كيا سيراتو 2013

[marwa.youssef]

السلام عليكم

انا اشتريت سياره كيا سيراتو 2013 المفروض انها خليجى بس مش عارفه اتأكد منين
جريت المواقع كلها اللى ممكن تعرفنى معلومات عنها من رقم الشاسيه بس مافيش افاده
قالولى انها اتقفلت فى مصر علشان الخليجى بيبقى فى علامه على عند الباب بتقول كده

لو حد يقدر يساعدنى فة الموضوع ده يبقى ليه جزيل الشكر لحسن انا دماخى هاتنفجر من الموضوع ده
انا ممكن اولع فى المعرض اللى باعلى العربيه لو هى مش خليجى

شكرا

[AhmedNaeem]

اولا 1000 مبروك
ثانيا هو فعلا بيكون في تكت علي قايم باب السواق مكتوب عليه جهة البلد والمنشأ وتقريبا vin
وغير كده انت مش معاك الافراج الجمركي بتعها ؟؟

[marwa.youssef]

الله يبارك فيك
انا ما شفتش الورق بتاع الأفراج الجمركى كان مع المندوب بتاع المعرض
هما بعتوا معايا مندوب علشان يخلصاى الترخيص و كمان انا مالقتش على الباب غيى رقم الشاسيه
مش عارفه اتأكد منين ؟؟

[Hosam_Optrawy]

فى كل الاحوال مفيش حاجه اسمها اتقفلت فى مصر

عموما ادخلى الموقع دا

www.kia-hotline.com

هاتعملى أكونت عليه وبعد كدا هاتحطى رقم ال VIN فى الخانة بتاعته وتعلمى على المربع VIN (Vehicle Identification Number)

وبعد كدا تدوسى Search هايطلعلك بيانات العربية من ضمنها ال Country هايبقى مكتوب جنبها حروف وارقام مش اسم البلد

قوليلنا كود البلد ايه وان شاء الله اعرفلك

[mohammedabdallh]

الى اعرفه التكت
ثم الاوبشن الى العربيه بتنزل بيه وبيبقى فيه اختلاف
بين المصرى والخليجى
والله اعلى واعلم

[marwa.youssef]

انا مش عارفه اعمل اكونت على
Global Service Way : Technical Contents Provider
فى اى موقع تانى ؟؟
و شكرا جزيلا على المساعده

[AhmedNaeem]

طيب ممكن تقولي الاوبشن اللي عندك في العربية ايه ؟

[ابو ليلى]

يافندم ابعتيلى رقم ال vin فى رسالة ( اسفل الزجاج الامامى من ناحية السائق ) وانا اعرفلك .

[marwa.youssef]

امكانيات العربيه
جنط 15 و فوانيس شبوره و فتحه سقف و تحكمات طاره و بلتوث
لا يوجد اير باك ولايوجد فرامل abs لا يوجد اشارات مرايات او ضم مرايات كهربا او سنسور
هى مواصفه غريبه شويه و سالت عليها فى اوتو سمير ريان لقتها موجوده عنده برضوا بنفس السعر
رقم الشاسيه بتعها KNAFT411BD5711388

[alaacs]

انا اسف .. سؤال بس خارج الموضوع شوية .. هو حضرتك جبتي سيراتو 2013 الشكل الجديد ولا اللي شبه 2011 و 2010
و لو كدة يا ريت تقوليلي ايه رأيك في العربية بايجاز و سعرها و جبتيها منين .. و ان شاء الله ربنا يباركلك فيها و تعرفي توصلي للمعلومة اللي بتسألي عليها

بالتوفيق

[AhmedNaeem]

هو من خلال المواصفات فهي اكيد خليجي
بس مش عارف دولة ايه
ان شاء الله حد من الاعضاء يقدر يفيدك في تحديد الدولة

[marwa.youssef]

جبتها 2013 الشكل القديم / الشكل الجديد ما كانش اتحدد سعرها كانت موجوده فى المعرض و كانت اول فئه منها ب 138 الف
العربيه بصراحه محترمه جدا انا جبتها عن تجربه زميالى فى الشغل جايبنها من 2010 و غير كده كل قطع الغيار بتاعتها متوفره فى السوق و ده اللى خلانى اختارها هى و هيونداى واحد بس نصيحه ابعد عن الكيا الجنط 17 كله مشاكل
ال16 يعنى و ال15 كويس عفشتها و موتورها زى الأنترا 2008-2009
جبتها من معرض فى مدينه نصر اسمه الليثى كان عنده كميه واخدها من تاجر برضوا مش هو اللى مستوردها و سعرها كان 124 الف و بقى دلوقتى 128 لحد 130 على حسب المعرض
وافضل واحد فى الكيا الخليجى هو جابر عبد الشهيد بس كان موقف البيع بسبب الأسعار مش عارفه دلوقتى بيبيع ولا لسه

[Hosam_Optrawy]

رقم الشاسيه بتعها KNAFT411BD5711388

العربية أردنى

[ابو ليلى]

العربية اردنى تاريخ التصنيع 14/10/2012

[ابو ليلى]

ههههههههههه ماشى ياحسام كتبت المشاركة ونسيت ابعت