الكارينز ............ دليل الفيوزات

[Khaled_Nowaihy]

السلام عليكم ورحمة الله وبركاته

من أهم وأبسط الأعطال التى يمكن أن تحدث للسيارة يكون السبب هو الفيوزات

الكارينز فيها مجموعتين فيوزات

الأولى فى كابينة القيادة أمام مفصلات باب السائق فى أقصى اليسار
والثانية فى حوض الموتور

تحتوى المجموعة الأولى على 36 فيوز
والصورة توضح رقم كل فيوز ومعياره

.
.
.
.
منقول من كتالوج الكارينز
المجموعة الثانية سأقوم برفعها لاحقاً

[realtyinv]

مشكور وجزاك الله خيرا

[mseldin63]

معلومات مفيده جدا
الله ينور ياباشا

[zicooo2008]

جزاك الله تعالى خيرا

[S O P H O S]

شرح جميل

[MMMERO]

طبعا استاذ خالد مايجبش الا الحاجات التمام ربنا يخليك لينا يا استاذ خالد

[aminibrahim]

طب الواحد لو عايز يفوز أحطيا طي يجيب منين?

[Khaled_Nowaihy]

على قد ما فهمت ان مش كل الفيوزات ليها فيوز احتياطى SPARE فمثلاً:
الأحمر 10A وله فيوز احتياطى رقم 17 فى الصف الخامس - العمود الثانى من اليسار
الآزرق 15A وله فيوز احتياطى رقم 13 فى الصف الرابع – العمود الأول من اليسار
ورقم 21 فى الصف السادس – العمود الثالث من اليسار
الأبيض 25A ما لوش احتياطى
أخضر فاتح 20A واحد فقط و مالوش احتياطى

أخضر غامق 30A ويوجد فيوز احتياطى رقم 34 فى الصف قبل الأخير - العمود الثانى من اليسار

انما لو اتزنقنا فى فيوز ممكن نشيل واحد من نفس العيار مؤقتاً ونحطه مكان التالف لغاية ما نجيب واحد تانى

يعنى مثلاً أنا عربيتى مافيهاش air bag ممكن استغنى عن الفيوز رقم 4
وماعنديش مزيل ضباب أمامى .... ممكن أستغنى عن الفيوز رقم 6
وماعنديش التحذير من الخطر ....... ممكن أستغنى عن رقم 14
وماعنديش مصباح ضباب أمامى ,,, ممكن أستغنى عن رقم 26
وماعنديش نظام مراقبة ضغط الاطارات ... ممكن أستغنى عن رقم 30
وما عنديش تحكم كهربائى فى مقعد السائق ... ممكن استغنى عن رقم 36

لو حد من الإخوة الزملاء اشترى فيوزات يا ريت يقول لنا أسعارهم وأماكن بيعهم عشان كلنا نستفيد

[amr_erfan]

السلام عليكم
انا متابع الجروب من زمان و الحمدللة ربنا وفقني و اشتريت كيا كارنزخليجي من ناشونال موتورز ايجبت
بس انا كان ليا ملاحظات حبيت استفسر عليها من حضرتكو
اولا الفرامل ضعيفة و مش بتمسك كويس حتي الدواسة بحس انها سايبة مش عارف دة عادي هل هي فراملها مش بتمسك كويس
تاني حاجة الفتيس لما اجي انئل من ال p |للd تئيلا اوي و بسمع صوت نتشة كدا و بعديها دي صوت زنة
ممكن حد يعرفني اذا كان دة عادي انا عامل بالعربية 300 كيلو بس

[Khaled_Nowaihy]

ألف مبروك يا أ. عمر وربنا يبارك لك فيها
بالنسبة لفرامل اليد فى معظم الأحيان بتيجى كده ضعيفة ومحتاجة ضبط
ممكن تروح التوكيل يضبطوها لك أو تنتظر لصيانة 1000 كم وتقول لهم عليها

أما السؤال الثانى مش هاقدر أفيدك لأن عربيتى مانيوال

وبما ان حضرتك كارينزاوى يشرفنا انضمامك الينا فى مجموعة مالكى الكارينز

http://www.nilemotors.net/Nile/groups/39-carens-owners.html

وأرسلت لحضرتك الدعوة

[amr_erfan]

اللة يبارك فيك يا أستاذ خالد و يشرفني اني انضم معاكم في الجروب الرائع دة بي انا المشكلة عندي في الفرامل نفسها مش فرامل اليد الفرامل حاسس انها ضعيفة اوي و جايز هي دي الي عاملالي المشكلة بتاعت ال فتيس لانها مش بتمسك كويس انا اشتريتها خليجي لاكن اشتريت الضمان من شركة middle east بس انا مش عارف هل ممكن اروح في اي وقت ولا في مواعيد الصيانة 1000

[zicooo2008]

مشكور على المعلومة و لكن لا تستغنى عن اى فيوزات يمكن ان تحتاج لها فى المستقبل