التوكيل نصاب بجد

[أبو_يوسف]

كان عندي مشكلة ان لمبة الزيت بتنور وطبعا صوت الموتور والكستبانات عالي علشان مش واصله زيت... قلت اروح التوكيل
قالولي عايزين نغير طقم كستبانات وبعدين نحكم على الموتور -مع ان اي ميكانيكي او انسان طبيعي كان بيقول على طول دي مشكلة طرمبة زيت- قلت لهم بكام الطقم قالك ب 3000ج ومش موجود .. طب يا عم غير الطرمبة اللي موجودة عندك وممكن العملية تتظبط - عندهم الطرمبة ب1300ج- قالي لأ لازم نمشي بالترتيب دا ولو تحب نطلب لك الكستبانات ماشي..
رحت واخدها وجبت الطرمبة نوع Mobis ب 400ج ورحت للميكانيكي قالي ممكن مشكلة طرمبة فعلا بس هابص على المصفاة الأول .. وفعلا طلعت المصفاة مكتومة ومسدودة واتنضفت وصوت الموتور بقى اهدى من الاول ولله الحمد والفضل ورجعت الطرمبة والميكانيكي مصنعيتة 120ج

انا مش عارف بقى لو كان غيرولي طقم الكستبانات ب3000ج ومطلعش هو الحل يبقى مين اللي يتحمل التكلفة ولا هما لازم يغيروا كل حاجة !!

غير قلت لهم في صوت طقة في العفشة لقيتهم عاملين تقرير فيه كل العفشة عايزة تتغير!!!
مساعدين وبطاحات وكاوتش ميزان وشداد ميزان وعلبة دريكسيون وخرطوم باور وكوبلن !!! وانا مش بشتكي من العفشة اصلا...!!
مع اني مغير المساعدين مكملوش 15 ألف كم بس مغيرتش البطاحات.. ولما بقول للمهندس انا مغيره قالي امال البطاحات وكان لازم تغيرهم.. طب وعلبة الدريكسيون ليه وخرطوم الباور قالي امال زيت الباور بينقص ليه!!!

يعني السادة الافاضل بياخدوا بالأعراض .. شايف بطاحة مشققة يبقى اكيد المساعد عايز يتغير.. مش مهم حالته..
زيت الباور ناقص .. يبقى نغير علبة الدريكسيون وخرطوم الباور!!!!

اخدتها لعفشجي يبص عليها قالي هي محتاج بس بطاحات.. مع ان مصلحته يغير حاجات كتير..
بصراحة كنت مدي التوكيل اكتر من حقه وفاكر انهم بيشخصوا الاعطال باجهزة وحاجات متقدمة.. طلعوا .........

واخدوا 188 ج المفروض كشف على الموتور والعفشة..!!
بتكلم عن فرع روكسي

[أبو_يوسف]

كان فيه موضوع هنا في المنتدى عن قطع غيار موبيس وانها زي الاصلي بالظبط وان شركة موبيس هي اللي بتصنع لكيا وهيونداي اصلا..

[temo85]

ببساطه هما استغنوا خلاص , لازم وقفه معاهم المواقف دى لازم يتعمل بيها محاضر فى حماية المستهلك

[temo85]

يارجاله ده موقع جهاز حماية المستهلك , ممكن تعمل الشكوى على النت مش لازم تروحله بنفسك

جهاز حمايه المستهلك

أظن لو لقوا كذا شكوى من وكيل واحد هيهتموا و يحققوا فى الموضوع بجد , ياريت نعمل خطوة إيجابية عشان ميضحكش علينا اكتر من كده
كفايه اننا شاريين عربيات بأكتر من قيمتها الحقيقية و قطع غيار غالية ز كمان يضحكوا علينا فى الصيانات كل ده عشان هو اسمه توكيل و الناس مصدقة انهم بيفهموا فى العربيات و هما أغلب شغلب بالممارسه و لما بيظهر عيب جديد بيتنحوا و بيبقوا مش عارفين يعملوا ايه !!

[Deshahcoka]

باشا مش فارقة معاهم حماية مستهل و كلام فاضي اسمع مني

ده انا هرتهم شكاوى لكوريا و يجيلي الخبير و المهندسين من القاهرة يبصا على العربية يقلك اصلوا سء استخدام انتا بوظطت العربية متنفعش !

و كل ده و كانت لسه ماشية 20 الف ولا حاجة ! عاوزني ارمي العربية :) و مواقف كتير لا تعد ولا تحصى

[sonybony]

ربنا يعوض عليك ومنهم لله

[hi_nmr]

ولا ليه لزمه , و التوكيل ميزته الوحيده ان قطعه الغيار اصليه وبس

ازاي بقي امال الضمان ده سموه ضمان ليه ؟ عشان منستفدش منه ؟
حاجه غريبه والله انا مش عارف الناس دي شغاله ازاي وواخدين ترخيص بالصيانه من كيا علي اي اساس

[Deshahcoka]

باشا مفيش ضمان ... كله سوء استخدام و حياتك

ضمان للي معاه كوسة في التوكيل حيغيرولوا العربية كلها كمان و انا شفت الكلام ده بعيني !

النهاردة ركت في كارفور رجعت لقيت العربية من غير الشنب الاسود و كرتيرة الرادياتير ! بقيت حتجن !!!!!!!!

يعني قبل كدة ربنا ستر بسرقة العربية كلها و النهاردة القيها واحد اهبل سرق الشنب و كارتيرة !!!

ده مش حرامي ده واحدة ناقصين عنده و اخدهم من عندي :( منه لله :(

[hi_nmr]

لا حول ولا قوة الا بالله
ربنا يعوض عليك انت كمان

مش عارف هفضل اقول (ربنا يعوض عليك) دي لغايه امتي
ليه ضمير الناس مات