مطبات الهواء

[ALMASHOR]

لو سمحتوا ممكن حد يقولى ايه هى مطبات الهواء و ممكن تعمل ايه فى العربيه

[hi_nmr]

انا اللي اعرفه ان مطبات الهوا دي في الطيارة حضرتك مش في العربيه
ممكن تقصد الهوا اللي بيجي فجأه بعرض العربيه وانت ماشي بسرعه ؟
لو تقد الهوا العرضي ده فاطمن مصر مفيهاش الحكايه دي الا نادرا جدا
الحكايه دي موجده هنا في الخليج ولو انت ماسك في الطاره كويس وواخد بالك من السواقه بتوزن العربيه ومفيش مشاكل

[youssef_u]

تنطيط :)

[kofta]

لو انت ماشى بسرعة و اخت مطب هوا ممكن العربية تعوم منك بس عمتا ديه مطبات عادية و خفيفة بس خلى بالك برضو و بلاش السرعة

[A.Saad]

مطب الهوا بيكون زى انبعاج فى الاسفلت
انخفاض فيه ممكن مش تلاخظه لان مفيش تكسير ونفس شكل الاسفلت

[AhmedNaeem]

هبوط في الاسفلت ممكن ميكونش كبير بس هيكون مشكلة لو ماشي علي سرعة عالية وبتظبط الكاسيت
ممكن العربية تعوم منك وربنا يسترها معانا جميعا
حصلت مع واحد قريبي .. رحمه الله

[temo85]

التعليق الخلفي هو اللى بيتحكم فى ثبات العربية فى مطبات الهوا و كمان لو مركب اسبويلر العربية بتكون ثابته اكتر مع مطبات الهوا
و مشكلة السيراتو الوهميه فى تعليقها الخلفي اللى هو torsion beam و هى اصلا خفيفة من ورا فلازم هتحس بتعويمه من ورا او ظاهرة ديل السمكة زى ما بيقولوا بس انت كسواق ممكن تتحكم فيها لو عندك الحساسية الكافية بالعربية

[AhmedNaeem]

التعليق الخلفي هو اللى بيتحكم فى ثبات العربية فى مطبات الهوا و كمان لو مركب اسبويلر العربية بتكون ثابته اكتر مع مطبات الهوا
و مشكلة السيراتو الوهميه فى تعليقها الخلفي اللى هو torsion beam و هى اصلا خفيفة من ورا فلازم هتحس بتعويمه من ورا او ظاهرة ديل السمكة زى ما بيقولوا بس انت كسواق ممكن تتحكم فيها لو عندك الحساسية الكافية بالعربية

تمام كده بس الموضوع ده مش بس في السيراتو
لان نظام التعليق ده تقريبا في اغلب العربيات ( النترا , صني , كورولا , ... )
بس هو الفرق في تحكم السائق وخبرته
وستر ربنا طبعا في الاول وفي الاخر
والله المستعان

[lanos2004]

تمام كده بس الموضوع ده مش بس في السيراتو
لان نظام التعليق ده تقريبا في اغلب العربيات ( النترا , صني , كورولا , ... )
بس هو الفرق في تحكم السائق وخبرته
وستر ربنا طبعا في الاول وفي الاخر
والله المستعان

اعتقد مش نظام التعليق الى هوة دنجل هوة السبب--الاوكتافيا وباسات والاوبل كتير منها دونجل ومافيش الكلام دة
انا عربيتى مثلا بنزل فى مطبات هوا على سرعات عاليه كدة ومش بتفقد مسارها كل الى بحس بيه انها عليت ووطيت وخلاص ومع الطريق ولا اتهزت ولا عامت
لما بشوف سيراتو قدامى او هيوندا ى اكسنت او ار بى بشوف العربيه من ورا بتطلع وتنزل وتتهز زى الوزة
ومش مرة وتهدى
اعتقد دة عيب فى نوع المساعدين من حيث الطول او القصر وكمان اذا كان ناعم او ناشف

[ALMASHOR]

شكرا جدا على المساعدة و الرد و ربنا يسترها علينا جميعا و اعتقد ان الكارينز هتكون ماسكه نفسها فى الحاجات دى عشات عفشتها صح انا ولا غلط

[amagroup]

الحركة دي كانت في الاكسنت ار بي لغايه لما غيرت المساعدين اللي ورا في الضمان وحولتها من غاز لزيت وبفضل الله معدتش موجوده طبعا اقص سرعه بتكلم عنها 140كم مش ازيد من كده لكن كانت الاول بتبان علي 50 او 60 كم