سيراتو مستعملة ولكن بعض المشاكل ..افيدوني اخدها ولا لأ !

[abogharib]

بلاش منها و شوف واحده غيرها دور على ....car هتلاقى سيراتو كتيير جدا للبيع

[W1NNER]

لو سمحتوا يا جماعة انا محتاكوا في استشارة ..انا رحت اتفرج ع عربية سيراتو 2010 هاي لاين العربية راشة بره نظافة بس فيها حاجة التكييف لما بعمله ع اقل درجة سمعت فيه صوت تكتكة طالعة من المروحة وكمان صاحب العربية قالي ان المالتي فانكشن مش شغال وشرخ في الأزاز القدماني طوله بتاع 30 سم بس مش شرخ شرخ يعني ..كنت عايز اعرف بس الحاجات دي بسيطة في التصليح ولا حاجات كبيرة ..وتسعر العربية دي كام مع العلم ان العربية عاملة 74 الف كيلو وهتطلع من الرش بكرة يعني انا يعتبر هاخدها زيرو ...شكرا

نصيحه لوجه الله لو مستريحتش فى اول لقاء بينك وبين العربيه اللى هتشتريها من غير ما تتفرج لف وارجع تانى ثانيا 74 الف كيلو وهى 2010 لييييييييييييييه كانت تاكسى؟
ثالثا عربيه 2010 راشه كلها تبقى كده زيرو ده منطق؟
رابعا عربية فيها شرخ فى الزجاج والتاره الماتى مش شغاله وتكيف مش مزبوط انت بكده هتعزب نفسك معاها وبردوا هتدفع فلوس يبقى تدفع فلوس فى حاجه تستاهل وربنا يوفقك

[temo85]

مش مشكلة الرش اوى طالما الدواخل سليمه و تمام ممكن تكون اتبهدلت تجريح و كده
لكــــــــن حوار الايرباج و الملتى فنكشن ده مهم جدا ,,, اتأكد ان الايرباج مفتحتش قبل كده عشان ممكن تكون اللمبه بتاعتها مفصولة دى أهم نقطة !!