تجربتي مع كيا ريو 2013 لمدة ٥ شهور

[user0]

السلام عليكم ورحمه الله وبركاته

حبيت أشارك تجربتي حتى الآن مع كيا ريو 2013 ...
أول حاجة أنا إشتريتها من ELTAREK الإسكندرية الحجز كان 500 جنيه و بعد كدة بأسبوع دفعت المبلغ
كان ممكن أستلم العربية في ساعتها لكن أنا حبيت مامشيش بها غير لما إخلاص وراها و تبقى عال ترخيص..
المهم استلمتها بعديها بيومين كان وراها خالص و هما ناس محترمين بصراحة بعتو معايا راجل خلاسلي الترخيص
تجربتي :
-العربية واسعة من جوا عكس لو أنت شفتها من برا حتحس غير كدة خالص
-أول ماركبت فيها استغربت طبلوها مشاء الله كبير و مش مبين خالص الكبوت و ده العادي معظم العربيات الجديدة كدة كبوتها مش باين
انا جبت الفئة الأبل Highline جنوط sport / أوتمومتيك ٦ ناقلات ول steptronic بتاعها أربع ناقلات
-عافشثا مريحة عكس السيراتو القديمة
-سحبتها جميلة ولا يبان خالص إنها 1400 cc و موتور بتاعها أسد في الحرق
-فراملها مريحة من أول لمسة بتهدي معاك
-مافيهاش عداد حرارة لكن فيه علامة بتظهر لو سخنت لاقدر الله
-مريتها التلاتة كاشفينلك الطريق مش لازم تبص بداهراك ونت بتركن أو ونت راجع ورا
-لو عايز تشد و غرز أقلبها ستيبترونيك أحسن عشان بتفرق في تسقيط الناقلات و السحب
-الثبات بتاعها مشاء الله مشفتش كدة غرز و تنطيط و شد معاك يا معلم و على فكرة ثبتها أحسن من كازا عربية زي فانتازيا و كورولا ٢٠١٢ و سيفيك ٢٠١٢ و لانسر ٢٠١٢ (أنا مجرب كل العربيات دي عشان ماحكمش غلط )
-نظام eco فيها عشان ماتحرائش بنزين بتبقى مكتوبة على العداد و بيتشال لما تقرص على الدواسة

التوكيل: EIM Renault / Kia
أنا عاديت 7000 كيلو يعني سبعة و شوية كدة
-رحت التوكيل بعد 1000 كيلو منغير ماحجزت ولا حاجة و هو توكيل محترم غيرلي الزيت و الفلتر و كشف على الميه و دفعت تقريبا 350
-تاني مرة كان على 5000 كيلو و ربط فيها العفشة و نضف فيلتر التكيف و كشف على الفرامل و غاسلو العربية و كل ده و مادفاعتش حاجة

و الحمد لله العربية مريحة و جميلة و ماشية تمام مشاء الله

KIA تورط نفسها جامد في موديلثا الجديدة و التوكيل مريح و محترم

أكيد طولت عليكم بس البيفكر و لسة متردد يا عم أه ماشية معايا تمام و أنا كنت متردد في البداية زيك ...

[mastr_n]

مشكور على التقرير وعقبال 100 الف كيلو ان شاء اللة

وفعلا كيا ابدعت فى موديلاتها واستحقت المبيعات الهائلة دية

[مستيك]

ربنا يباركلك فيها ويكفيك شر العين

[yehiaseg]

ربنا يباركلك فيها، هيا الجنط بتعها ١٧ ول ١٦، وعامل ايه مع المطبات؟

[Mohab555]

الف شكر على التقرير يا فاندم
و الريو الحمد لله بتثبت نفسها بقوه كل يوم اكتر من التانى
بس ياريت شويه صور لعربيتك علشان نرفقهم مع الموضوع علشان ينور التقرير الحلو ده وكل الناس تستفيد منه

[bmya]

عربيه جميله فعلاربنا يبارك لك فيها
بس معلش متأكد من حوار انها اثبت من الفانتازيا والسيفيك ؟؟؟

[S O P H O S]

تقرير رائع
ربنا يباركلك فيها ..

