مجرد اقتراح ولكن شايفه مهم جدا لقسم كيا وخاصتا ريو 2013

[HSE_eng_ramy]

السلام عليكم
اخوكم فى الله رامى
انا عايز اعمل حاجة واخد رأى الاعضاء فيها وبعدها نشوف حنعمل ايه المهم بقى
انا عايز اعمل رابطة لملاك كل سيارة على حدى بحيث يوضع فيها كل الموضوعات المتعلقة بالسيارة من حيث (كفاءة السيارة - قطع الغيار - المشاكل المتكررة) كل حاجة عن السيارة بحيث اللى يعمل بحث على السيارة تجيلو كل المواضيع المتعلقة بالسيارة وحيكون المرجع سنة التصنيع لان فئة السيارة بتختلف فى التكنولوجيا عن السنة الماضية.
موش عارف ان الموضوع ممكن يكون طرح قبل كده ولا ايه عشان انا جديد فى منتديات السيارات وموش بعرف ابحث كويس بس بيتهيألى انها حتفيد جدا.
وانا عايز ابتدى بكيا ريو 2013 لانها عربيتى اللى جاية ان شاء الله
ويكون فيه زى وثيقة تعارف بالعضو بأرقام التليفونات والايميلات (داخل القسم)
انا حكتفى بده دلوقتى لان عندى افكار تانية ممكن انها تتطبق بس اشوف اراء الناس الاول
ولكم تحياتى والله المستعان

[khaledverna]

اقتراح رائع وانا كمان انشاء الله ناوى اجيب الريو

[HSE_eng_ramy]

اقتراح رائع وانا كمان إن شاء الله ناوى اجيب الريو

بالتوفيق يا باشا ان شاء الله وادعيلى استلم بسرعة

[khaledverna]

انشاء الله تستلمها بسرعه انت جايبها انهى فئه وجايبها خليكى ولا توكيل. وجايبها بكام ياباشا

[HSE_eng_ramy]

اقتراح رائع وانا كمان إن شاء الله ناوى اجيب الريو

بالتوفيق يا باشا ان شاء الله وادعيلى استلم بسرعة

[HSE_eng_ramy]

إن شاء الله تستلمها بسرعه انت جايبها انهى فئه وجايبها خليكى ولا توكيل. وجايبها بكام ياباشا

ان شاء الله حجزتها توكيل هاى لاين والسعر حيبقى 129 او 130 على اسوء الفروض ويا رب ما تزيد عن كده عشان لو زادت حلغى الحجز عشان موش ناقصة استهبال الصراحة
ولسه اخوك محتار فى اللون اوى اقترح عليا
والله المستعان

[Mohab555]

معاك فى الفكره و على بركه الله ...

[HSE_eng_ramy]

معاك فى الفكره و على بركه الله ...

على بركة الله أ/ مهاب بس انتا اقدم منى فى المنتدى وانا موش بفهم اوى فى التعامل مع المنتديات الموضوع عايز شوية هندلة وتنظيم وممكن حضرتك وكام حد يكون فاهم فى المنتدى او التعامل معاه يرتب المواضيع دى
منتظر ردك

[ابو ليلى]

طبعا الفكرة جميلة وده من ضمن الحاجات اللى هنعملها فى القسم بأذن الله
بس خلينى افكر معاك بصوت عالى انا مش عاوز القسم يكون زى المكتبة او الارشيف اللى عاوز معلومة يدخل ياخدها وشكرا على كده الفكرة العامة هى التواصل وطرح مشكلة او اخذ راى وتبادل حديث وده هيكون جو اكثر دفى ومن هنا بتحصل الصدقات بين الاعضاء اللى اهم بكتير من المعلومة
حاليا أ / محمد ابراهيم عضو فريق كيا تيم مسئول عن ريو ممكن يكون فى تنسيق بينكم وعرض افكار وشايف كمان أ / مهاب متحمس ومتواجد وموضوعه بسم الله ما شاء الله فيه افادة كتيرة ممكن يكون فى تنسيق بينكم لافادة باقى الاعضاء والزوار .

