ركبت كاوتش بريدجستون

[AHMED12345678]

انهاردة غيرت الكاوتش النيكسن الصينى الصنع الى كان نازل مع العربيه
هو كان حالتة كويسة بس كان ناشف اوى وبيرزع جامد غير انه صينى واتخرم كتير
واول خرم كان تانى يوم مشتريت العربية

النهاردة غيرت الكاوتش وركبت بريدجستون تورانزا gr-90 صناعة يابانية
مقاس 16/55/205
انتاج شهر 10/2012
سعر الفردة 875 جنية بإجمالى 3500 جنية
التقييم الاولى ان فى فرق كبير فى النعومة بس التجربة الحقيقية هتكون ان شاء الله يوم الاربعاء لانى هسافر يوم الاربعاء إن شاء الله
وهوافيكم بالتفاصيل ان شاء الله

[Deshahcoka]

الف مبروك بس فردة محترمة باشا يعني ربنا يحفظهملك و يباركلك فيهم

[ابو ليلى]

مبروك عليك مع ان السعر عالى حبه
قلى اخبار الصوت ايه ... انا داخل على تغير وبرضه اللى معايا نيكسن واصيل معايا الحمد لله
والكاوتش القديم عملت فيه ايه ؟

[ahmed_su]

مبروك ...

يا ترى ايه اخبار الصوت على الطريق

[mastr_n]

الف مبروك وأكيد الغالى تمنة فية
ممكن تقولنا شارية منين ؟ وهل اتاكدت من الأسعار أولا لأن فية تفاوت فى الأسعار بين التجار

وياريت تقولنا على مستوى العزل والصوت ونعومة الدركسيون هل فرقت معاك كتير

[hmotors]

انهاردة غيرت الكاوتش النيكسن الصينى الصنع الى كان نازل مع العربيه
هو كان حالتة كويسة بس كان ناشف اوى وبيرزع جامد غير انه صينى واتخرم كتير
واول خرم كان تانى يوم مشتريت العربية

النهاردة غيرت الكاوتش وركبت بريدجستون تورانزا gr-90 صناعة يابانية
مقاس 16/55/205
انتاج شهر 10/2012
سعر الفردة 875 جنية بإجمالى 3500 جنية
التقييم الاولى ان فى فرق كبير فى النعومة بس التجربة الحقيقية هتكون ان شاء الله يوم الاربعاء لانى هسافر يوم الاربعاء إن شاء الله
وهوافيكم بالتفاصيل ان شاء الله

الف مبروك اختيار ممتاز مشاء الله ،

لسه امبارح كنت بسأل على نفس الكوتش بالظبط gr-90 يابانى عند وكيل بريدجستون

مقاس - 215/45/17

قلى 1415 جنيه الفردة !!!!! وكمان بيقول هاتزيد

حضرتك جبته من فين علشان كده فعلاً " لا تعليق "



.

[miceg]

ماشااء الله
الفرده دي احسن فرده فالياباني
انا مركب اختها للصني ماشاء الله تحفة
ثبات ممتاز مافيش صوت
سوبر سايلنت بمعني الكلمة
ربنا يباركلك فيهم
وتدوبهم فطرق العافية
ههههههه

[AHMED12345678]

مبروك عليك مع ان السعر عالى حبه
قلى اخبار الصوت ايه ... انا داخل على تغير وبرضه اللى معايا نيكسن واصيل معايا الحمد لله
والكاوتش القديم عملت فيه ايه ؟

على فكرة السعر مش عالى ....فى اسعار للفردة دى معدية 900
بالنسبة للصوت انا ركبت الكاوتش وروحت البيت وملحقتش اركز مع الكاوتش بس انا مسافر ان شاء الله يوم الاربعاء وهكتب تقرير كامل من كل النواحى ان شاء الله
وبالنسبة للنيكسن هى حمولة بس عايزة ضرب النار لانها ناشفة اوى
والكاوتش القديم عندى

[AHMED12345678]

الف مبروك بس فردة محترمة باشا يعني ربنا يحفظهملك و يباركلك فيهم

الله يبارك في حضرتك

[AHMED12345678]

الف مبروك وأكيد الغالى تمنة فية
ممكن تقولنا شارية منين ؟ وهل اتاكدت من الأسعار أولا لأن فية تفاوت فى الأسعار بين التجار

وياريت تقولنا على مستوى العزل والصوت ونعومة الدركسيون هل فرقت معاك كتير

الله يبارك فى حضرتك
ان شاء الله فى التقرير هقول كل حاجة

[AHMED12345678]

الف مبروك اختيار ممتاز مشاء الله ،

لسه امبارح كنت بسأل على نفس الكوتش بالظبط gr-90 يابانى عند وكيل بريدجستون

مقاس - 215/45/17

قلى 1415 جنيه الفردة !!!!! وكمان بيقول هاتزيد

حضرتك جبته من فين علشان كده فعلاً " لا تعليق "



.

