خلاصة القول فى مشكلة دراع النور (ارجو التثبيت)

[medo_sirion]

السلام عليكم اعضاء كيا

تكملة للموضوع السابق http://www.nilemotors.net/Nile/329300-a.html

الحمدالله تم اصلاح العيب ولم اتمكن من التصوير لغرضى فى فهم الموضوع وشرحوا لحضرتم بالتفصيل

الخلاصة هى :

اولا ماهى مشكلة دراع النور (وبالتحديد نور الشبورة ) ؟
هي عبارة عن البكرة اللى تخص الشبورة فى دراع النور وهي عبارة عن سلكين يمر فى دراع النور
المشكلة فى ان واحد من السلكين دول الاصدير بتاعة (اللحام) بيتفك فطبعا بيبقى دة نتيجة فصل الشبورة فى دراع النور

ثانيا ماهى طريقة اصلاح عيب دراع النور؟
فعلا من كلام احد الاعضاء ممكن الدراع يتصلح بدون فك الدريكسيون وايضا بفك الدريكسيون

طيب لية بيفك دراع النور ؟؟
علشان لو حضرتك نظرت لاخر دراع النور من وراء ومن نحيتك هتلاقى فى نقطة صغنونة خالص دية عبارة عن مسمار صغير جدا ودة بيحتاج نوع خاص من المفكات وغير موجودة الا فى التوكيلات

فاى صنيعى بيصلح العيب دة لازم يفك الدريكسيون ويطلع دراع النور خارج علشان يقدر يفك المسمار دة بطريقة ما

خلاصة الكلام اية ؟؟
خلاصة الكلام ان عيب الدراع هوة سلك بيفصل من مكانة وبيتلحم تانى
وطبعا حرام اغير دراع ب 350 ج علشان سلك فك من اللحام

تانى حاجة اهم حاجة لو عملت الموضوع دة برة التوكيل لازم يكون الكهربائى فاهم المشكلة الاول وفاهم ان فى مسمار فى اخر الدراع لو فكة ممكن يفك دراع النور من غير ما يفك الدريكسيون
ولو فك الدريكسيون لازم يكون عارف ان فى سلوك الطارة والايرباج ويتعامل معها بحرص

التكلفة تتراوح على حسب هوة فك الدريكسيون ولا المسمار اللى فى الدراع فقط
طبعا لو فك الدراع فقط التكلفة بتكون فى حدود 20 ج
ولو فك الدريكسيون علشان يطلع الدراع التكلفة بتتراوح ما بين 50 او 70 ج

الموضوع سهل ياجماعة خالص ومابيخدش اكتر من نص ساعة فقط
وحرام نغير دراع النور علشان سلك

اهم نقطة فى الموضوع ان سالت لو جبت دراع تانى وركبتة واصلحتش الدراع دة هل العيب هيظهر تانى ؟؟؟

الرد نعم العيب هيظهر لان اللحام اللى بيبقى على السلكين مش قوى ومع الحركة الكتير بيفك

يارب اكون قدرت وصلت المعلومة ببساطة ولو حد عندة سوال انا تحت امرة

تقبلوا تحياتى جميعا

[S O P H O S]

جزاك الله خيرا
يا ميدو باشا ..

[elmashtoly]

الله يباركلك فعلا شرحت فا أوفيت ربنا يجعله في ميزان حسناتك

[Sehsss]

تسلم إيدك يا باشا

[moha4tec]

الله ينور عليك

[temo85]

تمام ياباشا بس ليا سؤال
هل الحركة اللى بتقطع السلك هى حركه بكره نور الشبورة ولا حركه بكره النور الرئيسي ؟

[youssef_u]

طيب تفتكر لو الايرباج باظ و هو بيفك ... ده يتكلف كام عشان الاعضاء تبقا عارفه بردو

[M7amD_7amDy]

مظبوط الكلام ياباشا

بس مش لازم تفك الدريكسيون على فكرة خالص

المشكلة دى كانت عندى وفضلت يجى أكتر من سنة ماشى من غير شبورة

لغاية مرة قولت لازم أصلحة

وروحت فاكك الدراع كله وعلى فكرة هو بس المسمار الرفيع اللى فى الفتحة دى بس بتفكه بمفك صغير جدااا

وباقى الدراع بيتفك كلبسات حته حته

يعنى الجزء بتاع النور بيطلع لوحده والحتة بتاعت الشبورة لوحدها بتوع 3 أو 4 حتت بيركبوا فوق بعض

