الى عمالقه الكيا الرجاء الافاده ( السيراتو مش بتدور )

[W1NNER]

انا معايا كيا سيراتو 2010 هاى لاين بصمه خليجى شاريها فى شهر 9 اللى فات شاريها وهى عامله 17 الف كيلو كل حاجه فيها شركه وعملت صيانه 20 الف فى شهر 12 اللى فات والتوكيل قالى زى الفل غيرلى الزيت والبوجيهات وفلتر الهوا وربط عفشه وشيك على الانوار والسوائل وكان الله بالسر عليم وادفع يا باشا من كام يوم بدورالعربيه الصبح عادى من الستارت انجن ظهرلى على الشاشة انك تدوس فرامل وانت بدور مع انى بدور فعلا وانا دايس على الفرامل انا بعمل كده وده الطبيعى فى تدوير العربيه طفيت واستنيت عليها شوية واجى ادور تانى مدورش بردو ونفس الكلام على الشاشه مع العلم ان الانوار تمام تعمل بكفاءة السنتر شغال جهاز الانذار شغال يعنى كله تمام المهم سبتها زى ما هى ورحت شغلى ورجعت اخر النهار بدور دارت عادى ومفيش مشكله ورحت مشاويرى وركنتها بالليل عادى جدابعدها بأسبوع سافرت وسبتها 3 ايام ورجعت ادور نفس المشكله مش بتدور ولا بدوس فرامل ولا من غير ولا حتى لما ادخل مفتاح البصمه فى مكانه الرجاء الافاده سريعا عشان لو فيه حاجه غلط الحق اتصرف قبل ما تبوظ حاجه تانيه جمبها وشكرا

[yasserelsayad]

انا معايا كيا سيراتو 2010 هاى لاين بصمه خليجى شاريها فى شهر 9 اللى فات شاريها وهى عامله 17 الف كيلو كل حاجه فيها شركه وعملت صيانه 20 الف فى شهر 12 اللى فات والتوكيل قالى زى الفل غيرلى الزيت والبوجيهات وفلتر الهوا وربط عفشه وشيك على الانوار والسوائل وكان الله بالسر عليم وادفع يا باشا من كام يوم بدورالعربيه الصبح عادى من الستارت انجن ظهرلى على الشاشة انك تدوس فرامل وانت بدور مع انى بدور فعلا وانا دايس على الفرامل انا بعمل كده وده الطبيعى فى تدوير العربيه طفيت واستنيت عليها شوية واجى ادور تانى مدورش بردو ونفس الكلام على الشاشه مع العلم ان الانوار تمام تعمل بكفاءة السنتر شغال جهاز الانذار شغال يعنى كله تمام المهم سبتها زى ما هى ورحت شغلى ورجعت اخر النهار بدور دارت عادى ومفيش مشكله ورحت مشاويرى وركنتها بالليل عادى جدابعدها بأسبوع سافرت وسبتها 3 ايام ورجعت ادور نفس المشكله مش بتدور ولا بدوس فرامل ولا من غير ولا حتى لما ادخل مفتاح البصمه فى مكانه الرجاء الافاده سريعا عشان لو فيه حاجه غلط الحق اتصرف قبل ما تبوظ حاجه تانيه جمبها وشكرا

دا سويتش بيعلق معروف فى التوكيل وبيتغير فى الضمان عادى لو انت وكيل وباردوا هو ثمنه مش عالى لو خليجى .. انت روح بس قولهم على الموضوع وهما هيغيروه واسمه سويتش الفرامل

وفى طريقة عشان تدور بيها العربية فى حالة الـ emergency زى دى لو السويتش علق وانت فى حتة

اول ما تدخل العربية تدوس على زرار الـ Start Engine مرة واحدة بس من غير فرامل
وبعدين تدوس عليه تانى بس المرادى تفضل دايس لحد ما العربية تدور (حوالى 10 ثوانى) والموضوع دا مش
بتحتاج تدوس فيه على الفرامل ..

ودا فيديو بيوضح الخطوات باردوا

Kia Cerato / Forte - Emergency Engine Start - YouTube

[W1NNER]

1000 1000 شكر لسرعة الرد وشكرا على التوضيح بالفيديو
انا جربت اشيل كبلات البطارية واسيبها شوية زى الالمانى تقريبا ريستارت وبعدها ركبتهم دارت على طول بس طبعا مفهمتش كان العيب فى ايه بالظبط

[yasserelsayad]

1000 1000 شكر لسرعة الرد وشكرا على التوضيح بالفيديو
انا جربت اشيل كبلات البطارية واسيبها شوية زى الالمانى تقريبا ريستارت وبعدها ركبتهم دارت على طول بس طبعا مفهمتش كان العيب فى ايه بالظبط

لا هى العربية نفسها مفيهاش حاجة هو بس السويتش دا محتاج يتغير لكن مش هيأثر على حاجة تانية معاه متقلقش

[temo85]

سويتش الفرامل ,, عيب مشهور فى الانترا الشكل القديم كمان

[salodas]

الله ينور يا رجالة .... قولتو المفيد .
أنا معايا نفس المشكلة وبصراحة مكسل اصلحها وخصوصا أنها بتتكر على فترات متباعدة والحل موجود 10 ثوانى

[W1NNER]

الله ينور بجد الخبره عليها عامل كبير بردوا شكرا لسرعه الرد

[moha4tec]

الله ينور يا رجاله

[shady982]

لا هى العربية نفسها مفيهاش حاجة هو بس السويتش دا محتاج يتغير لكن مش هيأثر على حاجة تانية معاه متقلقش

انا بس عندى تعديل بيسط ممكن ميكونش محتاج يتغير انا حصل معايا نفس الموضوع و مغيرتش حاجة نضفة و قاللى هو كان عايز رجلاش انا مشفتوش وهو شغال فية علشان اعرف اية اللى اترجلش بالضبط . الكلام دة كان فى فرع القطامية

[M7amD_7amDy]

القطعة دى انا غيرتها قبل كده بـ 150 جنيه وبقت الدنيا تمام

[W1NNER]

القطعة دى انا غيرتها قبل كده بـ 150 جنيه وبقت الدنيا تمام

150 جنية القطعة سويتش الفرامل داخل التوكيل وﻻ خارج

[M7amD_7amDy]

150 جنية القطعة سويتش الفرامل داخل التوكيل وﻻ خارج

من عند وكيل معتمد لقطع الغيار هنا فى دمياط