أنا إستلمت السيراتو الجديدة 2013 و كنت عاوز إستفسار

[sherif shaheen]

بالنسبة لرقم الشاسية إلى على ألزجاج اﻷمامى فى مشكلة منه و شكرا
و لو أى حد عاوز إستفسار عن العربية يؤمر

[moody_687]

اولا الف مبروك وربنا يكفيك شرها ، ثانيا حضرتك اشتريت السيراتو اللي ب 186 الف ج ؟
واتمنى حضرتك تعمل لينا تقرير عن العربية وهل تستحق المبلغ اللي يندفع فيها ام لا

[sherif shaheen]

اولا الف مبروك وربنا يكفيك شرها ، ثانيا حضرتك اشتريت السيراتو اللي ب 186 الف ج ؟
واتمنى حضرتك تعمل لينا تقرير عن العربية وهل تستحق المبلغ اللي يندفع فيها ام لا

الله يبارك فيك
أنا جبت sx at من غير فتحة سقف 165 ألف هى شكلها من برة جميل و من جوة فيها أوبشن كتير و التابلوة فيه درجة ميل للسائق زى البى إم
بالنسبة للماتور و العفشة الماتور حلو بس أنا لسة بلينها فمقرصتش أوى بس و انا مسافر النهاردة كنت على 130 مكنتش حاسس بالسرعة و عزل الصالون كويس بس كنت سامع صوت الكاوتش
بالنسبة للعفشة أنا شايف إنها كويسة بس مأعرفش بالنسبة للسيراتو إلى قبلها عاملة إه ﻷنى عمرى مركبت سيراتو بس هى أنشف من السكودا فانتازيا و عمله زى العربيات إلبي إم عفشتها بتبقي نشفة شوية بردو
و إنشاء الله هبقى أنزلكم صور

[AshTurbo]

مبروك ربنا يديك خيرها ويكفيك شرها ويجعلها وش السعد عليك ومش هنطلب منك غير تقرير محترم بعد مرور فترة كافية من التجربة وتحياتي لحضرتك .

[M7amD_7amDy]

الف مبروك ياباشا

فى إنتظار تقرير حلو كده :)

[hany63]

انصحك و الكاوتش جديد روح بدله بحاجه طريه و ملهاش صوت زي التورانزا gr90 او فيه نوع في الميشلان مش فاكر اسمه الصراحه
و احساسك بالعربيه هيختلف هتحس انك راكب حاجه فخمه و تبقى تحط نتروجين و ربنا يباركلك فيها

[HSE_eng_ramy]

الف مليون مبروك وربنا يديك خيرها ويكفيك شرها
مستنين التقرير المصور
وما تنساش يا اما تدبح حاجة او تتصدق والف مبروك تانى

[kokowasfy]

انا عندى استفسار بعد ازن حضرتك هو سوئال محرج شوية انت شاريتة بكم و ما الفئة الى انت شاريتة و منين اشتريتة و استلمت فورى ولا استنتها و شكرا جدا و اسف على الاطالة

[midoelmodamer]

الف الف الف مليووووووووووووووون مبروووك عليك وكده انت خدت السبق فى المنتدى وعايزين منك بقى يا باشا تقرير صغير عن العربية واخبار العفشة بتاعتها ايه والمميزات والعيوب البدائئية فى نظرك وتقبل تحيااااتى :)

[محمد أنور]

الف مبروك و ربنا يديلك خيرها و يبعد عنك شرها

[hossam_elwani]

الف مبروك عليك اعتقد انك اول واحد مالك للسيراتو الجديده فى المنتدى

[mohamed1979]

الف مبروك اختيار موفق ان شاء الله
و ربنا يبارك فيها
لو امكن عرض لمواصفات العربيه
اى فئه و كماليتها ايه
و الف مبروك

[sherif shaheen]

انا عندى استفسار بعد ازن حضرتك هو سوئال محرج شوية انت شاريتة بكم و ما الفئة الى انت شاريتة و منين اشتريتة و استلمت فورى ولا استنتها و شكرا جدا و اسف على الاطالة

الله يبارك فى حضرتك و فى كل أعضاء المنتدى و ربنا يكرك كل منيرغب فى شرائها و يسهله
بالنسبة للعربية هى sxat و
و ثمنها 165 ألف و هى جميع الكمليات عدا فتحة السقف و الكراسي الدلد الكهرباء والميمورى
و المفتاح البصمة
و أنا إشترتها من كيا موتورز فى شارع اللاسلكى فى المعادى بنفش السعر و الكعرض ألى أن معندوش حاجة إسمها أوفر بريس و أن صاحب المعرض بيستحرم الموضوع ده و فعلا إستلمت فورى من غير أوفر بريس
و كمان فى عندكيا إلي فى ميدان روكسي بيبيع من غير أوفر بريس

أما باقى المعارض إلى شوفت فيها فكله عامل أوفر بريس ما بين 5000 7000 و ربنا يوفقك إن شاء الله

و بالنسبة للتقرير عن العربية إنشاء الله هعمل تقرير وافى لكل أعضاء المنتدى بعد التليين يفيد الجميع
و لو فى حد متخصص من أعضاء كيا
عاوز يجرب العربية و نيكتب تقرير مفصل يفيد الجميع فأنا ممكن أقابله ﻷنى مركبتش سيراتو قبل كدة فالتقرير إلى هكتيه إنشاء الله هيكون بحكم خبرتى بالعربيات بصفة عامة

بس أنا عاوز أعرف رقم الشاسية الموجود على الزجاج اﻷمامى أغطية و لا ﻷنى سمعت أن ممكن يتعمل مفتاح مكود يسرقوا بيه العربية و ربنا يستر

[hossam_elwani]

الف مبروك عليك ... طيب من خلال خبرتك فى الشراء هل العربيه عليها اقبال ؟؟

[youssef_u]

الف الف مبروك ربنا يباركلك فيها ،،،،، بالنسبة للرقم اللي عالازاز اللي قدام غطيه بحتة منديل صغيره على قده او كارت صغير احتايطي و الف مبروك مره تانية