[Mostafa.Mahran]

انت شكلك متعرفش شكل الفانتازيا ولا السيفك اساسا علشان كده بتقول ان الريو اثبت منهم

[bmya]

يا مهندس مصطفى مهران براحه ياباشا على الراجل
هو اكيد هو معجب بعربيته وشايفها انها افضل عربيه في الكون عادي كلنا بنحب عربيتنا وبنبقى شايفين انها افضل من اي عربيه عادي يعني :)
بس هو واضح انه بيحب عربيته اوي اوي رنبا يبارك له فيها :)
هو الغريبه بس انه قال انها اثبت من كورولا ولانسر وسيفيك وفانتازيا يعني تقريبا جابكل الياباني واخد معه الالماني في السكه وماجبش سيره السيراتو ولا النترا مثلا :))

[2CODE]

انت شكلك متعرفش شكل الفانتازيا ولا السيفك اساسا علشان كده بتقول ان الريو اثبت منهم

هو بيقول ركبهم كلهم يا استاذي الفاضل وده رأيه بعد ما جرب العربيات لو تراجع اول مشاركة

بغض النظر عن الحروب وصاحب هذا الموضوع : http://www.nilemotors.net/Nile/338687-2013-2012-a.html

ياريت مش عايزين المواضيع دي في المنتدى الراجل قال رأيه وانت عليك تصدقه او لأ - تأخذه في عين الاعتبار او لأ - كل ده شئ يعود للقارئ

فياريت نتطور شويه احنا هنا لتبادل الاراء وليست ساحة للحروب ولا لفرض سيطره فلا مصلحة لنا من شركة تتصدر او غيرها فكلها مصالح لهم ولكن هذه اصبحت تعاملات الشعب المصري حتى في اصغر الامور

[Hmatchy]

هو بيقول ركبهم كلهم يا استاذي الفاضل وده رأيه بعد ما جرب العربيات لو تراجع اول مشاركة

بغض النظر عن الحروب وصاحب هذا الموضوع : http://www.nilemotors.net/nile/338687-2013-2012-a.html

ياريت مش عايزين المواضيع دي في المنتدى الراجل قال رأيه وانت عليك تصدقه او لأ - تأخذه في عين الاعتبار او لأ - كل ده شئ يعود للقارئ

فياريت نتطور شويه احنا هنا لتبادل الاراء وليست ساحة للحروب ولا لفرض سيطره فلا مصلحة لنا من شركة تتصدر او غيرها فكلها مصالح لهم ولكن هذه اصبحت تعاملات الشعب المصري حتى في اصغر الامور

اعزرنى اختلف معك لان دورنا هنا نقل الاراء و الخبرات وكمان تصحيحها

اما بالنسبة لنقطة الثبات انا مركبتش الريو السيدان علشان احكم على ثباتها بس المعروف ان الهاتش باك ثباتو اعلى من السيدان
و اعزرنى اصلان الثبات بتاع الريو هاتش باك فى الضياع
ممكن انت الجنوط ال 16 مدياك ثبات بس معتقدش ابدا انها ممكن تتفوق على السيفيك او الفانتزيا
عموما ربنا يباركلك فيها

[Mohab555]

انت شكلك متعرفش شكل الفانتازيا ولا السيفك اساسا علشان كده بتقول ان الريو اثبت منهم

طب ليه الغلط حضرتك
انت هتحجر على الناس انها تقول رأيها حتى لو مش عاجب حضرتك !!! و كمان بتقولهم انهم مش بيفهوا ولا يعرفوا شكل السيفيك و الفانتازيا اساسا !!!

مش اسلوب حضرتك احنا مش صغيرين هنا..... ولا الراجل غلط فى ملك ملوك العالم علشان الكلام ده !!!

