إلحقوني يارجالة الريو الجديده

[mohamed moataz]

السلام عليكم علي كل رجالة الريو الجديده وكل الناس الي هنا نزلت ياجماعه الصبح من البيت رايح علي الشغل وأجي دور العربيه والعربيه حلفت ماهي دايره أجرب يمين شمال أنسي أتصلت علي التوكيل قالولي هيبعتو عربيه تشيل عربيتي علي حسابي طبعا هياخد من عباس العقاد عند بيتي للقطاميه 200 جنيه قولت مش مشكله ولما نشوف بقي أدعولي علي فكره العربيه عامله 7365 كيلو موديل 2013 يعني لسه طازه

[Eng_Mostafa_89]

لو طلع العيب من العربية من حقك انك تدفعهم ثمن الونش
وان شاء الله تكون حاجة بسيطة وابقى طمنا وصلت لاية

[2CODE]

العربية راحت التوكيل ولا لسه ؟ لو لسه هقول لك على شويه حاجات تعملهم

[mohamed moataz]

العربيه لسه مارحتش التوكيل لسه منوره تحت البيت وشكرا لأهتمامكو

[AlGazar2]

قبل الونش افصل كابل البطاريه شويه و ركبه و دورها تانى

و مينفعش العربيه تبقى عطلانه يبعتولك ونش على حسابك و المبلغ كتير جدا فى عرض من الفرسان ان الونش ب 100 جنيه داخل القاهره

التوكيلات المحترمه و المفروض ان وكيل كيا منهم بيبقى ليهم عربيه صيانه للاعطال المفاجئه كده و كانوا بيعملوها مع الميجان

[mohamed moataz]

للاسف التوكيل طلع غير محترم وفيه مهندس صيانه كلمني علي الموبايل وقالي علي موضوع فصل الكابل بتاع البطاريه ولا في أي فايده شكل العربيه العيب من المارش لان الكمبيوتر بتاع العربيه بيشتغل وكله تمام بس هيه أصلا مش لاقطه مارش خالص ولا سامع صوته

[AlGazar2]

ممكن تكون حاجة بسيطه جدا فوق ما تتخيل بس بصراحه ما تحصلش من عربيه زيرو

هيه حصلت معايا فى ال 127 كانت حالفه ما تدور و سيبتها بتاع اسبوع متكدر على ما تتصلح فى الاخر طلعت فيشه المارش متشاله من مكانها و الحاج كان بيكدرنى و مش عايز يقولى و كانت لسه خبرتى مش جامده اوى فى العربيات

فى الغالب هتبقى عندك نفس المشكله فيشه مش راكبه فى مكانها سواء كانت المارش او بتاعه حساس التسقيف

ممكن الفيوز بتاع المارش يكون اتحرق شيك عليه فى علبه الفيوزات و لو لقيته محروق جرب فيوز من الاسبير يكون نفس الامبير و دور لو دارت يبقى العيب من الفيوز و يبقى فى حاجة فى الكهربا و تقوم موديها التوكيل على طول
لو الفيوز ضرب فى ساعتها يبقى كده فى شورت و لازم تروح التوكيل عشان ضمان الكهرباء و يغيرولك الدفيره بتاعه الجزء ده بس انا مستبعد الموضوع ده لانها عربيه زيرو و وصلات صح مش بلدى بس جرب مش هاتخسر حاجة

[Mohab555]

ان شاء الله خير لا تقلق ... بسيطه ان شاء الله
بس هى العربية كانت عملت معاك اى حركه مش تمام قريب او حاجة !! او حسيت حاجة غريبه فيها ؟؟؟
بص الموضوع ممكن يكون بطارية قررت تموت مع نفسها ..... فيوز طرمبه البنزين ضرب .... مارش ... كذا حاجة بس ان شاء الله بسيطه
و خليك متابع معانا و طمنا عملت ايه

[mohamed moataz]

سواق الونش كلمني جي في الطريق دلوقتي لمانشوف بقي يامسهل يارب بس بصراحه انا دمي محروووووووووووووووووووووووق أدعولي تكون بسيطه

[Mohab555]

سواق الونش كلمني جي في الطريق دلوقتي لمانشوف بقي يامسهل يارب بس بصراحه انا دمي محروووووووووووووووووووووووق أدعولي تكون بسيطه

ان شاء الله بسيطة يا باشا
بس قولنا الى حصل معاك بعد ما تعرف المشكلة علشان تطمنا عليك
ان شاء الله خيير

[sno7y]

خير انشاء الله

[ahmedelfeky]

أن شاء الله هتطلع حاجه بسيطه ماتقلقش بس فعلا هم اللي لازم يدفعوا تمن الونش

[temo85]

غالبا بطارية بايظه

[ahmed_halim197]

following

[moha4tec]

ربنا معاك