إعـــــــلان

Collapse

.

,
See more
See less

ما رأيكم في كيا سول وهي أفضل ولا السيراتو

Collapse
X
 
  • Filter
  • الوقت
  • Show
Clear All
new posts

  • ما رأيكم في كيا سول وهي أفضل ولا السيراتو

    السلام عليكم
    ممكن يا شباب تساعدوني أنا عجباني الكيا سول عندي فالسعودية وعايز أشتريها وخايف منها فياريت يا شباب تساعدوني وتقولولي هي أفضل ولا السيراتو مع العلم انا الي عجبني فيها أننها واسعة من جوه وعالية وهاتشاك لاني بحب الهاتشباك أكتر من السيدان فياريت تقولولي أسعار قطع غيارها أيه في مصر ورأيكم فيها أيه من كل النواحي وأسعار إعادة بيعهاأيه وياريت لو حد معاه كيا سول يقولنا رأيه فيها الكامل
    وشكرا لكم فانتظار ردودكم

  • #2
    اهلا بيك معانا فى قسم كيا وبأذن الله نعرف عليك اكتر
    سؤالك شايفه من بدرى بس اجابته شخصيا بتحيرنى لان الاتنين بركبهم على طول
    كلامى هيمون عن فئة 1600 cc
    العربيتن فئة مختلفة عن التانية السول بموتور مختلف بعفشة مختلفة عن السيراتو
    السول مش هاتش باك هى كروس اوفر والسيراتو سيدان
    السول على الطريق مش ثابتة زى السيراتو على السرعات ..استجابة السول فى السحب
    اعلى للوزن وفرق الهورس باور سول 130 حصان سيراتو 124 حصان ( قبل ما السيراتو الجديدة تنزل )وكمان فى فرق فى الوزن المفارقة ان السول بتاكل بنزين عن السيراتو لفرق الموتور وحساسية دوسة البنزبن سول كهربا ...... العربتين مناسبين لاسرة من حيث الوسع ... قطع الغيار متوفرة وتقريبا الاسعار متقاربة لحد كبير ....سعر اعادة البيع اكيد للسيراتو علشان انتشارها اكبر
    اخيرا شخصيا بستمتع بسواقة السول عن السيراتو من ناحية العفشة والسحب بس ارجع اقول
    السيراتو ركوبة واشيك من السول ودى ازواق فى الاول والاخر
    اى سؤال انا مع حضرتك .
    [SIGPIC][/SIGPIC]

    Comment


    • #3
      انا موضوع السحب العالي وكدة مليش فيه أنا أصلا صعيدي وانت يمكن تعرف طرق الصعيد لو مشيت على 100 تبقى ماشي ولو هنزل بيها القاهرة ان شاء الله سفر وكدة أخري 20 ولا 130 لاني مش بحب السرعات الكبيرة وبعدين موضوع الشكل الخارجي أنا صراحة عجاني أكتر لأنها أولا انا بحب العربية العالية أكتر والهاتشباك أكتر من السيدان وانا عارف اني اعادة بيع السراتو اعلى ب هيكون الفرق كبير قوي ولا يعني معقول وأخيرا السول مش منتشرة عندنا في بلدي سوهاج فهتكون حااجة مميزة عكس السيراتو
      وقولي لو عرضت عليك اختيارات تاني فددماغي ومحددني بيهمموضوع ال1600 سي سي عشان الجمارك زي
      الجراند تيريوس أو التيريوس وزي الفوكس هاتشباك علما بأني أسعارهم هنا هتكون متقاربة يعني الفروقات بينهم فالأسعار ألفين ريال ولا حاجة سوا فوق أو تحت للاربع عربيات فياريت كمان تقولي أسعارهم في مصر بقت كام بعد ارتفاع الدولار وشكرا لك يا ابو ليلى

      Comment


      • #4

        السول كروس أوفر,130حصان,1600,عفشه ناشفه جدا , ثبات مش عالى , سحب قوى
        السيراتو سيدان ,124 حصان,1600,عفشه ناشفه,ثبات عالى لحد ال160,سحب كويس جدا
        السول شكلها رووووووعه انا بعشقه و بحسها مش اى حد يركبها , بمعنى انها عربيه ليها شخصيه :)
        السيراتو مفيش اختلاف على انها عربية جميله و الديزاين بتاعها رائع
        ولك الاختيار

