اسعار ومواصفات السيراتو الشكل الجديد 2013 + جهل بالمواصفات المصرية كالعادة

[2CODE]

بسم الله الرحمن الرحيم

يعني يا جماعة دايماً احب ابدأ اي مقال او اي موضوع اعمله بحاجة كويسة

ولكن النهاردة كنت في التوكيل عند صاحبي هناك بقعد معاه دايماً وقلت له ايه الاخبار للسيراتو الجديدة قال لي هتيجي عندنا التوكيل بعد اسبوعين قلت له وايه الاسعار شوفوا كده :

LX MT 132.000
LX AT 142.000
EX AT 149.000
EX FO AT 159.000
SX AT 165.000
SX SRF (S.KEY) 174.000
HI LINE 186.000

بسم الله ما شاء الله السيراتو كسرت حاجز الـ180 الف جنية يارجاله

الغريب ايها الاخوه الكرام ان الهاي لاين مفيهاش الا ABS بس في وسائل امان الفرامل
طيب يا اخي انا مش طالب منك كتير لكن ركب معاه EBD ده من باقة استكمال الـABS بيركب معاه EBD ومابالك في عربية بـ186 الف جنية

تتخيلوا 186 الف جنية علشان تاخد فرامل مزودة بـABS بس ده في شرع مين ؟

اترك الكلام ليكم انا بصراحة في قمة الانزعاج بعد ما شوفت المواصفات لانها سيئة وسعر مبالغ فيه على الهاي لاين انا عن نفسي وسائل الامان والفرامل رقم 1 في العربيات

[eslamrace]

بصراحه اظن اسعار العربيات بقت حاجه مستفزه دى بتزيد اسرع من العقارات يعنى الواحد لو تاجر ومخزن شويع عربيات والاسعار بقت بالشكل ده اظن يبقى دلع
بصراحه الحاج عايز يبيع عربيته ويجيب زيرو اقنعته يبيع ويجيب موديل حديث احسن
لنا الله

[youssef_u]

انا اطالب الاداره بالسماح لكل عضو ب٣ الفاظ ابيحه في كل موضوع :d ( محمود سعد ستايل )

[alaamousa]

ولسة يا كبير ده غير انك تلاقي المواصفات الخليجي اقوى من كده بكتيير ولا اكننا مش عارف اقول ايه بس

[mero100]

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

[AlGazar2]

عربيه سعرها مبالغ فيه جدا و دخلت فى فئه مش بتاعتها

[dr.hazem]

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

الفكره مش بس في رفع السعر... انما الاستفزاز في ضعف المواصفات قدام السعر المدفوع....

Sent from my SE Arc S using Forum Runner

[zomzom11]

الغريبه اننا هانفاجأ بانتشارها فى الشارع واحنا الوحيدين الى بنهتم بالشكل والرفاهيه والكماليات على حساب الاساسيات

[haissam24h]

186
اومال هوندا هتبقى بكام

والتويوتا هتبقى بكام

والالمانى هيبقى بكام

الله يمسيكى بالخير يا فيات هى 31 و32 و18 و27 مكنش حد فى مصر يعرف غيرهم ههههههههههههههه وابى اس وابى دى وفلاشات ولا الدموع ههه هشكلها هى ديه مشروع النهضه

[Mostafa Hessen]

ده شئ مستفذ جدا

[S O P H O S]

مشكوررر علي الاسعار ..

[Kareem Fawzy]

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

[2CODE]

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

لعلمك الاسعار مش هترجع تاني اللي بيروح مش بيرجع ومابالك بالفلوس اللي بيعلي لايمكن ينزل

انا اطالب الاداره بالسماح لكل عضو ب٣ الفاظ ابيحه في كل موضوع :d ( محمود سعد ستايل )

معلش اكتبهم في ورقة وابعتهم بريد ههههههههههههه

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

كلام صحيح والله لكن تعالا هات ننوس عين بابا يطلب حاجة هل بابا مش هيجيبهاله ؟ في فئة جاهله في مصر ومعاها فلوس الفئة دي عايزه ثورة بجد القضاء على الاقطاعيين مره تانية زي زمان

انا اهو واحد منكم ولو كنت هفكر اشتري السيراتو مكنتش هشتريها نهائي بالاسعار دي واكيد غيري كتير كده

الفكره مش بس في رفع السعر... انما الاستفزاز في ضعف المواصفات قدام السعر المدفوع....

Sent from my se arc s using forum runner

كلام من الاخر

[Mohab555]

اعلى فئه abs و من غير ebd زى الشكل القديم حتى !!!! و العربية اغلى من القديمة 60 الف جنية !!! ليه هو الناس كفره
حسبى الله و نعم الوكيل
والى عرفته كمان من مصدر موثوق ان العربيات الى كانت فى المعرض مش نفس المواصفات الى هتنزل عندنا فى مصر
هما كانوا جايبين عربيتين اعلى فئه زى الى بتنزل فى كوريا علشان تبهر الناس فى المعرض ...

[M I D O]

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

موافق 100/100 وانا عملت كدة فعلا وقلت مش جايب عربية غير لما الاسعار تتعدل