انا من الشرقية
انا شارى الكاوتش من واحد صاحبى تاجر كاوتش وبطاريات فى مكان اسمة كفر ابراش تبع مركز مشتول السوق فى الشرقية...... حاجة كدة ادغال افريقيا ههههههههههههههههه
وبالنسبة للسعر انا اصلا كنت هاخد الفردة على 830 للفردة بس الكلام دة كان من شهر ومكنش معايا فلوس ساعتها ولما نويت اشترى كلمت صاحبى من تلات ايام وقالى انه الى عنده خلص وهيشوف ليا عن الموزع وبعدها كلمنى تانى وقالى ان الفردة غليت وهيجيبهالى على 875 ودة اخره فى التخفيض ليا فتوكلت على الله واشتريت
وعلى فكرة دايما التوكيل اغلى بكتير من التجار

[AHMED12345678]

انا من الشرقية
انا شارى الكاوتش من واحد صاحبى تاجر كاوتش وبطاريات فى مكان اسمة كفر ابراش تبع مركز مشتول السوق فى الشرقية...... حاجة كدة ادغال افريقيا ههههههههههههههههه
وبالنسبة للسعر انا اصلا كنت هاخد الفردة على 830 للفردة بس الكلام دة كان من شهر ومكنش معايا فلوس ساعتها ولما نويت اشترى كلمت صاحبى من تلات ايام وقالى انه الى عنده خلص وهيشوف ليا عن الموزع وبعدها كلمنى تانى وقالى ان الفردة غليت وهيجيبهالى على 875 ودة اخره فى التخفيض ليا فتوكلت على الله واشتريت
وعلى فكرة دايما التوكيل اغلى بكتير من التجار

[S O P H O S]

الف مبروك اختيار كويس ..

[Dr.M_baz]

ألف مبروك .... و مستنيين التقرير.

[AHMED12345678]

انا سافرت النهاردة بدل الاربعاء ولسة راجع البيت دلوقتى والحمدلله
انا سافرت من الزقازيق الى الاسماعيلية الزراعى وانطباعى عن الكاوتش طول الطريق رايح جاى كالاتى
الى سافر على الطريق دة قبل كدة ويعرفة ...اكيد يعرف ان اسوء حتة فية هى من بداية الطريق من الزقازيق مرورا بأبوحماد ثم العباسة ثم كمين الاسماعيلية الموجود عند مدخل التل الكبير ..... الحتة دى فى الطريق سيئة جدا من حيث كتر المطبات ووجود اعمال رصف وتكسير فى معظم انحاء الطريق بالاضافة لاعمال انشاء كوبرى العباسة

بالنسبة للنعومة ....فأكيد أكيد اكيد أن التورانزا انعم كتير جدا عن الكاوتش النيكسن القديم والرزع والهبد قل جامد عن الاول ..... فى النقطة دى الكاوتش فرق جدا ... لما دلوقتى باخد مطب حتى مع المطبات العشوائية بتاعة الاهالى المعمولة من الاسمنت والزلط الى بتكون عاملة زى حتة واحدة مافيهاش طالع ونازل فالعربية معدتش بتتهبد

بالنسبة لمطبات الهواء ....كان زمان لما اخد مطب هوا احس ان العربي بتطير عن الارض وبتتهبد ولو فى حد راكب ورا كان راسة بتتخبط فى السقف ......... النهاردة لما اخدت مطب هوا الهبدة قلت بنسبة 80% تقريبا

بالنسبة لنعومة الدريكسيون بصراحة محستش انه فرق كتير

بالنسبة للثبات ...... انا بصراحة مس بتاع جرى وماليش فى الغرز بس الى حسيتة من تلات ملفات شداد اخدتهم بسرعة ان العربية متماسكة بس بصراحة مقدرش احكم فى النقطة دى اوى لانى مليش تجارب سابقة فى الغرز بس انا حسيت ان العربية راسية عن الاول وكمان لما كان فى تعرجات فى الطريق من اثار سيارات النقل الثقيل كانت العربيى تعوم منى يمين وشمال بس النهاردة محصلش دة تقريبا .....يعنى التعويم فى التعرجات اقدر اقول بثقة انه قل عن الاول بنسبة 90%

بالنسبة لصوت الكاوتش فبصراحة محستش ان الكاوتش له صوت ومفيش ضجيج

إجمالا الى اقدر اقولة ان العربية بقت انعم كتير كتير كتير ودى اهم حاجة بصراحة عندى لانى كنت بعانى من العفشة بتاعة السيراتو
وغير نادم على شرائة ابدا واذا كان فى امكانى شرائة فى المستقبل ساشترية لسيارتى مرة اخرى وناوى اشترية ان شاء الله لسيارتى الاخرى الكورولا
واى اسئلة انا فى الخدمة