        Comment


        • #5
          هاتلك سول بس جيبها لون مميز

          يعني أاسود او احمر أو أبيض

          Comment


          • #6
            انا ركبت السول ممتازة بس فيها بعض العيوب
            عزلها سىء جدا يعنى تقفل الزجاج وتسمع كل حاجة على الطريق !!
            استهلاك البنزين بتاعها عالى
            ناشفة شوية فى المطبات
            دى العيوب فقط من وجهة نظرى

            Comment


            • #7
              المشاركة الأصلية كتبت بواسطة mohaismail مشاهدة المشاركة
              انا ركبت السول ممتازة بس فيها بعض العيوب
              عزلها سىء جدا يعنى تقفل الزجاج وتسمع كل حاجة على الطريق !!
              استهلاك البنزين بتاعها عالى
              ناشفة شوية فى المطبات
              دى العيوب فقط من وجهة نظرى
              هي العربية الي ركبتها كانت موديل كام يا أخي واستهلاك البنزين يعني وحش قوي نقارنه بأيه كدة يعني

              Comment


              • #8
                اخوي توكل علي الله في السول انا شاريها موديل ٢٠١٢ الفئه التانيه عربيه تمام التمام انا مع الشباب ان العفشه ناشفه بس للبنزين صراحه انا مش حاسس بيه اوي ، مع العلم اني كنت عايش في السعوديه ونزلت للجامعه والاستقرار :) و اهلي كلهم عندكم هناك ولما بينزلو في الصيف طبعا بيبقوا معيا ( خمس افراد - الحج والحجه و ٣ رجاله بدي بيلدنج وحياتك كبسه ومظبي بقي هههه) والعربيه بتمشي بينا حلو والمطبات حلوه و الثبات انا بجيب ١٨٠ علي طريق اسكندريه ومره وانا مسافر بيها علي سيوه مانزلتش رجلي عن البنزين. توكل علي الله انا عملت زي منتا ماعملت وكنت محتار بين الداستر والسول وجربت الاتنين والفرق الاكبر انك بتشتر كياا يعني ضمان وخدمه وقطع غيار واعاده بيع غير الرينو اللي في مصر متعبه شويتين . طولت عليك بس حبيت انقلك تجربتي معاها لاني بعشقها جدااا (لوزه) واي اسئله حاضرين.

                لو حابب تشوفها انا كنت في الخبر شارع الظهران توكيل كيا هناك روح خدلك فكره عنهم واركب وشوف.

                اخوك : اسلام جوهر
                [CENTER][B]Catch Me If You Can[/B] :bye:[/CENTER]

                Comment


                • #9
                  المشاركة الأصلية كتبت بواسطة ابو ليلى مشاهدة المشاركة
                  اهلا بيك معانا فى قسم كيا وبأذن الله نعرف عليك اكتر
                  سؤالك شايفه من بدرى بس اجابته شخصيا بتحيرنى لان الاتنين بركبهم على طول
                  كلامى هيمون عن فئة 1600 cc
                  العربيتن فئة مختلفة عن التانية السول بموتور مختلف بعفشة مختلفة عن السيراتو
                  السول مش هاتش باك هى كروس اوفر والسيراتو سيدان
                  السول على الطريق مش ثابتة زى السيراتو على السرعات ..استجابة السول فى السحب
                  اعلى للوزن وفرق الهورس باور سول 130 حصان سيراتو 124 حصان ( قبل ما السيراتو الجديدة تنزل )وكمان فى فرق فى الوزن المفارقة ان السول بتاكل بنزين عن السيراتو لفرق الموتور وحساسية دوسة البنزبن سول كهربا ...... العربتين مناسبين لاسرة من حيث الوسع ... قطع الغيار متوفرة وتقريبا الاسعار متقاربة لحد كبير ....سعر اعادة البيع اكيد للسيراتو علشان انتشارها اكبر
                  اخيرا شخصيا بستمتع بسواقة السول عن السيراتو من ناحية العفشة والسحب بس ارجع اقول
                  السيراتو ركوبة واشيك من السول ودى ازواق فى الاول والاخر
                  اى سؤال انا مع حضرتك .


