فرش جلد عند جينز كار كيا كارينز

[mselim1975]

السلام عليكم
قمت بتركيب فرشد جلد عند جينز كار فى مدينة نصر، الفرش تكلف 1350 جنيه وفرش الآرضية 400 جنيه. الخامات والمصنعية والمعاملة ممتازة.
وهناك بعض النصائح للعناية بالفرش من الحاج أحمد مشعل صاحب جينز كار وهى غسل الفرش الجلد بسائل الصابون دووف المخصص لغسل الأيدى، هذا سيحافظ على جلد السيارة وسيطيل من عمره وبالنسبة للسقف يتم استعمال عبوة stp وهى متوفرة بالبنزينات.

[asbeats]

مبروك يا باشا ... وياريت الصور

[Ahmed_Adham]

ياريت صور وهل السعر ده يشمل الشنطه؟ والشنطه جلد ولا مشمع شفاف؟ وعملت السقف ولا لاء؟ شكرا مقدما...

[mahmoud_afifi]

الف مبروك يا باشا. الحاج احمد مشعل شخصيه اكتر من محترمه وذوقه في اختيار الفرش عالي.
بس معلش لو ممكن تفهمني الstp منظف البخاخات بنستعمله في تنضيف السقف ؟ ياريت الطريقه من فضلك

[Lifz_Good]

ألف ألف مبروك وفي انتظار الصور

[sonybony]

مبروك وايه stp ده عباره عن ايه

[الجنرال]

الف مبروك يا باشا .. بس ده مش غالي كده؟؟

انا من زمان بسمع عنه وعايز اروحله بس لما اجهز الفلوس ان شاء الله

[S O P H O S]

الف مبروك يا باشا ..

[ehab_osman]

السلام عليكم
قمت بتركيب فرشد جلد عند جينز كار فى مدينة نصر، الفرش تكلف 1350 جنيه وفرش الآرضية 400 جنيه. الخامات والمصنعية والمعاملة ممتازة.
وهناك بعض النصائح للعناية بالفرش من الحاج أحمد مشعل صاحب جينز كار وهى غسل الفرش الجلد بسائل الصابون دووف المخصص لغسل الأيدى، هذا سيحافظ على جلد السيارة وسيطيل من عمره وبالنسبة للسقف يتم استعمال عبوة stp وهى متوفرة بالبنزينات.

اولا الف مبروك وعايزين الصور .
ثانيا كل الي بسمعه في عمايل الفرش عند جينز كار بالالف 1350 او 1850 جم ؟؟؟؟؟؟؟؟
بس في وحدة قريبتي راحت جينز كار اللي في التجمع الخامس عاملت فرش جلد ؟؟؟؟؟؟؟؟؟؟؟ بـ 350 جم روعة ؟؟؟؟؟؟؟؟؟؟؟؟؟؟؟؟؟؟؟؟ انا عن نفسي عاجبني جدا جدا جدا وخاصة سعره ........ جلد طبيعي جلد صناعي ................ المهم عاجبني جدا ؟

[ABO MALEK]

مبروك الفرش....وايه موضوعstp ده رجاء التوضيح!!!

[Lifz_Good]

اولا الف مبروك وعايزين الصور .
[overline]ثانيا كل الي بسمعه في عمايل الفرش عند جينز كار بالالف 1350 او 1850 جم[/overline] ؟؟؟؟؟؟؟؟
بس في وحدة قريبتي راحت [overline]جينز كار اللي في التجمع الخامس عاملت فرش جلد ؟؟؟؟؟؟؟؟؟؟؟ بـ 350 جم روعة ؟؟؟؟؟؟؟؟؟؟؟؟؟؟؟؟؟؟؟؟[/overline] انا عن نفسي عاجبني جدا جدا جدا وخاصة سعره ........ جلد طبيعي جلد صناعي ................ المهم عاجبني جدا ؟

وجب التونيه
جينز كار ليس له فروع أخرى غير اللي في مدينة نصر
والجلد اللي بيعمله صناعي برضه بس ألماني
وبعدين التفصيل غير الكسوة
ممكن قريبتك اشترت الكسوة وهو أيفها ليها مش أكتر

وبعدين أنا كنت عامل فرش ب 600 بعد خصم نايل موتورز وكان ممتاز
كنت عامله في بيكانتو 2012

ودلوقتي بركب فرش أعلى في الخامة و ب 1000 جنيه مع خياطة دابل

وطبعاً بعد خصم نايل موتورز

أرجو الإنتباه للفروق بين التفصيل والجاهز
والتونيه على عدم وجود فروع أخرى لشركة جينز كار

شكراً لتفهمك

[houseiny]

انا كمان فرشت انبارح عند جينز كار وعملت فرش للكارينز بتاعتي لونه اسود في بيج زي اللي موجود على صفحتهم في الفيس بوك
انا هالخص الموضوع في 3 نقط
1- الحاج أحمد ده راجل عالمي سواء في الشغل او المعاملة او المتابعة للشغل وبصراحة قالولي هاستلم الساعة 10 كلمتهم الساعة 7 ونص لقيتهم خلصوا العربية
2- ان فعلا الناس دي قمة الجودة في التقفيل واحد شافها انبارح بيقولي هي الكارينز بتنزل فرش جلد ؟؟ مفكر ان ده فرش الفبريكة مصدقش ان معمول هنا في مصر
3- احلى ما في الموضوع ان قابلت انبارح المهندس حسين (سونا ستيل) من نيسان - عبارة عن بني أدم شربات واخلاق في الوصف بجد بشكر احمد مصطفى وكل الناس الجميلة اللي عرفتنا بالحاج أحمد مشعل.

[houseiny]

الف مبروك يا باشا. الحاج احمد مشعل شخصيه اكتر من محترمه وذوقه في اختيار الفرش عالي.
بس معلش لو ممكن تفهمني الstp منظف البخاخات بنستعمله في تنضيف السقف ؟ ياريت الطريقه من فضلك

باشا في منظف لفرش السيارات من انتاج شركة STP وده مختلف تماما عن منظف الرشاشات الي من أنتاج نفس الشركة برضة.
بس ده حاجة وده حاجة تانية خالص ، حضرتك بس اسأل المندوب اللي في اي ماركت بنزينة سواء on the run او اي ماركت في اي بنزينة بتبيع منتجات STP.