Tweet
تقرير مفصل مع تيست درايف لسيراتو 2013 الشكل الجديد
[SIZE="4"] بسم الله الرحمن الرحيم
النهارده وانا مروح البيت بعد يوم شغل طويل لقيت فى قلق عند توكيل كيا الجبر فى جده لانى ساكن فى ضهر التوكيل فركنت عربيتى وقلت اشوف ايه الاخبار فلقيت السيراتو والاكوريوس الجديده وعملين حفله عليهم وعاملين تيست درايف فرحت داخل اتفرج على السياره وقلت ان شاء الله اجربها و اعمل تقرير وانقلكم تجربتى ليها وتعليقى المتواضع عليها وصورتلكم صور كتير ان شاء الله هرفعها كلها فنبدا بسم الله
سالت على سعرها الاول واذا بالصدمه فهى عباره عن 3 فئات
الاولى الاستاندر ب 58 الف ريال يعنى تقريبا 87 الف جنيه بالاضافه للضرايب الجميله بتاعتنا تقريبا40 الف يعنى ممكن تبقى ب 129 الف جنيه مصرى فقط لاغير
الثانيه النص فل ب 67 الف ريا ل يعنى 101 الف جنيه + ضرايبنا المحترمه تقريبا 45 الف يعنى ممكن تبقى 146 الف جند
الثالثه الفل كامل ب 75 الف ريال يعنى تقريبا 114 الف جنيه + ضرايبنا بنت ستين فى سبعين تقريبا 50 الف يعنى تقريبا 164 الف عفريت يركبوهم
ولحد هنا حرام بقى الى بيعملوه فينا ده احنا داخلين على سعر الاوروبى والالمانى
الاول اتفرجت على السياره كانت فل اوبشن ولما ركبت السياره حسيت ان السياره لا ينقصها شئ بمعنى الفل اوبشن فعلا ان مافيش شئ فى احلامك ماتلاقيهوش فى السيارهوبعد أ ذنكم وصفى كالاتى الشكل من الخارج الليدات الامامايه مذهله والاناره عباره عن عدسات والشبكه هجوميه بشكل كبير وطبعا من الخارج تعطيك احساس بالاتساع وان حجمها اكبر من الشكل القديم والمرايات الخارجيه شكلها انيق وعند غلقها تتم رفعها الى فوق زى السبورتاج كده من الجانب شكلها جميل خصوصا الجنوط 17 بشكلها الانيق والرياضى
ونيجى بقى للخلفيه الليدات شالخلفيه جميله وتستمتع بالنظر اليها ولكن جالى احساس انها غر متناسقه معها مجرد وجهه نظرى والاسبويلر الراكب عليها تعطيك احساس انك تنظر الى الجميله الفوكاس فورد فبدات بفتح الشنطه من الداخل وهى بنفس شكل ومكان فتح الشنطه القديم واعتقد انه كان لازم يتغير ويوضع فى الباب زى الاوبترا مثلا او بجانب الدركسيون ولكن اذا بها كبيره الاتساع فعلا يعنى فعلا تشيل ولو انى دورت فى الكاتلوج مالقتش مساحتها قد ايه ورفعت اشوف ان الاطار الاحتياطى برضه جنط اسبور مع عده الشنطه بشكلها داخل الجنط كما فى الصور المهم فتحت الكبوت برضه بنفس مكانه المفتاح فى الشكل السابق وطبعا لقيت الماتور جاما الجديد 1600 سى سى ومكتوب فى الكتالوج انه
Max power 130 ps @ 6300rpm
Max torque 16 kg.m @4850 rpm
وبرضه اعتقد ان مساحه الحوض صغيره شويه مع ان من الخارج مظهرها يدل على انها اكبر من الشكل السابق ايضا تغيير شكل المقبض لفتح الباب وتغيير شكل زرار الفتح بدون مفتاح اصبح نيكل مع نيكل بطول البابين الى النهايه مع جزء نيكل عريض فى الباب الخلفى وهنشوفه فى الصور
نيجى بقى من الداخل الخامات جيده جدا شكل الباب من الداخل بالمسند الجانيى الى فيه مع شكل الباب ناحيه المرايات الجزء المربع فيه شويه من السيفيك
طاره فيها كل الاوبشن الى تتمناه ولكن اعتقد ان الجلد الى راكب عليها مش جيد مثل جلد التابلوه والعدادات شكلها جميل مع الاضائه البيضاء
