علبة الدريكسيون وكيا سيراتو 2010

[baby_koko]

السادة الأفاضل رواد موقع نيل موتورز ...

كنت باعمل صيانة الــ 40000 النهاردة الصبح وكعيت مبلغ محترم علشان زيت الفتيس وتيل الفرامل الأمامي وفلتر البنزين والمصنعية ..... الخ.

المهم أن المهندس لما عمل فحص للسيارة لقى أن علبة الدريكسيون بتخبط......

طبعا مفهمتش يعني ايه والتأثير هايكون ايه... والمفروض أعمل ايه غير اني أغير علبة الدركسيون......

المهم حاولت افهم منه، قالي انه ده عيب عام في السيراتو بيظهر بعد 40000 وبنسيبوا خالص لحد ماعلبة الدركسيون تجيب اخرها وبتغيرها أو ما تجيب زيت، لكن متقلقش والكلام ده....

هل هذا فعل عيب عام في السيراتو؟

إذا كانت الاجابة بنعم، فهل الحل هو تغيرها؟

ما هو سعر علبة الدركسيون؟

هل يوجد حل غير تغييرها مثل أن يكون مجرد تغيير ما يسمي بالأولسيهات ؟؟؟

الرجاء الافادة ضروري أن قرفان من العربية ومش عايز اسقها.

على فكرة العربية خليجي ستبترونيك 2010

[AlGazar2]

يا باشا سوقها عادى العربية النوبيرا علبه الدركسيون بتاعتها بتخبط من 5 سنين تقريبا و ماشى عليها عادى مفيهاش حاجة

و من حوالى 6 شهور وديتها للميكانيكى عملها حشوه و شغاله مفيهاش حاجة

لو باظت خالص و جابت اخرها هاتتصلح او تتغير عادى حاجة ما تعيبش العربية بس العلبة الباور بتبقى غالية دى مشكلتها و معرفش هتبقى بكام فى السيراتو و كلام انها بتبوظ بعد 40 الف ده فتى ميكانيكية

[baby_koko]

شكرا على الاهتمام بس أنا مشكلتي أني ببقى قرفان لما أعرف ان في حاجة غلط في العربية.

عموما أن أصلا مش ناوي اسمع الكلام قوي، بس كنت عايز اعرف الكلام ده حقيقي عيب في العربية وسعرها ممكن يكون حوالي كام.

وعلى فكرة أنا أصلا مش حاسس بأي مشكلة في العربية ولا تخبيط ولا غيره علشان كده قلقان أن ممكن تحصل حاجة وأنا مش عارف أو سايق مثلا .. أنا اصلي مش خبير سواقة ولا ميكانيكا أنا بعتمد على أن العربية ماشية مرتاحة وبعملها صيانتها الدورية ومافيش صوت ولا حاجات من ديه... فيما عدا ذلك أنا ابيضضضضضضضضضضضضضض.

وشكرا

[moha4tec]

ايوا عيب صناعه فيها بس بيظهر فى عربيات و عربيات تانيه لا .صدف يعنى و حظوظ
و فى عربيات بيظهر فيها و هى مكملتش ال 10 الاف كم و فى الف كم كمان و فى مبتظهرش خالص .

[Gelgel2004]

روح مركز كوول اير
26202455
اسال عن الاسطى محمد ابو عبود
متخصص فى الكيا و البرتون
وان شاء تتحل
تحياتى ....

[M.Al-Hefnawy]

عندي نفس المشكلة في النترا 2008 ... وعرفت من ناس كتير إن بيتعملها حشو وفيه مركز متخصص في الدركسيون في شارع شامبليون بيعمل الحشو ده وبيدي ضمان 6 شهور عليها ... إن شاء الله ناوي أروح في أرقب فرصة.

[excel_team2000]

محصلش عندى اى حاجه من دى عربيتى 2010 بصمة خليجى و عاملة 60000 كيلو و على فكره الباور عندى كهربا

[MR . Gold]

شكرا على الاهتمام بس أنا مشكلتي أني ببقى قرفان لما أعرف ان في حاجة غلط في العربية.

عموما أن أصلا مش ناوي اسمع الكلام قوي، بس كنت عايز اعرف الكلام ده حقيقي عيب في العربية وسعرها ممكن يكون حوالي كام.

وعلى فكرة أنا أصلا مش حاسس بأي مشكلة في العربية ولا تخبيط ولا غيره علشان كده قلقان أن ممكن تحصل حاجة وأنا مش عارف أو سايق مثلا .. أنا اصلي مش خبير سواقة ولا ميكانيكا أنا بعتمد على أن العربية ماشية مرتاحة وبعملها صيانتها الدورية ومافيش صوت ولا حاجات من ديه... فيما عدا ذلك أنا ابيضضضضضضضضضضضضضض.

وشكرا

ياباشا خدها نصيحة من جارك الانسراوي اتمتع بعربيتك وماتلعبش فيها طالما مفيهاش اي صوت دقدقة فيها مفيش اي مشكلة ومفيش حاجة هاتحصل حتي لو في دقدقة وانسي الموضوع نهائي وطلعة من دماغك واتمتع بعربيتك وربنا يسترها علينا وعليك

[baby_koko]

شكرا يا جماعة على الاهتمام ومتابع ردوتكم المفيدة باستمرار.

شكرا جزيلا لكم

[baby_koko]

يا جماعة معقول الكلام ده، أنا سألت على علبة الدركسيون عند محلات قطع الغيار في مدينة نصر، قالوا أن العلبة بــــ 3500 جنيه..... يا نهار أبيض...

[temo85]

مادام انت اللى بتسوق يبقي انت اللى بتحس بالعربية و طالما مش حاسس بحاجه غريبه فى عربيتك يبقي ياراجل كبر مخك على رأى مبــارك
وموضوع بتبوظ بعد 40 الف ده نصب رسمي هى مش على تايمر اول ما تعدى ال 40 الف بتبوظ !!!
والتغيير مش شرط هو عارف انك خليجي يعني زبون انت لو وكيل عمره ما هيقول كده غير لو العميل اشتكى عشان لو وكيل يبقي هو اللى هيغيرها فى الضمان فهيقفل بقه تماما
للأسف المصداقيه معدومه و مفيش ضمير كله تقليب في تقليب

[baby_koko]

شكرا يا باشا،، أنا فعلا قررت اسمع كلمكم واكبر دماغي، لأني كمان معنديش اختيار تاني.

[Deshahcoka]

يعم كبر اسمع مني :) اخرك تغير بيضتين الدركسيون و دول ب 150 جنيه و حتلاقي الطارة اتحكمت :) بس :)

[hi_nmr]

انا عربيتي سيراتو خليجي وماشي 60 الف لغايه دلوقت ومفيش حاجه في علبه الدركسيون الحمد لله

[moha4tec]

للرفع