حصريا--> تحميل بروشور نيو كيا كارينز2014 + صور جديده لها

[esam_ayad]

السلام عليكم
كنت بتصفح امبارح موقع كيا موتور
ولقيت موجود البروشور الخاص بالكارينز الجديده 2013 اللي هاتنزل عندنا علي الصيف ان شاء الله والتي من المتوقع ان تلاقي اعجاب الكثير من الناس.

نبدأ أولا بالصور الجديده المأخوذه من البروشور:
صوره للسياره وهي مزوده بفتحة سقف بانوراميه ---------- رائعه جدا ولون السياره أكثر من رائع





صوره للسياره وهي بتستقبل كرسي ضخم( ياجمالك يا كارينز)






صوره لنسخة الخمس مقاعد



ودي صوره لنسخة السبع مقاعد



صوره للسياره وهي مزوده بخاصية المساعده علي الركن(باركين أسيست) ولون السياره الفضي أو حتي الرمادي من أجمل الألوان عليها.


صوره للون التابلوه الجميل ذو الخيارين:
-الأول وهو مكون من لونين:



أو الخيار الثاني وهو التابلوه ذو اللون الغامق:


صوره لأبعاد السياره التي تم تصغيرها ولكن للأحسن بالتأكيد ودون تأثير علي المساحه الداخليه:


ودي صوره للجنوط اللي السياره هاتنزل بيها:


وصوره للألوان اللي السياره هاتنزل بيها:


وأخيرا: تحميل الكتالوج أو البروشور الخاص بالكارينز الجديده:
اضغط علي اللينك ده وهايتم التحميل علي طول ان شاء الله:

http://www.kia.com/worldwide/FileRootMain/eCatalog/eng/Carens.pdf

عايز اعرف رأيكم في الكتالوج اللي كيا نزلته ايه؟
بمعني هل البروشور ناجح وكافي للتعريف بالكارينز الجديده أو كان يحتاج الي أشياء أخري يتم التركيز عليها؟؟؟؟؟؟؟

[nomercy22]

تسلم ايدك

[Mohab555]

هى جميلة العربيه مفيش كلام و احلى من الجيل الحالى بكتير
بس هتحلو اكتر لو طلع سعرهها كويس رغم انى اشك فى هذا كل الشك ...

[Ahmed_Adham]

عيب البروشور انه مش هيقولك على مواصفات العربيه اللي هتنزل مصر بس تقدر تعرف منه شويه ثوابت عن العربيه زي الشكل الخارجي اللي مدي انطباع ان العربيه أصغر من القديمه بس الابعاد الخارجيه لسه واحده تقريبا والشكل الداخلي اللي اتحسن بدرجه كبيره سواء في شكل التابلوه أو الكراسي بالاضافه للألوان والابعاد الداخليه وأنا لاحظت ان المساحه الداخليه قلت كتير يعني 256 سم طول داخلي في القديمه مقابل 245 في الشكل الجديد وده في الغالب هيبقى معناه مسافه القدم في الصف الخلفي هتبقى أقل شويه وكده تروح أكبر ميزه كانت في الشكل القديم.

الفتيس ال 6 سرعات أكيد احسن من ال 4 القديم في انه هيقلل صوت الموتور ودواسه البنزين الجديده أكيد احسن. طبعا نقدر نتوقع ان نظام "مساعد عدم مغادره الحارات" مش هيبقى في النسخه اللي هتنزل مصر وكده كده ملوش لازمه أصلا عشان عندنا الطرق معظمها مش مخطط من الاساس وممكن برضه البارك أسيست مينزلش لأننا متعودين ان الكارينز تاخد أوبشن أقل من السيراتو الا اذا كانت الكارينز هتنزل ب 5+ فئات مختلفه ساعتها ممكن يكون موجود.

أتوقع لو كل الاوبشن اللي في البروشور ينزل في العربيه يبقى مش هتقل أعلى فئه فيها عن 200 ألف مرتاح.

[hammoda]

ايه يا عم عصام الدلع ده كله

[esam_ayad]

ايه يا عم عصام الدلع ده كله

ياباشا اذا ماكنتش أدلع الكارينز اللي هي العربيه العائليه الأولي في مصر أُمال مين اللي هايدلع؟؟

أنا من كتر ماانا قاعد مستنيها تنزل وأجربها بنفسي ,قربت أهلوس من كتر الصور والفيديوهات اللي ليها عندي علي اللاب توب

[S O P H O S]

مشكورر يا باشا ..

[shaaban2008]

رااااااااااائع
تسلم ايدك

[amribrahim]

الحلو مش هيكمل علشان أكيد السعر هيبقى عالي جداً ذي سعر النيو سيراتو و الإلنترا

بس أكيد الخليجي منها هيبقى وهمي

[esam_ayad]

خدو دي كمان:
مقارنه بين ابعاد الكارينز القديمه والجديده:

1- الطول الاجمالي وقاعدة العجلات


2- الواجهه الأماميه:


3- الواجهه الخلفيه

[amribrahim]

نسيت اكتب إن العربية ديه كوبي من هيونداي ix35 بزبط مع إختلاف في شكل

[esam_ayad]

نسيت اكتب إن العربية ديه كوبي من هيونداي ix35 بزبط مع إختلاف في شكل

ياباشا وانا ماأقدرش أزعلك.
خد دي
مقارنه بين أبعاد الكارينز الجديده والهيونداي توسان(أو ix35):

1- من ناحية الطول الإجمالي وأبعاد الويل بيز بتاعتها:


2- من ناحية أبعاد الهيئه الأماميه:


3- من ناحية الأبعاد الخلفيه:


والعربيه فعلا زي ماانتا قولت قريبة الشبه جدا من التوسان

[adelghanem]

مشكوووور

[علاء محمد]

الموضوع جميل جدا تسلم ايدك وحيرنى اكتر

[ashouhdy]

حلوة قوى بس وطييت !