العربية ديه هتجننى !!!!!!!!!

[kofta]

اولا ازيكم يا شباب .....

ثانيا بقى العربية السيراتو ديه هتجننى كنت بفولها كانت تكتبلى فوق الـ 550 كيلو ( Distance To Empty )

دلوقتى بفولها تكتبلى 245 كيلو !!!!!!!!!!

اعملها ايه ديه بقى ؟؟؟!!!!!!!!

[moha4tec]

افصل كابل البطاريه ساعه كامله .

[Mohab555]

افصل كابلات البطارية و سيبها شوية و ركبهم تانى و اربط كويس
و ان شاء الله الكمبيوتر هيظبط بعدها

[kofta]

طب و ده هيفرق فى ايه ؟؟؟

[tarek_rcc]

اعتقد دة بيعمل ريستارت لكمبيوتر السيارة .....
وبيلغى الاخطاء .... والوحوش لهم الراى الفنى طبعا

[kofta]

انا شيلتهم اهه و سايبها و هنشوف ايه اللى هيحصل

[hi_nmr]

انا اعتقد ان ده له علاقه بنسبه استهلاكك للوقود
ياعني الاول كان استهلاكك منخفض فيديلك 550
دلوقت استهلاكك عالي جدا فبيديك 245 بس
انا بيحصلي كده بس مش الفرق الكبير اوي ده انا كانت بتفرق معايا 100 او 200 كيلو بالكتير
علي العموم لما توصل البطاريه قولنا ايه الاخبار يمكن كلام الشباب صح

[moha4tec]

انت بتحرق كتير على العربيه فى الغيارات و الا اه ؟؟
اخر صيانه عملتها امتى ؟؟؟
البوجيهات حالتها اه .فلتر الهوا . و الزيوت و ماشى كام الف كم

[houseiny]

اشتمها

[kofta]

انت بتحرق كتير على العربيه فى الغيارات و الا اه ؟؟
اخر صيانه عملتها امتى ؟؟؟
البوجيهات حالتها اه .فلتر الهوا . و الزيوت و ماشى كام الف كم

مش بحرق بيها كتير يعنى شوية امشى عادى و شوية ادوس شوية و هكذا
العربية لسة عاملة 6500 كيلو اخر صيانة عاملها بتاعة الـ 1000
بس فيه حاجة انا عملتها ... واحد صحبى قالى فك البوجيهات و خلا فتحتها 1 ميلى بالفيلر بدل 0.8 ده كدة صح و لا غلط كدة ؟؟ قالى السحب هيبقى احسن بس انا حاسس انه عادى
و فلتر الهوا كل شوية بنظفه مع نفسى كدة و ببص على الزيت دايما هو و المياه قبل ما اتحرك و كله تمام
بس انا هتجنن منها انا مش عارف اجيب 180 بيها اقصى سرعة جبتها 160 و بالعافية مش عارف هى الكوبيه كدة ولا فيها حاجة غلط !!!!!!

اشتمها

ههههههههههههههه و الله تعبت منها كتيررر هههههههه

[kofta]

افصل كابل البطاريه ساعه كامله .

افصل كابلات البطارية و سيبها شوية و ركبهم تانى و اربط كويس
و ان شاء الله الكمبيوتر هيظبط بعدها

تمام عملت كدة وظبطت وكتبت 441 كيلو بس كان بيعد يلعب كدة و شوية يكتب 441 و شوية 435 و شوية 420 و يطلع تانى لـ 440

[moha4tec]

فتحة البوجيه بتفرق طبعا
العربيه مش بتقفل عداد لاسباب كتيير جدا منها ممكن الطريق مطلع و ممكن البوجيه بايظ و ممكن البوابه عوزه تتنضف او البنزين سىء او انت مش عارف تسايس العربيه .العربيه بتجمع كويس بس مش بالقرص .
تبتدى الاول تسخن العربيه كويس لحد ما المؤشر يوصل للنصف .مؤشر الحراره .و تمشى من غير اجهاد
يعنى لا تقرص و لا تقف فى زحمه .و تطلع طريق مفتوح فى وقت فاضى ممكن من 3 بليل كده طريق السخنه و تجرب .لو قفلت على 160 بالظبط يبقى البوجيهات يا معلم مرطبه او مكربنه و عوزه تتغير
و الله اعلم
العربيه معايا لما تقفل على 160 قبل ميعاد الصيانه بعرف انها بوجيهات طبعا .
و قبل ما تجرى فك كبل البطاريه ساعه كامله و توكل على الله .فتح العربيه و بعد كده جرب هتلاقيها فله
البوجيه بيجى اصلا مفتوح على 1.0 ملى
انا قفلته على 0.8 و العربيه قفلت عداد

[moha4tec]

البوجيه عندى الان على 1.0 ملى و بتجيب ال 180 عادى .
و ممكن الزيت وحش او تقيل اوى .

[kofta]

فتحة البوجيه بتفرق طبعا
العربيه مش بتقفل عداد لاسباب كتيير جدا منها ممكن الطريق مطلع و ممكن البوجيه بايظ و ممكن البوابه عوزه تتنضف او البنزين سىء او انت مش عارف تسايس العربيه .العربيه بتجمع كويس بس مش بالقرص .
تبتدى الاول تسخن العربيه كويس لحد ما المؤشر يوصل للنصف .مؤشر الحراره .و تمشى من غير اجهاد
يعنى لا تقرص و لا تقف فى زحمه .و تطلع طريق مفتوح فى وقت فاضى ممكن من 3 بليل كده طريق السخنه و تجرب .لو قفلت على 160 بالظبط يبقى البوجيهات يا معلم مرطبه او مكربنه و عوزه تتغير
و الله اعلم
العربيه معايا لما تقفل على 160 قبل ميعاد الصيانه بعرف انها بوجيهات طبعا .
و قبل ما تجرى فك كبل البطاريه ساعه كامله و توكل على الله .فتح العربيه و بعد كده جرب هتلاقيها فله
البوجيه بيجى اصلا مفتوح على 1.0 ملى
انا قفلته على 0.8 و العربيه قفلت عداد

لا انا البوجيه الاصلى كان 0.8 و خليته على 1.0 ... انا بصراحة عايز اجيبلها بوجيهات غير بتاعتها الاصلية الـ Champion ديه
و حاطط زيت Valvoline بيعد 15 الف كيلو تقريبا بس هغيره على 10 الاف
اقصى سرعة جبتها كانت 160 و الدواسة على الاخر مفيش تانى و كنت شغال استيب و كنت بسيب النقلة تنقل لوحدها كمان يعنى rpm كان يوصل لـ 6 تقريبا و بعدين ينقل

[moha4tec]

جرب المره الجايه بوجيهات ان جى كى ngk
,و اظبطها على 0.8 ملى بالفيلر