الاسعار ولعت بره التوكيل برضه ...

[Deshahcoka]

رجالة مفيش بضاعة في اي حاجة و لو في الحوار كالاتي

نزلت اجيب شوية بلاستيكات كفرات و فانوس اشارة مراية و الكفر التحتاني بس مش حوار يعني اخرهم 100 جنيه و زمان كانوا ملقحين مش لاقين الي يشتريهم !

نزلت صلاح الدين الف و عند بتاع الكيا الكبير اقله يا عم الحج عاوز كذا كذا كذا

قالي موجود بس اصلي قلت و ماله دول بلاستكات مع اني كنت عاوز مضروب

انا قلت الفانوس اخره 50 جنيه زي زمان و الكفر برضه 50 ...

الفي الفانوس بقدرت قادر بقى ب 220

و الكفارت وصلت 180

ده حتى فلتر الهواء الكوري بقى ب 80 او حاجة

و الاصلي عدى الميه ...

اقله ليه يا عم الحج كدة ده انتا حبيبي و دايما معاك على الخط يعني ..

قالي ولله مش بأيدي انا معنديش بضاعة في المخازن و المحلات بس انا عندي بضاعة عند المستخلص في ( الحوت الكبير ) و كنت بجمع الفلوس و اخد جزء من البضاعة و فاضلي جزء تاني مفرروض اجمع فلوسه ... الراجل قام مغلي الفلوس الي هوا عاوزها بنسبة 20 % عشان الدولار مع انوا مجبش حاجة جديدة ...

و ديه بتيجي على دماغ الزباين و انا مقدرش ابيع الحاجة بسعرين الناس حتشك فيا

ايان كان هوا بيحور او نصاب ...

الناس كلها غلت البضاعة 20 % !

يا راجل الاكصدام استعمال وصل 800 جنيه ! بعد ما كان ب 300 ملقح نفس لون العربة

[Noda123]

انا عندى فى الكارينز السيور الى على السقف واحد منهم البلاستكه بتاعتها ضاعت او اتسرقت مش عارف روحت عشان اجيبها بيقولى 400 جنيه حتة بلاستكه ب 400 جنيه وملهاش لازمه اصلا فى العربيه ازاى مش عارف

[mohammedabdallh]

ولسسه
الى جاى اغلى مش احلى

[kliken]

استغلال و جشع ربنا يسامحهم

[Deshahcoka]

و ده الحجات الاساسية ولعت ! يعني الحجات الي توقف العربية .. تيال و مساعدين و طنابير وووووو و الزيوت و غيره

[Land_Cruiser]

يعنى العربيات الواحد بيحاول يقنع نفسه ان الدولار السبب علشان معندهمش مخزون و الكلام إياه اللى بيقولوه علشان يثبتوا بيه الناس و لو انه مهما زاد مش هيزود سعر عربيه ٢٥ الف جنيه انما بقى الاكسسوارات دى موجوده عندهم و هما بيستوردوها بزياده على طول علشان الطلب عليها كتير و بالتالى فهما دلوقتى و لا هيستوردوها و لا حاجه و لا ليهم دعوه بسعر الدولار النهارده بس اهو اى استغلال فى الزحمه و خلاص و تلاقيهم بيقولوا طالما سعر العربيات زاد يبقى احنا كمان لازم نزود السعر ما هو شىء لزوم الشىء

[sonybony]

التجار شويه كلاب مسعوره للاسف

[egyptiandiver]

في واحد صاحبي مستورد مقدم على طلب لشراء الدولار في البنك و عميل بقاله 11 سنة و حسابه دولاري و تجاري بتاع شركة إستيراد... و البنك بيقوله مفيش دولارات... جيب من برة من الصرافة أو من أي حتة! هو طالب أي كمية دولارات و على 7 جنيه كمان! علشان الراجل مش لاقي... متهيألكم فرق الاسعار دة مين بظبط إلي هيلبس فيه بالتحديد؟! هو فتح الشركة يكسب من وراها و لا يمول فرق السوق الرسمي مع السوق الهباب السودة عشان خاطر المواطن المصري و يلبس هو في الضرايب و الجمارك و الكهربا و العمالة و التأمينات و و...؟! يا ريت حد يكون منصف و يدي واحد ذي المستورد دة حل منطقي كويس. هو لو ربنا سهله و جاب الدولار ب-7 دلوقتي على الشحنة الجاية هيجيبه بكام؟

[rompo10]

ولو الدولار نزل الاسعار هاتفضل زي ماهي طبعا

[Ultramisho]

ولو الدولار نزل الاسعار هاتفضل زي ماهي طبعا

كلامك صح طبعا
بس احب اطمنك الدولار مش هينزل
لجنة البنك الدولي بتاعة القرض الوهمي قالت لما جت ان مازال سعر الجنيه لا يعبر عن واقعه

يعني الدولار لسه هيزيد ويمكن كمان يطير

استر يارب

[hugan]

يعني هي جت علي شويهالاكسسوارات
كل حاجه ولعت
من 15ال 20 %
زياده في كل الاسعار سواء ليها علاقه بالدولار او مالهاش
احلي حاجه اننا شعب عنده استعداد للمتاجره بقوت اخواته ولقمه عيشهم
في سبيل الربح
واللي مش عاجبه مايشتريش

[hossam_elwani]

يعنى العربيات الواحد بيحاول يقنع نفسه ان الدولار السبب علشان معندهمش مخزون و الكلام إياه اللى بيقولوه علشان يثبتوا بيه الناس و لو انه مهما زاد مش هيزود سعر عربيه ٢٥ الف جنيه انما بقى الاكسسوارات دى موجوده عندهم و هما بيستوردوها بزياده على طول علشان الطلب عليها كتير و بالتالى فهما دلوقتى و لا هيستوردوها و لا حاجه و لا ليهم دعوه بسعر الدولار النهارده بس اهو اى استغلال فى الزحمه و خلاص و تلاقيهم بيقولوا طالما سعر العربيات زاد يبقى احنا كمان لازم نزود السعر ما هو شىء لزوم الشىء

القصه كلها فى فرق السعر الى حياكل راس المال مقارنه بقيمة بضاعة اول المده

[kero25]

ولسةةةةةةةةةة

[eslamrace]

انا لسه شارى انهارده ماستر فرامل كيا برايد ومتفائل قولت مش هيعدى 150-170 جنيه بعد مالحج جابه من صلاح الدين وبسأل على الحساب قالى 350 جنيه ماستر و15 جنيه زيت فرامل كان حيغمن عليا بصراحه ان اللى معاه عربيه دلوقتى اكنه متجوز وعنده 3 عيال وفجأه اكتشف ان عنده عيل رابع كان ناسيه وفجاه ظهر وعايز حقوقه زى بقيه اخواته ههههههههههههههه
منه لله اللى كان السبب