حساسات ركن وكاميرا

[HSE_eng_ramy]

السلام عليكم جميعا يا كياوية
بعتذر عن الاختفاء الفترة الماضية نظرا لطبيعة عملى ما علينا
بأختصار شديد عايز حساسات ركن او كاميرا بس بشرط الاتى والاساسى ما يخرجنيش من الضمان
انا ان شاء الله هستلم يوم 22/02 ريو سيدان هاى لاين (ازاى هاى لاين ومافيهاش حساسات ركن حاجة تحزن ) وقريت كتير جدا وسمعت عن حساسات وكاميرات بلوتوث او لو فى حاجة مالهاش علاقة بضفيرة الكهرباء نهائى (ممكن تركب على ولاعة السجاير مثلا)

منتظر الردود

[Mohab555]

بص مش هينفع تركب كاميرا للاسف
بس ينفع تركب باركنج سنسور و ده فى منه نوع واير لس بدون اى اسلاك ولا حاجة بس غالى شويه ب 300 جنية بس الصراحة جميل و معتقدش انو ممكن يخرجك من الضمان

[HSE_eng_ramy]

مهاب باشا منور الدونيا كلها
ممكن لو امكانياته- بيشتغل ازاى بيتباع فين حيتخرمله فى الاكصدام ولا لاء
موش مهم سعره واخوك من اسكندرية

[Mohab555]

مهاب باشا منور الدونيا كلها
ممكن لو امكانياته- بيشتغل ازاى بيتباع فين حيتخرمله فى الاكصدام ولا لاء
موش مهم سعره واخوك من اسكندرية

حبيب قلبى ده نورك
بص هو بيتخرم فى الاكصدام اخرام على قد الحساسات بالضبط و بتدخل فى الخرم بالضبط و مش بتطلع غير بالطبل البلدى و بيتخرم ببنطه مخصوصه جاية مع الجهاز و الحساسات يعنى متقلقش ,,,, بس و بتروح الاشاره واير ليس للشاشه الى هتكون قدامك و هتقولك المسافة وراك قد ايه ....
,وهو ده شكل الجهاز و الحساسات و الشاشة

[HSE_eng_ramy]

مهاب باشا ميرسى لزوقك وردك الجميل ماركة SPY ماركة محترمة وانا عارفها بس كنت سمعت عن حساسات واير لس بتتلزق فى الاكصدام من الداخل وبتشتغل بنظام electromagnetic parking sensor فياريت لو حد جرب النظام ده او نظام مشابه يقولنا تفاصيله

[Mohab555]

مهاب باشا ميرسى لزوقك وردك الجميل ماركة spy ماركة محترمة وانا عارفها بس كنت سمعت عن حساسات واير لس بتتلزق فى الاكصدام من الداخل وبتشتغل بنظام electromagnetic parking sensor فياريت لو حد جرب النظام ده او نظام مشابه يقولنا تفاصيله

بص انا سمعت عن حاجة زى كده بس برده انا مش بحبذ الموضوع ده خصوصا ان الاكصدام هيتفك و هيتلزق فيه من جوه و شغل مش لطيف كده و اللزق يفك و مش عارف ايه يوقع و حاجة مش كويسه خالص .... ركب المعروف الى زى الاصلى و ريح دماغك بس قولى لون العربية ايه صحيح ؟؟

[HSE_eng_ramy]

مهاب باشا حبيبى انتا عارف ان الواحد بيدور على اى حاجة ممكن ما تبوظش شكل العربية الجديدة وعمتا نستلم على خير ونفكر ونلف لفة والله المستعان
لون العربية يا باشا بنى زى بتاع الجيتا الجديد هوا لون جديد وشبه الموكا بس افتح درجة او اتنين وده اللى اخترته
وكان فى لون تانى شيك بردو بترولى بس انا حبيت البنى اكتر واللونين دول اجدد لونين فى الريو ولسه نازلين وموش منتشرين اوى وان شاء الله اعمل التقرير بالصور بعد الاستلام ان شاء الله ادعيلى

