حد يعرف حاجه عن مركز خالد عماره اوتوموتيف؟

[mohamed_selim]

لو حد عنده اى معلومات يساعدنى :)
جالى كوبونات تخفيض 50 جنيه لكل زياره و مش عارف الموضوع يستاهل اروحله من مدينة نصر ولا ايه النظام
كمان عندى كوبونات اكتر من احتياجى فلو حد عايز يقولى ... الكوبون بيدى خصم 50 جنيه فى الزياره (كوبون واحد بس فى كل مره مينفعش تستخدم اتنين)

شكرا على المعلومات مقدما

[dr_k]

انا كان عندي مشكلة فى الكهربا لقيتها مرة واحدة بعد صيانة ال 40 (كانت فى مركز تاني ) بترعش ورحتلهم عملوها وكان الموضوع تافه كان الارضي مش مربوط كويس
بس بصراحة المعاملة كانت ممتازة جدا واتصلوا بيا تاني يوم يطمنوا ع العربية
وصالة الانتظار عندهم احسن من مراكز معتمدة كتير عامل زي توكيل ابو رواش
ودي تجربتي معاهم

[maskeen]

هو فين المركز ده؟ وبيشتغل ف الالمانى ولا كورى وبس؟

[temo85]

مكانه فين ياباشا ,, وهل مركز كويس ولا ايه نظامه ؟؟

[أبو_يوسف]

http://www.facebook.com/khaledemaraautomotive

[temo85]

الصفحه بتاعتهم فكرتها حلوة خصوصا اسعار الصيانات اللى ممكن تعرفها حسب الكيلومتر
بس هل المركز معتمد ولا لا ؟

[mohamed_selim]

معتمد كيا و رينو

[dr_k]

المركز في شبرا الخيمة قبل المؤسسة على الزراعي

[temo85]

المركز في شبرا الخيمة قبل المؤسسة على الزراعي

ممكن حضرتك وصف لو جاى من على كورنيش ماسبيرو ورايح في اتجاه شبرا مثلا امشي ازاى

[ابو ليلى]

مركز خالد عمارة من احسن المراكز المعتمدة لكيا ورينو وكان عامل اعلان معانا هنا فى المنتدى
ولكن للاسف مكملش معانا وعن تجارب لناس اعرفها مع المركز انه محترم جدا فى التعامل و يقديم
خدمة مميزة فنيا المركز موجود فى اول طريق اسكندرية الزراعى بعد كيلو ونص من نزلة الدائرى
المركز كمان معتمد من بعض شركات الضمان الخليجى زى تربل ايه ..
حاليا عامل خصم على المصنعيات 50% وعلى قطع الغيار 10% بس معرفش العرض خلص ولا لا
من الاخر المركز سمعته كويسة وتعامله محترم .

[mohamed_selim]

عظيم جدا .. شكرا لكل من ادلى بدلوه :)
هروح اجربه و استفيد بالخصم :)
لو حد عايز كوبونات انا معايا اكتر من اللى هحتاجه الكوبون بيدى خصم 50 جنيه فى الزياره ... اللى عايز يبعتلى على الخاص :)