كيا سيفيا و egr

[misho2008]

صباح الورد على الجميع
بنقل تجربتى مع الجميلة سيفيا
المشكلة بقالى فترة بحس ان العربية فيها نتشة غريبة خصوصا لما ترفع رجلك من على البنزين وترجعها تانى تحس ان العربية بتخطف
المهم العربية مانيوال والصيانة كلها معمولة كاتينة وسيور وفلاتر وبوجيهات وخلالافة
بعد الفحص والمحص والعكننة انى مش عارف احل المشكلة
فكيت البوابة نضفتها ببص تحتيها لقيت حاجة راكبة عليها فيشة دورت على الانترنت لقيتة ال EGR بيسحب العادم الزيادة او حاجة كدة
المهم فكيتة مسمارين 12 لقيتة منيل من جوة نضفتة وركبتة نفس العيب فصلت الفيشة منة العربية بقت حلالالاوة بس لمبة التشيك بقت منورة دورت على اليوتيوب لقيت فى طريقة انو نلغي
EGR فى فتحتين تجيب جوان مقفول خالص من غير فتحات ونركبة فوق الجوان الاصلى بتاعة ونركبة تانى ونركب الفيشة

وماااات الكلام السحب تمام والنتشة راحت وصوت الموتور حاسس ان بقى هااادى

معلش معرفتش اصور الشغلانة لانى كنت بجرب ومش عارف النتيجة

وتحت امركم فى اى سؤال

فى حاجة كمان أ عصام غنايم كان عامل عن EGR موضوع فى قسم الانوس استفدت منو كتيررر وهو استاذ فاااااضل ربنا يجزية خيرر

[Ahmed_Ramadan]

شكرا لنقل التجربة بس هو الحساس كان مأثر على السحب ؟؟

[misho2008]

شكرا لنقل التجربة بس هو الحساس كان مأثر على السحب ؟؟

كان مأثر على السحب وخصوصا اللى انا بسميها التنخيعة تحس العربية لما ترفع رجلك من على البنزين وترجعها تانى ان العربية بتروح وتيجى

[m_medo]

مشكور

[أحمد الجندى]

كان مأثر على السحب وخصوصا اللى انا بسميها التنخيعة تحس العربية لما ترفع رجلك من على البنزين وترجعها تانى ان العربية بتروح وتيجى

ربنا يخليك يا باشا على التجربة والحل نفس اللى كان بيحصل معايا برضو وكنت كل ما اقول لحد على الموضوع ده يقولى تلاقى رجلك تقيلة شوية فى السواقة

انا حاجرب القصة بإذن الله واقولكم

[khalid_adel]

فكره جميله فعلا ومتخطرش علي بال حد

[misho2008]

والله يا جماعة نفس اللى كان بتقالى عيب سواق
يا جماعة بقالى 20 سنة بسوق غيب كدة
واحد قال البوجيهات مضروبة جبت 3 مرات انواع مختلفة
والافتاءات كترت

كتر خير الجميع وانا تحت امركم فى اى مساعدة

على فكرة الجوان اللى انا عملتة جبت علبة بيبسى كنز وقصيت على اد الجوان الاصلى بس جوان من غير فتحات

[Esam Mosaad]

عملت ايه فى علبه البيئه لان الاتنين مرتبطين مع بعض

[misho2008]

كلامك مظبوط
لحد دلوقتى مفيش مشكلة ممكن تكون علبة البيئة فاضية وعشان كدة مفيش تأثير

[shady4800]

واخبار سحب البنزين ايه لانى على حسب معرفتى انو ليه تاثير على سحب البنزين هل لاحظت فرق فى استهلاك البنزين بعد مالغيته

[engwms]

ياريت لو صورة توضحلنا مكانه فين بالظبط؟؟؟
والف شكر على نقل التجربة

[Moratoz]

هي مشكله تتعكنن فعلا وخصوصا ان كتير مش عارفين ليها حل الحمد لله انك وصلت ليها قبل ما تفك العرييه كلها يا كبير

[misho2008]

هي مشكله تتعكنن فعلا وخصوصا ان كتير مش عارفين ليها حل الحمد لله انك وصلت ليها قبل ما تفك العرييه كلها يا كبير

تسلملى يا مورا
انت عارف المناقشات بتاعت السلم بتجيب نتيجة

[misho2008]

بالنسبة لسحل البنزين انا مش حاسس بفرق
العربية بقت احسن فى السحب
بالنسبة لماكنة هو تحت البوابة علطول عشان تقدر تفكة بسهولة ممكن تفك البوابة او من غير ما تفكها ينفع بردو بس اصعب
انا كنت هسأل علية جديد واغيرو بس قلت لو رحت لمحل قطع غيار وقلتلو عايز egr هيقلى ربع جبنة بيضا فى السوبر ماركت مش عندنا