[Mohab555]

مهاب باشا حبيبى انتا عارف ان الواحد بيدور على اى حاجة ممكن ما تبوظش شكل العربية الجديدة وعمتا نستلم على خير ونفكر ونلف لفة والله المستعان
لون العربية يا باشا بنى زى بتاع الجيتا الجديد هوا لون جديد وشبه الموكا بس افتح درجة او اتنين وده اللى اخترته
وكان فى لون تانى شيك بردو بترولى بس انا حبيت البنى اكتر واللونين دول اجدد لونين فى الريو ولسه نازلين وموش منتشرين اوى وان شاء الله اعمل التقرير بالصور بعد الاستلام ان شاء الله ادعيلى

ان شاء الله تستلم علي خير و اللون الي انت مختاره ما شاء الله انا شخصيا بحبه جدا
بس والله هزعل منك لو معملتش التقرير بعد ما تستلم ....خلينا نفرح بيك شويه بقه

[HSE_eng_ramy]

تسلملى يا مهاب يا رافع معنوياتى ازاى بس يا باشا ما اعملش تقرير امال مين اللى هيشاركنى فرحتى غيركو ده انا بحبكو فى الله واالله وانتو اللى اقنعتونى بالعربية دى على الرغم من انى كنت شايلها من حساباتى
تسلم يا باشا على الردود الحلوة

[Mohab555]

تسلملى يا مهاب يا رافع معنوياتى ازاى بس يا باشا ما اعملش تقرير امال مين اللى هيشاركنى فرحتى غيركو ده انا بحبكو فى الله واالله وانتو اللى اقنعتونى بالعربية دى على الرغم من انى كنت شايلها من حساباتى
تسلم يا باشا على الردود الحلوة

حبيبي ربنا يخليك و يديم المحبه يارب
لو احتجت اي حاجة او عاوز تعرف اي حاجة سواء قبل ما تستلم او بعد انا موجود

[HSE_eng_ramy]

ياباشا والله ما عارف اودى جمايلك فين كفاية زوقك وردك عليا وانتا من الناس اللى اقنعتنى بالعربية اكتر بعد ما حجزتها وقريت تقريرك بالاستلام وبعد صيانة ال 1000 ربنا يديك خيرها ويكفيك شرها

[Rsarabia]

على فكرة الحساس عملى اكتر من الكاميرا :)

[2CODE]

الحساس ممتاز جداً والعربية للاسف مش نازلة بيه لكن الحساس اللي موجود في الصوره ده شوفت واحد مركبه لكن التوكيل رفض يركبه للراجل وراح ركبه برا فعلشان كده حاول وراهم هم يركبوه لك علشان الضمان ميضيعش منك خساره والله

واي شئ تحتاجه رجاله الريو نمور على حق ربنا هههههههههههههه

والف الف مبروك مقدماً

[Mohab555]

على فكرة الحساس عملى اكتر من الكاميرا :)

متفق معاك تماما فى ده

[Mohab555]

الحساس ممتاز جداً والعربية للاسف مش نازلة بيه لكن الحساس اللي موجود في الصوره ده شوفت واحد مركبه لكن التوكيل رفض يركبه للراجل وراح ركبه برا فعلشان كده حاول وراهم هم يركبوه لك علشان الضمان ميضيعش منك خساره والله

واي شئ تحتاجه رجاله الريو نمور على حق ربنا هههههههههههههه

والف الف مبروك مقدماً

التوكيلات المتخلفه هى بس الى بتعمل كده علشان بتعتبر ده نوع من انواع التعديل و اصلا ده لا تعديل ولا اى حاجة ..... انت سيد العارفين

وحتى لو ركبه بره العربية مش هتخرج كلها من الضمان هى الكهرباء بس و ده فى حالة ان الى ركب السنسور مش واحد حريف ..... لو واحد حريف و ركبه زى الفابريكة ولا حد فى التوكيل يقدر يتكلم معاك .. عن تجربه فى اكتر من توكيل