والجميل ان سرعه السياره زادت الى 240 عن الشكل السابق وبه كمبيوتر رحلات مختلف تماما عن الشكل السابق
اما التابلوه فهو روعه فى تصميمه وخصوصا انهم استخدموا جزء منه كاربون اسود لامع وطبعا به كاميرا خلفيه بالكاسيت
وفتحات التكييف جيده فى توزيع اتجاه الهواء عن الشكل السابق وان المنطقه الى فيها فتحه اليو اس بى هى نفس مكان وشكل الى فات ولكن عملوا جزء مغطى اى تفتحه وتغطيه زى الهوندا سيفيك
نيجى لشكل الفتيس هو نفس الشكل فى الموديل السابق مع اضافه زرار لتفعيل والغاء السينسور الامامى
اما السقف ففتحه السقف مماثله للشكل السابق ولكن مع تغيير شكل ومكان البلوتوث الداخلى للتحدث منه فوق الرأس مباشره
اما مفتاح التشغيل والايقاف فهو افضل فى مكانه وشكله والوانه من الشكل السابق
اما الفرش الجلد فهو جيد ولكن اعتقد انى مرتاح اكتر فى الشكل السابق
وبرضه درج المحفوظات او التابلوه اضافوا اليه مروحه ثلاجه لتبريد المشروبات مع اناره جيده
اما الاناره الداخليه جيده جدا افضل من الشكل السابق مع احتفاظهم بنفس شكل الاناره العلويه كما فى السابق مع جراب النظاره ولكن تم ازاله مفتاح الاناره الموجود فى الشماسه الاماميه واكتفوا بالمرايات فقط
نيجى بقى لتجربه التيست درايف للاسف ماكنش موجود الفل كان موجود الاستاندر وهحط صور قليله ليها ولكن الفل جت بعد مارجعت فصورتها برضه شويه صور
اولا شكل الزجاج الامامى مع الزجاج الجانبى الى عند المرايات يعطيك انطباع انك تقدر تشوف كل الشارع الخارجى بسهوله فدورت العربيه واذا الطاره خفيفه لدرجه انك تقدر تلفها بصباعك وفعلا اخف بكثير من الموديل السابق وجبتنى جدا لانى كنت بحس انى سيارتى الطاره بتاعتها تقيله شويه المهم انها بتتقل معاك عند السحب
ثانيا العزل الداخلى ممتازكانك جالس فى هدوء جميل وحتى صوت الكلاكس احسسته ضعيف من الداخل ولكنه العكس عند فتح الباب ولكنه صوته مختلف عن الشكل السابق
ثالثا وده كده اهم حاجه عندى انى احس بيها العفشه الى كانت سبب مضايق كل الناس فى الشكل السابق وقصدت انى اخد بيها كام مطب كده ولكن بصراحه هى افضل بكثير من الشكل السابق ولكن كنت اشعر بالمطب على خفيف كده
رابعا السحب فالسياره ماشاء الله سحبها اكثر من رائع فعند الوقوف وادوس دواسه البنزين للاخر السياره تحس انها هتطير مع الثبات عند سرعه 120 ثبات جميل تحس بيه بالاطمئنان وامحبتش اجيب اكتر عشان مندوب الشركه الى كان معايا وبيحكيلى فى مميزاتها
خامسا سهوله تحكم بكل شئ من الطاره والتكييف روعه واتجاه الهواء القادم منه روعه مع وجود مخرج خلفى للتكييف زى الفئات الاعلى منها مع وجود مثبت السرعه مع تزويد وتقليل السرعه من الطاره بدون الحاجه لاعاده برمجه
وفى النهايه هى فى المجمل سياره جميله ولكن كنت متخيلها اوسع من ذلك من الداخل كما فى الاحساس من اول وهله عندما تراها
وده بعد التجربه واترككم مع الصور ولتعذرونى لانى اول مره اكتب تقرير وحبيت ان يكون هنا اول منتدى يكون فيه شرح للحصان الجديد السيراتو مع انى كنت بقارنها بسيارتى السيراتو الكوبيه
واخيرا ده الاستاندر
وشكرا لمروركم جميعا واتمنى من الله ان يعجبكم التقرير واى حد عنده اى سوال انا جاهز ممكن اروح التوكيل واجرب السياره تانى وشكرا
