استلمت كارينز وكيل وعندى مشكلة قلقانى !!!!!

[Mohamed.Muslim]

السلام عليكم ...
أنا معايا كارينز هاى لاين 2013 وكيل مستلمها وماشية 88 كيلو بس عشان لسه مرخصتش
..
امبارح قولت امشيها شوية وانا ماشى لاحظت ان فى هوا بيطلع من فتحات التكييف بالرغم من انى مش مشغل التكييف , قلت يمكن تهيئات , جبت واحد قريبى قعد معايا فى العربية ومشيت شوية وقلتله حط ايدك على فتحة التكييف وقلتله حاسس بهوا طالع من فتحة التكييف قالى اه , الفكرة ان لما العربية بتبقى واقفة الموضوع ده بيختفى ...
افيدونى افادكم الله دى العربية لسة جديدة

[realtyinv]

اولا مبروك علي السيارة ويعطيك خيرها ويكفيك شرها ان شاء الله
ثانيا بالنسبة للهواء من فتحات التكييف الموضوع بسيط خالص ، بص حتلاقي فيه مفتاح علي يمين مفتاح تشغيل المكيف هو عبارة عن رسمة سيارة وبها سهم اضغط عليه سوف يضئ لون اخضر ويتم قفل الهواء من خارج السيارة .
ارجو اني اكون افتدك .. تحياتي

[al_manara]

اولا مبروك علي السيارة ويعطيك خيرها ويكفيك شرها ان شاء الله
ثانيا بالنسبة للهواء من فتحات التكييف الموضوع بسيط خالص ، بص حتلاقي فيه مفتاح علي يمين مفتاح تشغيل المكيف هو عبارة عن رسمة سيارة وبها سهم اضغط عليه سوف يضئ لون اخضر ويتم قفل الهواء من خارج السيارة .
ارجو اني اكون افتدك .. تحياتي

[Mohamed.Muslim]

اولا مبروك علي السيارة ويعطيك خيرها ويكفيك شرها ان شاء الله
ثانيا بالنسبة للهواء من فتحات التكييف الموضوع بسيط خالص ، بص حتلاقي فيه مفتاح علي يمين مفتاح تشغيل المكيف هو عبارة عن رسمة سيارة وبها سهم اضغط عليه سوف يضئ لون اخضر ويتم قفل الهواء من خارج السيارة .
ارجو اني اكون افتدك .. تحياتي

شكرا على الرد و الله يبارك فيك
بكرة انشاء الله حعمل اللى انت قولته بس انا عايز اعرف حاجة ايه الغرض من الموضوع بتاع الهواء ده ؟؟؟, معلش اصل دى اول عربية ليا بتكييف ....

[hwk]

هههههههههههههههههههههه عادى يا باشا دى البوابه بتاعه الهوا مفتوحه عشان تاخد هوا من بره تدخله لجوه
المفروض تسيب الوضع ده عشان العربيه يدخلها هوا والازاز ميشبرش والهوا اللى جوه العربيه يتجدد
ده غير ان لو العربيه مقفوله وفى الصيف ممكن الازاز يسرطن

انت تضغط على الزرار وتقفل البوابه دى مع التكييف فقط لانها بتاخد الهوا الساقع من جوه العربيه وتسقعه تانى فبيزود من اداء التكييف وبيخليه ميشتغلش كتير

[د.أبونضال]

شكرا على الرد و الله يبارك فيك
بكرة إن شاء الله حعمل اللى انت قولته بس انا عايز اعرف حاجة ايه الغرض من الموضوع بتاع الهواء ده ؟؟؟, معلش اصل دى اول عربية ليا بتكييف ....

علشان لو قافل زجاج العربية وعايز تعيش مع نفسك يتم تجديد الهواء باستمرار لأن حيز العربية ضيق جدا على إنه يكفي نفس بني آدم

[mseldin63]

اولا مبروك علي السيارة ويعطيك خيرها ويكفيك شرها ان شاء الله
ثانيا بالنسبة للهواء من فتحات التكييف الموضوع بسيط خالص ، بص حتلاقي فيه مفتاح علي يمين مفتاح تشغيل المكيف هو عبارة عن رسمة سيارة وبها سهم اضغط عليه سوف يضئ لون اخضر ويتم قفل الهواء من خارج السيارة .
ارجو اني اكون افتدك .. تحياتي

صح كدا جرب وان شاء الله تمام

[houseiny]

ياباا زي ما الأخوة الزملاء أفادوك ، دي حاجة كويسة مش حاجة وحشة وأقولك بقى على حاجة أحلى لو عايز تدفي العربية في الجو الجميل اللي احنا فيه اليومين دول هات بكرة الحرارة على السخن وافتح الهوايات هتلاقي هوا سخن داخل منهم من غير متشغ التكييف ودي بتدخل الهوا السخن من على المحرك بتدفي العربية من غير متستهلك بنزين زيادة للتكييف ، الفكرة دي موجودة في العربيات النقل الكبيرة من سنة 89 ، كانت عندنا في المرسيدس القلاب من موديل 90ولعلمك دي حاجة حلوة بتهوي العربية من غير بنزين زيادة بس عيبها بتملي العربية ريحة عوادم وتراب، بس مش أوي لأنها بتعدي على فلتر التكييف برضه ،

[houseiny]

ياباشا مش ياباا ، اصلي بكتب من على الموبايل الحروف بتسقط شوية مني

[محمد بدر]

بقدر المستطاع اجعل هذه البوبة مغلقة وذلك لمنع تسرب الأتربة و الغبار والعوادم والروائح الذى تملئ السيارة وعلى المدى البعيد ممكن يكون له تأثير سلبى على التكييف
ولاكن الغرض منها وفتح هذه البوابة لدخول الهواء النقى فى الأماكن الغير ملوثة أى بدون روائح أو أتربه

[Mohamed.Muslim]

متشكر يارجالة على الرد والاهتمام وده المتوقع دايما منكم ....

[Khaled_Nowaihy]

و ممكن كمان تقفلها يدوى بواسطة المفتاح الموجود أسفل كل فتحة