                  انا معجب بالسول بس اسمحلى اختلف مع حضرتك فى نقطة واحدة ...( اﻻثنين مناسبين ﻻسرة من حيث الوسع) ..... السول شنطتها صغيرة جدا و انا كنت حاببها بس موضوع الشنطة فى حالة السفر مع اﻻسرة هيبقى مشكلة

                  Comment


                  • #10
                    المشاركة الأصلية كتبت بواسطة tamerosman مشاهدة المشاركة
                    انا معجب بالسول بس اسمحلى اختلف مع حضرتك فى نقطة واحدة ...( اﻻثنين مناسبين ﻻسرة من حيث الوسع) ..... السول شنطتها صغيرة جدا و انا كنت حاببها بس موضوع الشنطة فى حالة السفر مع اﻻسرة هيبقى مشكلة
                    السول ليها شبكة من فوق
                    أنا معايا السول 2011 الفتيس ال 4 غيار عربية جميلة جدا و سحبها كويس و شايف ثباتها كويس بس أنا مش هواه السرعة و لكن جبت بيها مرة 170 فى الوصلة الجديدة بتاعت حازم حسن لكن معظم المشى 100 أو 120 بالكتير

                    مقدرش أحدد إستهلاكها فى البنزين كتير و لا قليل لأنى مركبتش عربيات 1600 تانية بس هى فى وسط البلد و الزحمة أستهلاكها ممكن يوصل ل 11 لتر فى ال 100 كم و فى الطرق السريعة زى الدائرى فى المتوسط 7.5 لتر فى 100 كم لو الطريق ماشى من غير زحمة

                    العيوب بقى: العزل مش عالى الكفائة و العفشة ناشفة جدا خصوصا فى النقر و الحفر
                    المميزات من وجهة نظرى: شكلها مميز جدا و عجبنى و الوسع الداخلى مريح جدا و سحبها جميل جدا فى الكيك داون و الأرتفاع عن الأرض مريح فى الركوب و النزول جدا

                    و ربنا يوفقك فى للى فيه الخير
                    [CENTER]<marquee direction="down" scrolldelay="120" style="font-family: Tahoma; font-size: 20pt; color: black">سبحان الله و بحمده</marquee></p>[/CENTER]

                    Comment


                    • #11
                      شكرا لردودكم يا جماعة بس انا دخلت دماغي الايام الي فاتت دي الفلوانس وشبهاستقريت عليها
                      رأيكم طيب لو قارنت السول بالفلوانس مين يكسب لأني تقريبا استبعدت السيراتو نهائيا من حساباتي

                      Comment


                      • #12
                        المشاركة الأصلية كتبت بواسطة tamerosman مشاهدة المشاركة
                        انا معجب بالسول بس اسمحلى اختلف مع حضرتك فى نقطة واحدة ...( اﻻثنين مناسبين ﻻسرة من حيث الوسع) ..... السول شنطتها صغيرة جدا و انا كنت حاببها بس موضوع الشنطة فى حالة السفر مع اﻻسرة هيبقى مشكلة
                        زى ما قال العضو الفاضل فى عوارض فوق السقف وبتكون فكرة مناسبة للشنط
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة وائل الجندي مشاهدة المشاركة
                          شكرا لردودكم يا جماعة بس انا دخلت دماغي الايام الي فاتت دي الفلوانس وشبهاستقريت عليها
                          رأيكم طيب لو قارنت السول بالفلوانس مين يكسب لأني تقريبا استبعدت السيراتو نهائيا من حساباتي
                          استنى استنى انت بتقول فلوانس.

                          طيب عربية كويسه وكل حاجة ولكن تعالا عدي مطب عالي بيها صدقني هتتعلق فيها

                          العربية واطية جداً جداً جداً اوطي من الريو بتاعتي دا انا كنت بضرب بالريو المثل لقيت الفلوانس بالنسبة للعربية عندي ولا حاجة

                          لو هتنزل مصر بالفلوانس وتمشي بيها في شوارعنا الجميلة ياريت لا انا منصحكش بيها

                          لكن هي عربية ممتازه طبعاً وشكلها حل وكل شئ بس انا قولت لك اهم واكبر عيب فيها وده اللي مخليها مش منتشره في مصر بحجم العربيات الكبيره زي السيراتو وغيرها

                          والاخوه مقصروش في حاجة معاك بارك الله فيهم جميعاً يعني

                          Comment

                          Working...
                          X