[mhf_77]

ارجو من صاحب اى موضوع ان يتقى الله فى كلامه لان الكلام ده شهاده ممكن بسببها تدبس واحد تانى فى خساره ماديه فوق ال 100 الف جنيه بسبب ان حضرتك اسف (بتفشر ومش عايز تحسس نفسك ان انضحك عليك فى مبلغ وقدره فالعقل الباطن هو اللى شغال والناس تلبس )اسف انى اسلوبى حاد بس بسبب شهادتك اسف (الكاذبه ودى بتبقى فى تعداد شهادة الزور- اسف مره تانيه) بيتبنى عليها مصير شراء واختيار ومقارنه
طبعا اللى فاهم عربيات وخبره هيضحك على الكلام ده ويعديها بمزاجه
المشكله فى الغلابه الجداد واللى ممكن يكون حط تحويشة عمره فى اول عربيه فى حياته ويعتمد على الشهاده الزور اللى حضرتك لم تتقى الله فيها واشترى بسسب موضوع زى ده هيكون ذنبه فى رقبة حضرتك
انا طبعا مراعى انك فرحان بالعربيه والاوبشن والحركات دى بس طبعا لما تجيب سيرة العظماء الفانتازيا والسيفك وتقارنهم بالريو ( مع كامل احترامنا) مجرد المقارنه معاها ظلم ليهم - مابالك لما تقول انها تتفوق عليهم - يا اخى اتقى الله انت كده حسستنى ان فرق الاسعار بينهم (المعتمد على الخبره الالمانيه والجوده اليابانيه والتقنيه العاليه وقطع الغيار المعمره سواء فى اليابانى والالمانى ) كل ده مجرد وجهة نظر او جشع من صناع السيارات فى المانيا واليابان وتواضع من الكوريين
مين ممكن يصدق غير ( واحد مبتدئ او واحد مسكين ) ان فئة عربيه كورى تتفوق على فئة عربيات المانى ويابانى فى فئتهم الاعلى كمان مش حتى نفس الفئه - دا لو واحد قال كده عن السيراتو وهى نفس فئة السيفك والفانتازيا وقال انها تتفوق عليهم - الناس هتشتمو بالاب والام
مع كامل الاحترام لحضرتك - شوف ممكن يقال ايه على اللى بيقارن بريو كمان
قول زى مانت عايز احسن اختيار فى رينج اسعارها احسن اعتماديه وعمليه فى محيط فئاتها من الماركات الاخرى وهكذا لكن تشد بخيالك وتشد الناس ( الغلابه) معاك حرام عليك
اسف على حدتى
وانا لله وانا اليه راجعون

[2CODE]

اعزرنى اختلف معك لان دورنا هنا نقل الاراء و الخبرات وكمان تصحيحها

اما بالنسبة لنقطة الثبات انا مركبتش الريو السيدان علشان احكم على ثباتها بس المعروف ان الهاتش باك ثباتو اعلى من السيدان
و اعزرنى اصلان الثبات بتاع الريو هاتش باك فى الضياع
ممكن انت الجنوط ال 16 مدياك ثبات بس معتقدش ابدا انها ممكن تتفوق على السيفيك او الفانتزيا
عموما ربنا يباركلك فيها

عفواً صحح لاخر معلومة واترك رأيك بأحترام حتى يحترمك الاخرين فلا تحكم على الناس ان يتخذوا كلامك مصرح به بدون نقاش ولا مجادلة اترك رأيك الصائب والجيد وهو له حرية الاختيار له ان يصدق وله ان يكذب

وهاهو شخص اخر يتحدث بدون ان يجرب فأهنيك على معلوماتك التي بدون مرجع وهذا هو سبب عدم تقدم المصريين وتخلفنا نحن نتحدث بدون ادلة بدون براهين بدون تجارب وفوق كل هذا بشكل مبالغ فيه :)

ولكن ما رأيته من الاخوه الكرام عدم احترام للاخ صاحب الموضوع وهذا ما لانقبله نهائياً على اي شخص مهما كان جنسيته او لونه او دينه او تعليمه او حديثه او ثقافته

اذا تحدثت بدون احترام او بأهانه مع شخص فلا تنزعج اذا لم يحترمك او يهينك هو الاخر, هذا هو سبب مداخلتي لاني رأيت شخص ترك رأيه وانطباعه وتجربته ووجدت هجوم من اشخاص اخرى وموضوع جديد مخصوص للرد عليه وكأنه اخطأ بالدين