المهم فكيت الدراع كله وطلعت السلكين بتوع الشبورة وزودتهم بحتة سلك ومعرفتش ألحمهم فى البوردة بتاعتها :)))

روحت لواحد كهربائى لحمهم وركبوا وبقوا تمام التمام الحمدلله

وحسيت ساعتها بمنتهى السعادة عشان انا اللى صلحته :))))))

ودى صور الدراع لما فكيته

[amhhma2003]

السلام عليكم يا شباب
انا عندى مشكلة . لو شغلت فوانيس الشبورة الكلاكس بيفصل ولازم اطفى العربية والنور وارجع اشغل العربية تانى .. المشكلة كدة فين فى دراع النور ولا الفيوز ولا الكلاكس

افيدونى

[medo_sirion]

تمام ياباشا بس ليا سؤال
هل الحركة اللى بتقطع السلك هى حركه بكره نور الشبورة ولا حركه بكره النور الرئيسي ؟

لا حركة بكرة نور الشبورة مع كثرة لفها بيئدى الى قطع سلك الشبورة فى البكرة لان الاصدير بيبقى عليها ضعيف

[medo_sirion]

طيب تفتكر لو الايرباج باظ و هو بيفك ... ده يتكلف كام عشان الاعضاء تبقا عارفه بردو

الايرباج عبارة عن كلاكس السيارة قطعة مدورة بتطلع من الدريكسيون
الفكرة فى الفيشة الخلفية لازم تكون حريص وانت بتفكها وبتركبها تانى علشان ميحصلش ايرور فى كمبيوتر السيارة

[medo_sirion]

مظبوط الكلام ياباشا

بس مش لازم تفك الدريكسيون على فكرة خالص

المشكلة دى كانت عندى وفضلت يجى أكتر من سنة ماشى من غير شبورة

لغاية مرة قولت لازم أصلحة

وروحت فاكك الدراع كله وعلى فكرة هو بس المسمار الرفيع اللى فى الفتحة دى بس بتفكه بمفك صغير جدااا

وباقى الدراع بيتفك كلبسات حته حته

يعنى الجزء بتاع النور بيطلع لوحده والحتة بتاعت الشبورة لوحدها بتوع 3 أو 4 حتت بيركبوا فوق بعض

المهم فكيت الدراع كله وطلعت السلكين بتوع الشبورة وزودتهم بحتة سلك ومعرفتش ألحمهم فى البوردة بتاعتها :)))

روحت لواحد كهربائى لحمهم وركبوا وبقوا تمام التمام الحمدلله

وحسيت ساعتها بمنتهى السعادة عشان انا اللى صلحته :))))))

ودى صور الدراع لما فكيته

الله ينور عليك
وانا زاكر ان مش لازم تفك الدريكسيون الفكرة فى المسمار الصغير اللى فى الدراع مكانة فى حتة ضيقة غير انك لازم تجيب مفك صغير جدا علشان تقدر تفكة

وشكرا لحضرتك على الصور كدة هيبقى الفكرة وضحة للاعضاء

[medo_sirion]

السلام عليكم يا شباب
انا عندى مشكلة . لو شغلت فوانيس الشبورة الكلاكس بيفصل ولازم اطفى العربية والنور وارجع اشغل العربية تانى .. المشكلة كدة فين فى دراع النور ولا الفيوز ولا الكلاكس

افيدونى

لا يافندم دية مشكلة الكلاكس وحلة بردوا فى منتهى السهولة
حضرتك هتروح لكهربائى وتطلب منة رجلشة الكلاكس
يعنى اية يعنى فى مسمار بيبقى فى الكلاكس بيحتاج مفك نجمة وهوة معمول علشان تعلى وتوطى صوت الكلاكس
دة بيبقى محتاج انة تحركة وترجلش علية ومش هيفصل من حضرتك تانى نهائى

وبردوا دة مقابل انك تغير الكلاكس فى الضمان او من غير لان دة بتاع العربية الاصلى

[medo_sirion]

والله طلبت التثبيت علشان لو حد حصل معاه المشكلة دية يكون عارف السبب

[mhf_77]

طب هل الموضوع ده بيحصل مع اللى مركبين زينون ولا مش شرط وممكن يحصل مع اى حد حتى ولو ملعبش فى الاضاءه خالص وهل خاص بسنوات انتاج معينه ولا عيب وتكرر مع السنيين ؟؟