اللى فاهم فى حوارات الجنوط والاوفست بتاعة السيراتو ومعاه 17 يقول كلمته

[mhf_77]

معايا سيراتو 2013 جايه بجنوط حديد طاسات 15
روحت اجنط (سبور) عند واحد بيبيع المستعمل الاوريجينال
لقيت عنده ال 15 الاوريجينال وال 16 الاوريجينال
انا عارف قبل كده من مسؤل كيا ( من سايت للرد على التساؤلات) ان الاوفسيت للسيراتو 50
بصيت على الجنط ال 15 الاسبور لقيته 41
بصيت على الجنط ال16 الاسبور لقيته 49
بصيت على جنط الحديد (الاستبن ) 15 بتاعى مفيش ولا رقم عليه ولا اى معلومه
كل ده مش مهم انا السؤال عندى
ازاى كيا تنزل فى جنوطها الاوريجينال اوفسيت مختلف باختلاف المقاس من 15 ل 16 والله اعلم ال 17 كام
فلو حد عنده جنط 17 ياريت يفيدنا بالاوفسيت بتاعه عشان الصوره تبقى كامله يمكن نلاقى ليها تفسير
ملحوظه للتوضيح بالنسبة للمستجدين
الاوفسيت للى مش واخد باله هتلاقيه يا اما مكتوب ( ET او مكتوب باختصار (Offset
وال Offset ده هو المسؤل عن بعد او قرب الجنط عن محور منتصف ارتكازه
او (بالبلدى ) مسؤل عن توسيع او تضيق المسافه بين العجلات ( بعرض العربيه) او بعد او اقتراب العجلات عن جسم العربيه ( تحت الرفرف) وده بدوره بيأثر على زيادة الثبات او قلته

[Kareem.ElAraby]

متابع

[Formulator]

شوف
هو عادى ان العربية تنزل بكذا جنط OEM كل واحد بـOffset مختلف!
(فـ الجولف والبرافو الـ16" والـ17" نفس الـET لأنهم نفس العرض 7.0J.. لكن الـ18" ليه Offset غير لأن عرضه 7.5/8.0J)!!

أنا معرفش السيراتو بمقاساتها المختلفة كام؟؟!!!
بس فاكر من جنط واحد صاحبى معاه كوب.. الجنط الـ17" كان 50+ ET

بالنسبة للجنط المناسب وأرقام الـoffset.. فيه قاعدة معروفة فـ الحته دى:
(والسيراتو مش إختلاف -وتقدر تراجع منتديات الـkia/forte forum)!

it's all about عرض الجنط J

يعنى
الثوابت هى جنط 17" الـPCD بتاعه أبعاد 5x114.3 جنط 5-صواميل مقاسات يابانى/كورى.. Ok

عرض الجنط والـOffset بقى -هنا الإختلاف:

- لو 17x6.5 يبقى الـ50+ ET
- لو 17x7 يبقى الـ45+ ET
- لو 17x7.5 يبقى الـ42+ ET

والجنوط الـ18" بتـOut-Fit لحد 40 و 35 كمان!!

وهكذا، عشان يحافظ على الـfront/rear Track الـAxle بتاع العربية.. لأن فعلا أى تغيير مش محسوب فيها بيأثر عـ الثبات وتوزيع الأحمال وعمر العفشة-الكاوتش؟!!

رأيى: تحسبها وتشوف المناسب لعربيتك، ولو فيه فرق هتعوضه بـSpacer طبعا (رينجات-فلانشة)؟!!

Rgds،

[mhf_77]

شوف
هو عادى ان العربية تنزل بكذا جنط OEM كل واحد بـOffset مختلف!
(فـ الجولف والبرافو الـ16" والـ17" نفس الـET لأنهم نفس العرض 7.0J.. لكن الـ18" ليه Offset غير لأن عرضه 7.5/8.0J)!!

أنا معرفش السيراتو بمقاساتها المختلفة كام؟؟!!!
بس فاكر من جنط واحد صاحبى معاه كوب.. الجنط الـ17" كان 50+ ET

بالنسبة للجنط المناسب وأرقام الـoffset.. فيه قاعدة معروفة فـ الحته دى:
(والسيراتو مش إختلاف -وتقدر تراجع منتديات الـkia/forte forum)!

it's all about عرض الجنط J

يعنى
الثوابت هى جنط 17" الـPCD بتاعه أبعاد 5x114.3 جنط 5-صواميل مقاسات يابانى/كورى.. Ok

عرض الجنط والـOffset بقى -هنا الإختلاف:

- لو 17x6.5 يبقى الـ50+ ET
- لو 17x7 يبقى الـ45+ ET
- لو 17x7.5 يبقى الـ42+ ET

والجنوط الـ18" بتـOut-Fit لحد 40 و 35 كمان!!