لاحول ولاقوه الا بالله والله لو هذه هي طريقة التعامل وتبادل الخبرات هنا بالمنتدى فلاداعي من هذه النقاشات

[Mohab555]

ارجو من صاحب اى موضوع ان يتقى الله فى كلامه لان الكلام ده شهاده ممكن بسببها تدبس واحد تانى فى خساره ماديه فوق ال 100 الف جنيه بسبب ان حضرتك اسف (بتفشر ومش عايز تحسس نفسك ان انضحك عليك فى مبلغ وقدره فالعقل الباطن هو اللى شغال والناس تلبس )اسف انى اسلوبى حاد بس بسبب شهادتك اسف (الكاذبه ودى بتبقى فى تعداد شهادة الزور- اسف مره تانيه) بيتبنى عليها مصير شراء واختيار ومقارنه
طبعا اللى فاهم عربيات وخبره هيضحك على الكلام ده ويعديها بمزاجه
المشكله فى الغلابه الجداد واللى ممكن يكون حط تحويشة عمره فى اول عربيه فى حياته ويعتمد على الشهاده الزور اللى حضرتك لم تتقى الله فيها واشترى بسسب موضوع زى ده هيكون ذنبه فى رقبة حضرتك
انا طبعا مراعى انك فرحان بالعربيه والاوبشن والحركات دى بس طبعا لما تجيب سيرة العظماء الفانتازيا والسيفك وتقارنهم بالريو ( مع كامل احترامنا) مجرد المقارنه معاها ظلم ليهم - مابالك لما تقول انها تتفوق عليهم - يا اخى اتقى الله انت كده حسستنى ان فرق الاسعار بينهم (المعتمد على الخبره الالمانيه والجوده اليابانيه والتقنيه العاليه وقطع الغيار المعمره سواء فى اليابانى والالمانى ) كل ده مجرد وجهة نظر او جشع من صناع السيارات فى المانيا واليابان وتواضع من الكوريين
مين ممكن يصدق غير ( واحد مبتدئ او واحد مسكين ) ان فئة عربيه كورى تتفوق على فئة عربيات المانى ويابانى فى فئتهم الاعلى كمان مش حتى نفس الفئه - دا لو واحد قال كده عن السيراتو وهى نفس فئة السيفك والفانتازيا وقال انها تتفوق عليهم - الناس هتشتمو بالاب والام
مع كامل الاحترام لحضرتك - شوف ممكن يقال ايه على اللى بيقارن بريو كمان
قول زى مانت عايز احسن اختيار فى رينج اسعارها احسن اعتماديه وعمليه فى محيط فئاتها من الماركات الاخرى وهكذا لكن تشد بخيالك وتشد الناس ( الغلابه) معاك حرام عليك
اسف على حدتى
وانا لله وانا اليه راجعون

سؤال بس ضغير !! انت سوقت العربيه قبل ما تقول للراجل انت ادبست و بتكدب على الناس !! ركبتها !! بلاش اتهامات ملهاش لازمه لواحد محترم كل الى عمله ان عربيته عجباه و دخل قال وجهة نظره فيها ... و الناس اكيد عندها من العقل الكبير الى تحكم و تقييم الكلام ده
وبعدين حضرتك محدش شقيان فى فلوس بيدخل يشوف موضوع واحد يقوم علطول نازل جايب العربيه !!! ده الناس بتسأل طوب الارض و الى رايح و الى جاى علشان يبقى مطمن و بيروح يشوف العربيه على الحقيقه قبل ما يركبها ... هو مش هدوم اول لما الناس هتشوف اعلانه هتنزل تجيبها حضرتك !!!

الراجل حقه يقول الى هو عاوزه و الناس عليها تقييم الكلام و تتناقش فيه وتقول وجهة نظرها و تعدل اى قصور بالحوار و الطريقه الصحيحه
مش شتيمه و اسلوب مش كويس.... وكمان شاهد زور
هو الراجل غلط فى ابو حنيفه يعنى انا مش فاهم الحقيقه !!