صوت مريح

اللى يهمك إن مايكونش فى مشكلة فى الموتور ويمكن تكون لسه بتلين ولما تغير زيت ممكن المكنة تظبط معاك!!
عمتا طمننا..

ان شاء الله مايكونش في حاجة في الموتور ، و انا بحاول اقنع نفسي انها حاجة هتروح بعد التليين ان شاء الله

لا تشغل بالك انا معايا مانيوال خليجي وفي صيانه الالف ابقي اسأل وانشالله خير

ان شاء الله

لحد ما العربية تسخن
مش تدوس بنزين وانت واقف

شوف علاقة الصوت مع مؤشر ال rpm

انا جربت و الموتور بارد أو سخن ازود بنزين واحدة واحدة بس في الحالتين مكانش فيه اي حاجة .. الصوت مش بيظهر غير و العربية بتتحرك و بيبقى ظاهر قوي و هي باردة و بيقل تدريجيا مع الوقت لما تسخن

انا أعتقد ان الموضوع ده طبيعى جدا بس ممكن تكون رجل حضرتك لسة متعودتش على دواسة البنزين فيحصل كيك دون بدون قصدك فبالتالى يرجع غيار فتسمع الصوت ده يارب أكون صح

أنا عارف الكيك داون ، و متأكد انه مش هو لان دوستي خفيفة على الدواسة ، و انا ما بقرصش عموما على العربية و يوم ما بقرص الدواسة ما بتعديش النص .. بس انا عموما ناوي اجرب الكيك داون في آخر فترة التليين و اشوف هيحصل ايه ان شاء الله

شكرا لكم جميعا

[hosam2011]

جرب والعربية واقفة شد فرامل اليد حط رجلك الشمال على دواسة الفرامل واليمين دوس سنه سنه على دواسة البنزين واسمع الصوت ولو سمعته قولي

[ahmed1988]

جرب والعربية واقفة شد فرامل اليد حط رجلك الشمال على دواسة الفرامل واليمين دوس سنه سنه على دواسة البنزين واسمع الصوت ولو سمعته قولي

حضرتك قصدك ايه بالظبط ؟

قصدك انني اعمل كده و العربية مش معشقة ، و لا اعمل كده و هي معشقة بعد مـ أجبها على الـ d و ادوس على الفرامل و البنزين في نفس الوقت ؟

لو تقصد اول حاجة ، فأنا عملتها كذا مرة و الصوت مظهرش .. و لو تقصد تاني حاجة فأنا كنت فكرت فيها قبل كده ، بس ما جربتهاش لإني مش عارف هي صح انها تتعمل و لا لأ .. و هل حاجة زي كده ممكن تضر الفتيس و لا ايه ؟

[Deshahcoka]

حتلقاي بلية من البلي بكر السير جه فيه ميه في الشتى :)

[hosam2011]

حضرتك قصدك ايه بالظبط ؟

قصدك انني اعمل كده و العربية مش معشقة ، و لا اعمل كده و هي معشقة بعد مـ أجبها على الـ d و ادوس على الفرامل و البنزين في نفس الوقت ؟

لو تقصد اول حاجة ، فأنا عملتها كذا مرة و الصوت مظهرش .. و لو تقصد تاني حاجة فأنا كنت فكرت فيها قبل كده ، بس ما جربتهاش لإني مش عارف هي صح انها تتعمل و لا لأ .. و هل حاجة زي كده ممكن تضر الفتيس و لا ايه ؟

انا قصدي تاني حاجه ودوس بنزين لحد rpm 2 او لحد 3 لما تسمع الصوت
مش لفترات طويلة

[ahmed1988]

حتلقاي بلية من البلي بكر السير جه فيه ميه في الشتى :)

طب حاجة زي كده ممكن تتعالج ازاي ؟

انا قصدي تاني حاجه ودوس بنزين لحد rpm 2 او لحد 3 لما تسمع الصوت
مش لفترات طويلة

انا هستنى لحد صيانة الألف و هشوف هيقولوا ايه في التوكيل .. و لو فضل موجود ممكن ساعتها ابقى افكر في تجربة حاجة زي كده ، و هبقى اسأل وقتها بصورة كويسة اذا كان حاجة زي كده ليها ضرر على العربية و لا لأ .. شكرا على اي حال :)