[HSE_eng_ramy]

طبعا الفكرة جميلة وده من ضمن الحاجات اللى هنعملها فى القسم بأذن الله
بس خلينى افكر معاك بصوت عالى انا مش عاوز القسم يكون زى المكتبة او الارشيف اللى عاوز معلومة يدخل ياخدها وشكرا على كده الفكرة العامة هى التواصل وطرح مشكلة او اخذ راى وتبادل حديث وده هيكون جو اكثر دفى ومن هنا بتحصل الصدقات بين الاعضاء اللى اهم بكتير من المعلومة
حاليا أ / محمد ابراهيم عضو فريق كيا تيم مسئول عن ريو ممكن يكون فى تنسيق بينكم وعرض افكار وشايف كمان أ / مهاب متحمس ومتواجد وموضوعه بسم الله ما شاء الله فيه افادة كتيرة ممكن يكون فى تنسيق بينكم لافادة باقى الاعضاء والزوار .

اولا يا باشا سعيد بردك جدا لكن انا قولت انها البداية بس اشوف الموضوع حيلاقى اعجاب ولا لاء
ثانيا: انا فعلا طرحت الموضوع ده عشان اتعرف على الناس بغض النظر انى استفدت من المنتدى بشكل عام وقسم كيا بشكل خاص وانا احييك على النقطة دى.
ثالثا: لازم حيبقى فيه تنسيق للموضوع مع اعضاء فريق كيا وطرح الافكار انا عندى افكار كتير جدا ومتحمس للفكرة بشكل جدى ونفسى اتعرف على كل اعضاء القسم وان شاء الله ممكن اقابلهم لو فى حد من اسكندرية.
رابعا: انا عايز ايميلات وارقام تليفونات تيم كيا لو ممكن عشان نتعرف اكتر.
وان شاء الله كل الاعضاء والزوار يستفادو من المواضيع اللى حتتناقش فى القسم فى الفترة المقبلة
والله المستعان

[ابو ليلى]

وانا برضه سعيد جدا بحماسك واسمحلى استغله لافادة اعضاء القسم .. فى موضوع موجود
فى اسماء الفريق وممكن نتواصل مع بعض لو عندك اى فكرة جديدة خاصة بتنسيق موضوعات
يعنى مثلا الريو اكيد حصل عليها تعديلات كتير بره مصر وده موضوع بيهم اعضاء كتير
حتى ولو استيكر اتلزق على العربية بيتكون منه فكرة والناس بتطورها
دعبس كده ومستنى منك موضوع يكون فى شرح وصور للافكار .

[Mohab555]

على بركة الله أ/ مهاب بس انتا اقدم منى فى المنتدى وانا موش بفهم اوى فى التعامل مع المنتديات الموضوع عايز شوية هندلة وتنظيم وممكن حضرتك وكام حد يكون فاهم فى المنتدى او التعامل معاه يرتب المواضيع دى
منتظر ردك

معاااااك يا يافندم ... زبط الخطة وانا معاك ..

[khaledverna]

انشاء الله قريب جدا حكون معاكو

[mostafaelfayed]

بالفعل انا بقيت معاكوا الحمدلله استلمت الكيا ريو .. بس لسه 256 ك قولولي بس و انا معاكوا على تواصل على طول بإذن الله و اي جديد هعرفه هقوله كل اللي عرفته بس ان الفئة ال fo الخليجي زادت من الفيت ل 3 الاف ج عن السعر اللي جبتها بيه وربنا يستر

[Mohab555]

بالفعل انا بقيت معاكوا الحمدلله استلمت الكيا ريو .. بس لسه 256 ك قولولي بس و انا معاكوا على تواصل على طول بإذن الله و اي جديد هعرفه هقوله كل اللي عرفته بس ان الفئة ال fo الخليجي زادت من الفيت ل 3 الاف ج عن السعر اللي جبتها بيه وربنا يستر

يعنى الحمد لله لحقت ايام الرخص .... هههههه و الله الواحد حاسس ان ممكن كمان سنه الريو توصل ل 145 الف و السيراتو تبقه ب 185 الف !!
الف مبرررروك يا كبيرو اهلا بيك فى نادى نمور الريو