حاجة في الموتور

[mindvision]

السلام عليكم ورحمة الله وبركاته...
كنت حابب استفسر منكم عن مشكلة بتواجهني مش عارف لها حل يمكن تكون قابلت حد منكم...
انا معايا سيراتو 2012 خليجي وطريقتي في السواقة اني لما بقف بالعربية في اي اشارة طويلة بنقل علي الـn عشان اريح العربية...
في الفترة الاخيرة بقي بيحصل معايا انا لما انقل علي الـn بلاقي العربية بتفصل وتنط وبدل مايكون مكتوب علي الشاشة قدامي n مبيتكتبش حاجة خالص !!!! ولما ارجع علي الd او اي نقلة تانية بتروح العربية فاصلة وتنط تاني...!!!!
وساعتها لازم ابطل العربية وادورها من الاول تاني عشان ترجع تشتغل.
انا مش عارف ليه المشكلة دي بتحصل وحلها ايه؟؟ فهل حد يعرف حاجة ؟

[AhmedNaeem]

وعليكم السلام ورحمه الله وبركاته
انا بصراحة مش عرف بس ممكن تراجع مستوي زيت الفتيس ممكن يكون ناقص
وان شاء الله خير

[SAMEH_FOUAD]

اعادة برمجة للسوفت وير

[akmm]

اعادة برمجة للسوفت وير

متهيالى هو ده السبب الأقرب للمنطق ... خاصه ان العربيه موديل 2012 يعنى لسه مالحقتش ... وخير ان شاء الله .

[mindvision]

طيب وهل يستلزم ذلك اعادة البرمجة حالا ؟ ولا ممكن استني للصيانة القادمة واعملها مع اعمال الصيانة ؟؟ خاصة اني فاضل لي 3000كم علي الصيانة يعني بتاع 3 شهور

[temo85]

يفضل تروح ابو رواش في اقرب وقت , هى وكيل ولا خليجى ؟؟

[mindvision]

لا هي خليجي... فهل حد عارف كده هتتكلف كام اعادة البرمجة دي لو هعملها لوحدها من غير الصيانة؟؟

[ابو ليلى]

زى ما قال سامح المشكلة فى الكنترول يونت ( كمبيوتر العربية )
ساعات ممكن يهيس شوية وبيرجع يزبط تانى لوحده لما تقفل وتدور تانى
ولكن مشكلنك متكررة وده معناه فى اقرب وقت لاازم تكشف على العربية من خلال جهاز
كشف الاعطال ولو فى ايرور معين هيظهر
فى حل بس نسبة نجاحه اقل انك تشيل كابل البطارية السالب لمدة ربع ساعة وتوصله تانى
وده معناه ان لو كان فى ايرور متسجل هيروح من ذاكرة الجهاز ولكن لو رجع تانى
يبقى فى مشكلة فى العربية والاغلب فى الضفيرة .
الاحسن مركز يكون متخصص ومش شرط الوكيل نفسه فى مراكز كتير
حاليا معتمدة من الوكيل وبأذن الله المشكلة بسيطة

[SAMEH_FOUAD]

زى ما قال سامح المشكلة فى الكنترول يونت ( كمبيوتر العربية )
ساعات ممكن يهيس شوية وبيرجع يزبط تانى لوحده لما تقفل وتدور تانى
ولكن مشكلنك متكررة وده معناه فى اقرب وقت لاازم تكشف على العربية من خلال جهاز
كشف الاعطال ولو فى ايرور معين هيظهر
فى حل بس نسبة نجاحه اقل انك تشيل كابل البطارية السالب لمدة ربع ساعة وتوصله تانى
وده معناه ان لو كان فى ايرور متسجل هيروح من ذاكرة الجهاز ولكن لو رجع تانى
يبقى فى مشكلة فى العربية والاغلب فى الضفيرة .
الاحسن مركز يكون متخصص ومش شرط الوكيل نفسه فى مراكز كتير
حاليا معتمدة من الوكيل وبأذن الله المشكلة بسيطة

تمام كدة ياباشا

ولو عملت الحركة دية , المفروض انك بتعمل restart لل ecu بتاع كنترول الفتيس والعربية كمان , وبعد ماتركب البطارية تانى , ان شاء الله العيب يروح , بس بعد كدة على طريقة دوستك هتلاقى الفتيس اتبرمج على اسلوب القيادة من جديد

[mindvision]

شكرا للمتابعة من الجميع... بس حابب اسال هل سيتم فصل الكاسيت لما اعمل حركة البطارية دي؟ لان الكاسيت اللي جاي مع العربية اللي هو الشاشة التاتش والباسوورد بتاعه مش معايا... فهل عن فصل البطارية الكاسيت هايطلب باسوورد؟؟

[SAMEH_FOUAD]

شكرا للمتابعة من الجميع... بس حابب اسال هل سيتم فصل الكاسيت لما اعمل حركة البطارية دي؟ لان الكاسيت اللي جاي مع العربية اللي هو الشاشة التاتش والباسوورد بتاعه مش معايا... فهل عن فصل البطارية الكاسيت هايطلب باسوورد؟؟

طبعا هيفصل هو والساعة والdvd هيطلب الباسورد , ولازم تعرفة لانة مهم جدااااااااا , وكمان هتلاقى ال setting بتاعتة اتغيرت ورجعت لظبط المصنع , حاول تعرفة ياباشا