dvd بشاشتين فى ضهر الكرسى

[salodas]

صباح الفل :
أصبحت أمنية حياتى أن ابنى يرجع ظهرة على الكرسى وهو راكب العربية معايا . لأنه دايما لازق فى كتفى وبينام على المسند بين الكرسيين الأمامين.

فكرة فى انى أركب شاشتين فى ضهر الكراسى علشان يتفرج ويبعد عنى (فى العربية بس).
عاوز أى حد مر بالتجربة دى يا ريت يروى بالتفصيل .

[ayman_omer2007]

ههههههههههه كلهم كده ربنا يخيلهولك
وان شاء الله حد من الاعضاء يقدر يفيدك

[احمد المصرى]

كلنا هذا الرجل

[M.Hosni]

انا كنت سألت عليهم في شارع دمشق

في نوعين من الشاشات ,

1- لو انت عندك دي في دي موجود قدام , في نوع شاشات بيتوصل عليه و يعرض بس و ده تمنه كان تقريبا 800 او 900 جنيه للشاشتين

2- لو انت معندكش دي في دي قدام , في نوع تاني بيكون فيه مشغل اسطوانات دي في دي و مدخل يو اس بي , و دول الشاشتين مع بعض كانوا تقريبا بـ 1300 او 1400

[adelghanem]

انا عندى كارينز2011 وكاسيت ال جى مفهوش مخرج فيديو وصاحبى مهندس سمعيات ركبلى 2 مساند راس دى فى دى ماركة سينفونى ب 900 جنيه بيشتغلو كل واحد لوحده او الاثنين مع بعض عن طريق فلاشه يعنى كل واحد من الدى فى دى له مدخل يو اس بى وكل واحد له سمعاته المستقله وممكن يشتغل على اف ام السياره ولو الكاسيت فيه مخرج فيديو ممكن يشتغلو الاثنين على دى فى دى الكاسيت وكمان فيهم مخرج هيد فون ومدخل لازرع الالعاب..بس انا من الصعيد مش حاقدر افيدك على اماكنهم فى القاهره

[salodas]

كلام جميل والله ..... طيب التركيب فيه مشكلة .... يعنى تلكهربائى هيفك ويبوظ الدنيا ولا حاجة بسيطة .... وياريت أخوانا المحترفين فى الكهربا يفيدونا هل تركيب حاجة زى دى هيأثر على كهربة العربية ولا بيييييس