الزجاج الأمامى للمعشوقة

[salodas]

مساء الفل
كنت راجع من مشوار ولقيت شرخ بطول 30 سم فى الزجاج الأمامى .... واضح أنها طوبة لأن فيه نقرة فى بداية الشرخ .... تانى يوم كبر الشرخ لطول 50 سم ...
المطلوب :
1 - هل ممكن أسافر عادى ؟
2 - هل الشرخ هيفضل يكبر يكبر ؟
3 - أغيره ولا أصلحة ؟
4 - فى حالة أصلحة يبقى فين وبكام ووقت أد أيه ؟

شكرا مقدما

[mahmoud_afifi]

مساء الفل
كنت راجع من مشوار ولقيت شرخ بطول 30 سم فى الزجاج الأمامى .... واضح أنها طوبة لأن فيه نقرة فى بداية الشرخ .... تانى يوم كبر الشرخ لطول 50 سم ...
المطلوب :
1 - هل ممكن أسافر عادى ؟
2 - هل الشرخ هيفضل يكبر يكبر ؟
3 - أغيره ولا أصلحة ؟
4 - فى حالة أصلحة يبقى فين وبكام ووقت أد أيه ؟

شكرا مقدما

مساء النور

1- أجل السفر لغاية لما تصلحه عشان مايفتحش اكتر وانت في حته مش عارف فيها حد بيصلح
2- الشرخ هيكبر طول ماهو بيتعرض للشمس
3- روح للراجل وشوف هينفع يتصلح ولا هيتكلف كتير. بس نصيحه لأني حصلي كده. صلح الازاز وبلاش تغير زجاج الاصلي. مهما كان شكل الي هتجيبه مش هيبقى زي الاصلي وهتسمع صوت هواء جوا العربيه مهما كان التقفيل كويس. بالاضافه ان الاصلي غالي يعني هتجيب جريش ولا أمان. وجريش انا مجربه ضعيف جدا وهينقر تاني بسهوله غير انه بيخلي الاشعه فوق البنفسجيه تمر ويبوظلك التابلوه زي ماحصل عندي.
4- لو هتصلح انا جربت د.خالد بس الظاهر ان الفرع الي رحته ماكنش قد كده الي في مدينة نصر. جرب حد تاني والتكلفه لو شرخ او نقره صغيره حوالي 50 جنيه. انما لو كبير يبقى مش عارف

[salodas]

طيب أنا فى المعادى ...(خلف كارفور) ممكن حد يوصفلى مكان كويس بيصلح ويكون قريب منى

[temo85]

بص هو دكتور جريش ,, خلى موضوع التغيير ده أخر حل مفيش زى الزجاج الاصلي , هو غالبا هيعبيه سيلكون

[salodas]

تقصد حضرتك أن مصنع جريش نفسة (الى فى العاشر من رمضان) بيصلح .... يعنى لو روحت بالعربية أرجع بالزجاج متصلح؟