راى اهل الخبره مم ساعه ماغيرت البوجيهات معدل استهلاك البنزين زاد

[TAMERMEGAHED]

السلام عليكم

كنت عايز اعرف ايه المشكله عندى سيراتو كوبيه و انا غيرت البوجيهات فى التوكيل الاسبوع الى فات ومن ساعتها معدل استهلاك البنزين بقى يوصل ل 18 لتر لكل كيلو على كمبيوتر العربيه مع انى الاول كان جوه البلد ماكس يوصل ل 12 مع ان البوجيهات كان ضايعه واناماشى 17000 بس وبرضه ماعرفتش ليه البوجيهات حصلها كده مع ان لسه ماكملتش والمفروض بتتغير عند 20 او 40000 بس قالولى وصلها رطوبه يعنى غسلت السياره بالمياه ووصلت للبوجيه فحصلها كده لانها كانت شكلها كانها مصدى عند الجزء السيراميك الى فى البوجيه حد يقدر يفيدنى برايه

[toty_305]

-ده استهلاك غير عادي لأي عربيه 1600 داخل و خارج المجره كلها
-عايز تعرف الحقيقه روح مشوار بليل في طرق فاضي و بسرعه ثابته و هاديه مش 180 يعني 100-120 كويس لو المعدل نزل ل 7 أو 6 ليتر يبقى العيب في الزحمه و الرجل التقيله على البنزين

[TAMERMEGAHED]

-ده استهلاك غير عادي لأي عربيه 1600 داخل و خارج المجره كلها
-عايز تعرف الحقيقه روح مشوار بليل في طرق فاضي و بسرعه ثابته و هاديه مش 180 يعني 100-120 كويس لو المعدل نزل ل 7 أو 6 ليتر يبقى العيب في الزحمه و الرجل التقيله على البنزين

شكرا لاهتمامك وفعلا انا قبل ماغير البوجيهات كان بينزل الاستهلاك ل6 لما بمشى على 80-100 انما ماجربتش بعد ماغيرت البوجيهات امشى كده

[fepsceasar]

هو يقصد ان مافيش حاجة اسمها 18 لتر لكل كيلو
لكن ممكن 18 كيلو لكل لتر وكده يبقى قل الاستهلاك
ولا تقصد لكل 100 كيلو

[toty_305]

هو قصدك 18L\100km ولا معدل الاستهلاك اللحظي 1L\18km

[temo85]

حتى لو غسلت الحوض بالميه مستحيل توصل للبوجيهات مستحيل
و موضوع الصدا اللى عند الجزء السيراميكي هو ده الطبيعي اصلا و سن البوجيه بيكون نفس اللون و ده معناه حريق كويس جدا
واضح ان البوجيهات اللى انت ركبتها مش تمام او مخزونه و فى الحاله دى هى اللى ممكن ترطب
الحل:
1-تغير البوجيهات تانى
2-نضف بوابه الهوا
3-حط منظف دوره البنزين stp على تفويله كامله بس قبل ما تغير البوجيهات و فضى التفويله كلها و فول تانى

[TAMERMEGAHED]

هو قصدك 18l\100km ولا معدل الاستهلاك اللحظي 1l\18km

هو فعلا 18 لتر لكل 100 كيلو

[TAMERMEGAHED]

حتى لو غسلت الحوض بالميه مستحيل توصل للبوجيهات مستحيل
و موضوع الصدا اللى عند الجزء السيراميكي هو ده الطبيعي اصلا و سن البوجيه بيكون نفس اللون و ده معناه حريق كويس جدا
واضح ان البوجيهات اللى انت ركبتها مش تمام او مخزونه و فى الحاله دى هى اللى ممكن ترطب
الحل:
1-تغير البوجيهات تانى
2-نضف بوابه الهوا
3-حط منظف دوره البنزين stp على تفويله كامله بس قبل ما تغير البوجيهات و فضى التفويله كلها و فول تانى

ياباشا انا اول مره اعرف ان لون الصدا الى عند السيراميك ده طبيعى بس انا كان عندى السن فعلا محروق جدا وكان سب ان افك البوجيهات واغيرها ان العربيه كانت بتقطع منى بنزين وانا ماشى حتى لو دوست على الدواسه للاخر فرحت التوكيل لان السياره لسه فى الضمان ففك البوجيهات وغيرها مع ان الى كان راكب فيها ده الى العربيه جايه بيه وقالى السبب ده فى التوكيل موضوع الرطوبه
بس هجرب احط منظف دوره البنزين لان كده كده عند صيانه 20 هيغيروا البوجيهات تانى مع الصيانه الشامله

وشكرا لاهتمامكم