وهكذا، عشان يحافظ على الـfront/rear Track الـAxle بتاع العربية.. لأن فعلا أى تغيير مش محسوب فيها بيأثر عـ الثبات وتوزيع الأحمال وعمر العفشة-الكاوتش؟!!

رأيى: تحسبها وتشوف المناسب لعربيتك، ولو فيه فرق هتعوضه بـSpacer طبعا (رينجات-فلانشة)؟!!

Rgds،

اولا شكرا لشرحك الوافى وسرعة ردك واهتمامك
كده يبقى اكيد ال 17 رقمه مختلف (اكيد فوق ال 50 ) لأن عروض الجنوط للسيراتو فى المقاسات التلاته مختلفه عن بعض لان مفيش مقاس منهم نفس عرض التانى
ال 17 اعرض من ال 16 وال 16 اعرض من ال 15
اما بالنسبه للرنجات او الفلنشات فانا مبفضلهاش وعشان كده لما نزلت ادور على جنوط دورت على الاوريجينال
وكنت ممكن اجيب اى جنط شكله احسن واغلى بس كنت هعدل برنجات لو ال center bor مختلف
او بفلنشات لو ال Offset مختلف وانا مبحبش العب فى ارقام العجل لان اى اختلاف فيه هيرد على رعشه او حدفه فى الدركسيون دا غير عنصر الامان

[moha4tec]

جنط السيراتو 2010 ال 17
7 انش عرض
ابعاد 114.3*5
50 off set
et 50
يقبل مقاسات كوتش .215/45/17 و 215/50/17
225/45/17
بدون اى مشاكل باذن الله و مبيحكش .
و الله اعلم

[Kareem.ElAraby]

طب لو الجنط الاصلي et=43
, و اللي هيركب et=35

ايه العمل !

[dr_k]

جنط السيراتو 2010 ال 17
7 انش عرض
ابعاد 114.3*5
50 off set
et 50
يقبل مقاسات كوتش .215/45/17 و 215/50/17
225/45/17
بدون اى مشاكل باذن الله و مبيحكش .
و الله اعلم

انا كنت مغير مقاس الكاوتش الخلفي ل 235/45/17 وما كانش بيحك وبصراحة كام مخلي العفشة تحفة وما حسيتش بقيمته قوي غير لما رجعت المقاس الاصلي ليها حسيت اني راكب عربية كارو حديد

[احمد المصرى]

انا بقا ريحت دماغى خالص وغيرت للجنط 16 علشان ارتاح مش مشاكل ال 17 خالص

[mhf_77]

انا كنت مغير مقاس الكاوتش الخلفي ل 235/45/17 وما كانش بيحك وبصراحة كام مخلي العفشة تحفة وما حسيتش بقيمته قوي غير لما رجعت المقاس الاصلي ليها حسيت اني راكب عربية كارو حديد

235
حسبى الله ونعم الوكيل
دا البى ام مبتنزلش بالمقاس ده اخرها 225
انت كنت مركبه رهان واكسبته ولا ايه
دا على كده حوض الكرتيره حوض بانيو هههههههههه
لا ياعم انا عكسك .. بشوف اللى صنعها على ايده بيقول ايه وهو ادرى بتربيتها هههه

[Formulator]

طب لو الجنط الاصلي et=43
, و اللي هيركب et=35
ايه العمل !

كده العجل هيطلع لبرا 8 ملليمتر؟!!
لو العربية واطية أو الرفارف يادوب، هيحك فـ الكارتيرة؟!!

لو بتتكلم فـ 2-5 مللى؛ أحيانا بيخرطوها من الـhub أو الجنط نفسه.. عشان يعوض الـET
(طبعا ده عك ومش recommended أصلا)؟؟!!!

فـ مابالك بـ8 مم كتييييييييييييييير أوى ياكريم!

انت عارف لو العكس: spacer كان بيحل المشكلة!!
لكن كده -حتى لو مش هتحك- بردو هتحمل جااااااااامد على بلى العجل؛ وهتغير فـ الهاندلينج والـgeometry بتاع العفشة والثبات بتاع العربية؟!!

انا كنت مغير مقاس الكاوتش الخلفي ل 235/45/17 وما كانش بيحك وبصراحة كام مخلي العفشة تحفة وما حسيتش بقيمته قوي غير لما رجعت المقاس الاصلي ليها حسيت اني راكب عربية كارو حديد

What for؟؟!!!