النهارده وانا مروح البيت بعد يوم شغل طويل لقيت فى قلق عند توكيل كيا الجبر فى جده لانى ساكن فى ضهر التوكيل فركنت عربيتى وقلت اشوف ايه الاخبار فلقيت السيراتو والاكوريوس الجديده وعملين حفله عليهم وعاملين تيست درايف فرحت داخل اتفرج على السياره وقلت ان شاء الله اجربها و اعمل تقرير وانقلكم تجربتى ليها وتعليقى المتواضع عليها وصورتلكم صور كتير ان شاء الله هرفعها كلها فنبدا بسم الله
سالت على سعرها الاول واذا بالصدمه فهى عباره عن 3 فئات
الاولى الاستاندر ب 58 الف ريال يعنى تقريبا 87 الف جنيه بالاضافه للضرايب الجميله بتاعتنا تقريبا40 الف يعنى ممكن تبقى ب 129 الف جنيه مصرى فقط لاغير
الثانيه النص فل ب 67 الف ريا ل يعنى 101 الف جنيه + ضرايبنا المحترمه تقريبا 45 الف يعنى ممكن تبقى 146 الف جند
الثالثه الفل كامل ب 75 الف ريال يعنى تقريبا 114 الف جنيه + ضرايبنا بنت ستين فى سبعين تقريبا 50 الف يعنى تقريبا 164 الف عفريت يركبوهم
ولحد هنا حرام بقى الى بيعملوه فينا ده احنا داخلين على سعر الاوروبى والالمانى
الاول اتفرجت على السياره كانت فل اوبشن ولما ركبت السياره حسيت ان السياره لا ينقصها شئ بمعنى الفل اوبشن فعلا ان مافيش شئ فى احلامك ماتلاقيهوش فى السيارهوبعد أ ذنكم وصفى كالاتى الشكل من الخارج الليدات الامامايه مذهله والاناره عباره عن عدسات والشبكه هجوميه بشكل كبير وطبعا من الخارج تعطيك احساس بالاتساع وان حجمها اكبر من الشكل القديم والمرايات الخارجيه شكلها انيق وعند غلقها تتم رفعها الى فوق زى السبورتاج كده من الجانب شكلها جميل خصوصا الجنوط 17 بشكلها الانيق والرياضى
ونيجى بقى للخلفيه الليدات شالخلفيه جميله وتستمتع بالنظر اليها ولكن جالى احساس انها غر متناسقه معها مجرد وجهه نظرى والاسبويلر الراكب عليها تعطيك احساس انك تنظر الى الجميله الفوكاس فورد فبدات بفتح الشنطه من الداخل وهى بنفس شكل ومكان فتح الشنطه القديم واعتقد انه كان لازم يتغير ويوضع فى الباب زى الاوبترا مثلا او بجانب الدركسيون ولكن اذا بها كبيره الاتساع فعلا يعنى فعلا تشيل ولو انى دورت فى الكاتلوج مالقتش مساحتها قد ايه ورفعت اشوف ان الاطار الاحتياطى برضه جنط اسبور مع عده الشنطه بشكلها داخل الجنط كما فى الصور المهم فتحت الكبوت برضه بنفس مكانه المفتاح فى الشكل السابق وطبعا لقيت الماتور جاما الجديد 1600 سى سى ومكتوب فى الكتالوج انه
Max power 130 ps @ 6300rpm
Max torque 16 kg.m @4850 rpm
وبرضه اعتقد ان مساحه الحوض صغيره شويه مع ان من الخارج مظهرها يدل على انها اكبر من الشكل السابق ايضا تغيير شكل المقبض لفتح الباب وتغيير شكل زرار الفتح بدون مفتاح اصبح نيكل مع نيكل بطول البابين الى النهايه مع جزء نيكل عريض فى الباب الخلفى وهنشوفه فى الصور
نيجى بقى من الداخل الخامات جيده جدا شكل الباب من الداخل بالمسند الجانيى الى فيه مع شكل الباب ناحيه المرايات الجزء المربع فيه شويه من السيفيك
طاره فيها كل الاوبشن الى تتمناه ولكن اعتقد ان الجلد الى راكب عليها مش جيد مثل جلد التابلوه والعدادات شكلها جميل مع الاضائه البيضاء
