جينز كار جودة عالمية على أرض مصرية.

[houseiny]

انا كمان فرشت انبارح عند جينز كار وعملت فرش للكارينز بتاعتي لونه اسود في بيج زي اللي موجود على صفحتهم في الفيس بوك
انا هالخص الموضوع في 3 نقط
1- الحاج أحمد ده راجل عالمي سواء في الشغل او المعاملة او المتابعة للشغل وبصراحة قالولي هاستلم الساعة 10 كلمتهم الساعة 7 ونص لقيتهم خلصوا العربية
2- ان فعلا الناس دي قمة الجودة في التقفيل واحد شافها انبارح بيقولي هي الكارينز بتنزل فرش جلد ؟؟ مفكر ان ده فرش الفبريكة مصدقش ان معمول هنا في مصر
3- احلى ما في الموضوع ان قابلت هناك المهندس حسين (سونا ستيل) من نيسان - عبارة عن بني أدم شربات واخلاق فوق الوصف بجد بشكر احمد مصطفى وكل الناس الجميلة اللي عرفتنا بالحاج أحمد مشعل.

[temo85]

ياريت ياباشا ترفع الصور و تقلنا اتكلفت كام

[ashouhdy]

انا اتقالي من ناس كتييييير ان سعرة غالى جدا فوق الوصف حتى مقارنة بنوع الجلد اللى بيركبة لكن 1800 وطالع دة #&$&$&#@¥£

[canner]

الف مبروك يا باشا على الفرش هم فعلا ناس محترمين فى تعاملهم و كلامهم

تحياتى

[houseiny]

ياريت ياباشا ترفع الصور و تقلنا اتكلفت كام

باشا هي اتكلفت معايا 1850 لأني أخترت اعلى خامة في الجلد عنده ، بصراحة العربية شكلها اتغير وانبارح كنت بعمل كار كير ، كذا واحد كان بيلفت نظره الفرش وبيسأل عنه ،
بالنسبة للصور ، مش عارف يا باشا والله ابعتها أزاي
بس حضرتك لو دخلت على جينز كار على الفيس بوك هتلاقيهم عارضين تصميم كرسي الكارينز الأسود في بيج وفي الأسود بس وفيه البيج بس

[houseiny]

الف مبروك يا باشا على الفرش هم فعلا ناس محترمين فى تعاملهم و كلامهم

تحياتى

الله يبارك فيك يا باشا وشاكر لمرورك

[houseiny]

انا اتقالي من ناس كتييييير ان سعرة غالى جدا فوق الوصف حتى مقارنة بنوع الجلد اللى بيركبة لكن 1800 وطالع دة #&$&$&#@¥£

باشا والله هو انا بس عندي ملحوظة ، ان الكلام غير اللي ينفذ بالفعل ، هو بس الميزة في جينز كار انه بيقفل الشغل زي فبريكة العربية بالظبط مافيش بقى حروف طالعة ولا خياطة معوجة ولا غرزة واسعة وغرزة ضيقة والكلام ده ، زائد انه بيفصل على الكرسي وبيملاه سفنج ، تقدر تقول بيعمل شغل سروجي من أول وجديد للكرسي بس بيخليه حاجة تانية ، حضرتك لو بصيت على السوق هتلاقي حاجات بتبدأ من 150 جنيه ، بس دي الكسوة الجاهزة وانا كنت مركبها في الجيتس وكانت ممتازة وبعت العربية وهي بحالتها وكنت مركبها ب 350 جنيه ، انما حضرتك لو روحت لأي سروجي متوسط مش هاقولك سروجي ممتاز وقولتله عايز افرش عربية 128 مش هيقولك اقل من الف جنيه فرش للعربية ، لأن الدنيا غليت انا كنت مركب كسوة الجيتز من 5 سنين وكانت ب350 جنيه وأهي كسوة مش فرش وسروجي على الكرسي. انما بصراحة جينز كار بيشيل الكرسي من مكانه ويفكه ويعمله سروجي من اول وجديد يعني بيزود سفنج ويحط خامة الجلد اللي تختارها انت براحتك وهو عنده حاجات بتبداً من 900 جنيه ، وعايز اقول لحضرتك على حاجة تانية عامل الوقت مهم جداً طبعاً يعني حضرتك بتروح تاخد ميعاد ويوم ما بتروح عربيتك بتخلص في ساعتين او 3 ساعات دي شيئ ممتاز غير السروجي اللي ممكن يقعد يشتغل في العربية يوم من اوله وحضرتك لو شوفت جودة التقفيل صدقيني هتغير وجهة نظرك وغير كمان انه فعلاً بيعمل الشغل بحرفية بحيث انه ياحافظ على الفرش الأصلي بتاع العربية لو فكرت تشيل الشغل بتاعه لأنه لا قدر الله اتقطع وقعت عليه مادة حارقة أو أي حاجة هتلاقي الكرسي الأصلي زي ما هو لا حاجة معلمة فيه ولا مبقع ولا مغير لون ولا أي حاجة هتلاقي الكرسي الأصلي زي ما هو. ودي هتفرق معاك لو بتفتكر تحتفظ بالعربية فترة طويلة شوية ، في ناس بتحب تغير من شكل العربية كل 5 سنين يعني شوية فرش جداد وش تلميع او بوليش شوية اكسسوارات زي اللي بيحب يغير دهانات الشقة او فرش البيت وهكذا يعني ، وشكراً لمرورك على الموضوع يا باشا

[miceg]

الف مبروك ياباشا
وبصراحه الحاج أحمد شغله تحفه وليه معجبين كتير
ولو اعرف ان سحس موجود إمبارح كنت نزلتله مخصوص
شخصية خدومة جداااااا ومن الناس المحترمه
مبروك مرة تانية ياباشا

[المنسي]

مبروك الفرش الجديد وربنا يبارك لك فيه

[S O P H O S]

الف مبروك ..

[houseiny]

الف شكر لكل الشباب ، انا اسف والله مش عارف اعمل اقتباس متعدد عشان اشكر كل واحد باسمه

[moha4tec]

الف الف مبروك

[i_Am_Legend]

الف مبرووووووك

[ashouhdy]

فين ياباشا الصور نفسي اشوف ال 1850 بيعملوا اية :)))))


كنت عايز اسألك سؤال قعدة الكرسي اتغيرت نشفت عليت صغرت بتخدك وتنزل ذى القماش ولا اية النظام

Sent from my GT-N7100 using Forum Runner

[houseiny]

فين ياباشا الصور نفسي اشوف ال 1850 بيعملوا اية :)))))


كنت عايز اسألك سؤال قعدة الكرسي اتغيرت نشفت عليت صغرت بتخدك وتنزل ذى القماش ولا اية النظام

sent from my gt-n7100 using forum runner

باشا انا اسف فعلاً مش عارف انزل الصور على الموقع هنا إزاي ، وبالنسبة للكرسي هو فعلاً بقى افضل من الأول ، الكرسي مسك نفسه وبقى مليان وقعدته مريحة جداً ، زائد ان الشكل جوة العربية أختلف جامد جداً ، انت حضرتك لو عايز تشوف الصور ممكن تدخل على جينز كار في الفيس بوك وهتلاقي صور للفرش اللي انا عملته اسود في بيج ,