عربية FWD أصلا بيبقى الـfront-track أكبر من الـrear-track بكام مللى؟!!
أيـــــــه اللى يخلى حد On-Earth يعرض كاوتش خلفى لعربية جر-أمامى؟!!

btw: إحساس الإتزان والثبات -فـ الحركة دى- بيبقى initial أو لحد سرعة و mavoeuvre معينة (بـlimit)؛ بعدها الدنيا بتتغير تماما -للأسوأ طبعا؟؟!!!

دا غير التأثير فـ الـlong-run عـ العفشة الخلفية (ماتنساش انها دنجل كمان)!

[Kareem.ElAraby]

فورميو
الرفارف عاليه و هي نازله المفروض 16
احنا اتنين كنا هنجنط (النترا hd )
بس هو هيسبق نتيجه عدم وجود كاش معايا و هو سوسه كان بيحوش
فقولت أسأل هنا طب كده شكلها هترسي نشوف جنط تاني
بس ليه تحميل علي بلي العجل !
و الهاندلينج
واحده واحده بقي عليا
و انا عارف المعلومات بتجيلك brain storming بس انا علي قدي فعشان أقدر أستوعب

[dr_k]

والله يا جماعة العربية كانت تحفة وقعدت معايا سنتين بالوضع ده وكان ثباتها حكاية وانا اصلا غبي في السرعة والغرز اللى على سرعة وندمت اني رجعت مقاسها الاصلي

[mhf_77]

والله يا جماعة العربية كانت تحفة وقعدت معايا سنتين بالوضع ده وكان ثباتها حكاية وانا اصلا غبي في السرعة والغرز اللى على سرعة وندمت اني رجعت مقاسها الاصلي

بس ال 235/50/17 هيعلى العربيه ورا
وهيفرقو فى القطر 42 مم زياده من مقاسها الاصلى 215/45/17
انت بتتكلم فى 4.2 سم
كتير اوى اكيد هيعومو فى الفرامل
دا غير هيستهلكو فى البنزين بغشم

[dr_k]

بس ال 235/50/17 هيعلى العربيه ورا
وهيفرقو فى القطر 42 مم زياده من مقاسها الاصلى 215/45/17
انت بتتكلم فى 4.2 سم
كتير اوى اكيد هيعومو فى الفرامل
دا غير هيستهلكو فى البنزين بغشم

المقاس 235/45/17 يعني العرض يزيد 2 سم والارتفاع يزيد 1 سم والارتفاع بيتعوض فى العرضوبعدين العربية عندي العفشة هبطت شوية فما فرقش الارتفاع
وبعدين العربية كان ثباتها تحفة وانا اصلا باخد الملفات والغرز على سرعة عالية

[Mohab555]

شوف
هو عادى ان العربية تنزل بكذا جنط OEM كل واحد بـOffset مختلف!
(فـ الجولف والبرافو الـ16" والـ17" نفس الـET لأنهم نفس العرض 7.0J.. لكن الـ18" ليه Offset غير لأن عرضه 7.5/8.0J)!!

أنا معرفش السيراتو بمقاساتها المختلفة كام؟؟!!!
بس فاكر من جنط واحد صاحبى معاه كوب.. الجنط الـ17" كان 50+ ET

بالنسبة للجنط المناسب وأرقام الـoffset.. فيه قاعدة معروفة فـ الحته دى:
(والسيراتو مش إختلاف -وتقدر تراجع منتديات الـkia/forte forum)!

it's all about عرض الجنط J

يعنى
الثوابت هى جنط 17" الـPCD بتاعه أبعاد 5x114.3 جنط 5-صواميل مقاسات يابانى/كورى.. Ok

عرض الجنط والـOffset بقى -هنا الإختلاف:

- لو 17x6.5 يبقى الـ50+ ET
- لو 17x7 يبقى الـ45+ ET
- لو 17x7.5 يبقى الـ42+ ET

والجنوط الـ18" بتـOut-Fit لحد 40 و 35 كمان!!

وهكذا، عشان يحافظ على الـfront/rear Track الـAxle بتاع العربية.. لأن فعلا أى تغيير مش محسوب فيها بيأثر عـ الثبات وتوزيع الأحمال وعمر العفشة-الكاوتش؟!!

رأيى: تحسبها وتشوف المناسب لعربيتك، ولو فيه فرق هتعوضه بـSpacer طبعا (رينجات-فلانشة)؟!!

Rgds،

بررررررررررررررررررنس
طب والله لو سألت مدير صيانة كيا موتورز مصر ما هيعرف يقول ربع الى اتقال ده ...