والجميل ان سرعه السياره زادت الى 240 عن الشكل السابق وبه كمبيوتر رحلات مختلف تماما عن الشكل السابق
اما التابلوه فهو روعه فى تصميمه وخصوصا انهم استخدموا جزء منه كاربون اسود لامع وطبعا به كاميرا خلفيه بالكاسيت
وفتحات التكييف جيده فى توزيع اتجاه الهواء عن الشكل السابق وان المنطقه الى فيها فتحه اليو اس بى هى نفس مكان وشكل الى فات ولكن عملوا جزء مغطى اى تفتحه وتغطيه زى الهوندا سيفيك
نيجى لشكل الفتيس هو نفس الشكل فى الموديل السابق مع اضافه زرار لتفعيل والغاء السينسور الامامى
اما السقف ففتحه السقف مماثله للشكل السابق ولكن مع تغيير شكل ومكان البلوتوث الداخلى للتحدث منه فوق الرأس مباشره
اما مفتاح التشغيل والايقاف فهو افضل فى مكانه وشكله والوانه من الشكل السابق
اما الفرش الجلد فهو جيد ولكن اعتقد انى مرتاح اكتر فى الشكل السابق
وبرضه درج المحفوظات او التابلوه اضافوا اليه مروحه ثلاجه لتبريد المشروبات مع اناره جيده
اما الاناره الداخليه جيده جدا افضل من الشكل السابق مع احتفاظهم بنفس شكل الاناره العلويه كما فى السابق مع جراب النظاره ولكن تم ازاله مفتاح الاناره الموجود فى الشماسه الاماميه واكتفوا بالمرايات فقط
نيجى بقى لتجربه التيست درايف للاسف ماكنش موجود الفل كان موجود الاستاندر وهحط صور قليله ليها ولكن الفل جت بعد مارجعت فصورتها برضه شويه صور
اولا شكل الزجاج الامامى مع الزجاج الجانبى الى عند المرايات يعطيك انطباع انك تقدر تشوف كل الشارع الخارجى بسهوله فدورت العربيه واذا الطاره خفيفه لدرجه انك تقدر تلفها بصباعك وفعلا اخف بكثير من الموديل السابق وجبتنى جدا لانى كنت بحس انى سيارتى الطاره بتاعتها تقيله شويه المهم انها بتتقل معاك عند السحب
ثانيا العزل الداخلى ممتازكانك جالس فى هدوء جميل وحتى صوت الكلاكس احسسته ضعيف من الداخل ولكنه العكس عند فتح الباب ولكنه صوته مختلف عن الشكل السابق
ثالثا وده كده اهم حاجه عندى انى احس بيها العفشه الى كانت سبب مضايق كل الناس فى الشكل السابق وقصدت انى اخد بيها كام مطب كده ولكن بصراحه هى افضل بكثير من الشكل السابق ولكن كنت اشعر بالمطب على خفيف كده
رابعا السحب فالسياره ماشاء الله سحبها اكثر من رائع فعند الوقوف وادوس دواسه البنزين للاخر السياره تحس انها هتطير مع الثبات عند سرعه 120 ثبات جميل تحس بيه بالاطمئنان وامحبتش اجيب اكتر عشان مندوب الشركه الى كان معايا وبيحكيلى فى مميزاتها
خامسا سهوله تحكم بكل شئ من الطاره والتكييف روعه واتجاه الهواء القادم منه روعه مع وجود مخرج خلفى للتكييف زى الفئات الاعلى منها مع وجود مثبت السرعه مع تزويد وتقليل السرعه من الطاره بدون الحاجه لاعاده برمجه
وفى النهايه هى فى المجمل سياره جميله ولكن كنت متخيلها اوسع من ذلك من الداخل كما فى الاحساس من اول وهله عندما تراها
وده بعد التجربه واترككم مع الصور ولتعذرونى لانى اول مره اكتب تقرير وحبيت ان يكون هنا اول منتدى يكون فيه شرح للحصان الجديد السيراتو مع انى كنت بقارنها بسيارتى السيراتو الكوبيه
واخيرا ده الاستاندر
وشكرا لمروركم جميعا واتمنى من الله ان يعجبكم التقرير واى حد عنده اى سوال انا جاهز ممكن اروح التوكيل واجرب السياره تانى وشكرا
Comment