سحب مقدمات حجز لتوكيل كيا

[big big]

السادة الاعضاء المحترمين تحية طيبة وبعد
الموضوع بخلاصة شديده يتلخص في اننا هنعمل استطلاع راي ب سحب الناس الي حجزت من كيا هيروحو يسحبو فلسهم وياريت لو نتجمع كلنا في مكان واحد ونسحب كلنا الحجوزات مرة واحده ياريت تقولو رايكم بصراحة

[zangry]

موافق وبشدة لأن هى متستهلش كل الفلوس دى خصوصا ان في عربيات افضل منها بمراااحل وبنفس السعر تقريبا !

[hossam_elwani]

الى الاماااااام توكيلات تخاف ماتختشيش

[dongol123]

ليه ايه السبب

[aafawaz]

توكيل غير محترم

[big big]

عوزين الموضوع يسخن اكتر وياريت لو ادرنا نكبر عدد الاستطلاع وناخ اللنك بتاعة ونبعته علي الفان بيدج بتاعتهم علي الفيس بوك ونوريهم كام واحد هيسحب حجز العربيات من عندهم ونشوف رد فعلهم اية

[HSE_eng_ramy]

ربنا ان شاء الله يسدد خطانا وينصرنا على كل من تسول له نفسه باستغلالنا

[SHNORY]

ليه ايه السبب

http://www.nilemotors.net/Nile/341665-196-10-a.html

السيراتو الهاي لاين ب196 الف !!!!!!!!!!!!!!!!!!
يعني تشتري بيهم بي ام 318 موديل 2008 -2010 والناس تشاور عليك ويفضل معاك فلوس كمان
بدل ما تركب كوري بحوالي 200الف (متنسوش الاوفر برايس)

[2CODE]

http://www.nilemotors.net/Nile/341665-196-10-a.html

السيراتو الهاي لاين ب196 الف !!!!!!!!!!!!!!!!!!
يعني تشتري بيهم بي ام 318 موديل 2008 -2010 والناس تشاور عليك ويفضل معاك فلوس كمان
بدل ما تركب كوري بحوالي 200الف (متنسوش الاوفر برايس)

يااااااااااااااااه اخيراً حد فهمني

يا جماعة ما قلنا الكلام ده من اول من نزلت السيراتو قلنا حرام السعر ده :

http://www.nilemotors.net/Nile/332269-2013.html

ودا انا كنت معترض عليها وهي بـ186 الف مابالك بـ196 الف حرااااااااااااااااااااام يا ناس

[yasserelsayad]

انتم ليه محسسنى ان عربيات كيا بس اللى غليت !!!

[Ahmed_Adham]

ما البي ام كمان غليت وهيه تجميع محلي. وكل العربيات سعرها زاذ اكتر من مره. بس رأيي ان السيراتو خرجت عن الفئه بتاعتها وحلت محلها الريو. أقصد الفئه بين 120 و 150 ألف بدل ما كان فيها سيراتو والنترا بقت ريو وأكسنت.

[2CODE]

ما البي ام كمان غليت وهيه تجميع محلي. وكل العربيات سعرها زاذ اكتر من مره. بس رأيي ان السيراتو خرجت عن الفئه بتاعتها وحلت محلها الريو. أقصد الفئه بين 120 و 150 ألف بدل ما كان فيها سيراتو والنترا بقت ريو وأكسنت.

يا استاذ احمد كل العربيات غليت كل حاجة غليت لكن احنا بنتكلم عن السعر الاساسي اللي نزلت بيه العربية كانت بـ186 الف ده برضه سعر مرتفع

يعني لما نقلو ان الدولار هيرجع زي زمان مثلاً والعربيات هترجع زي زمان (من ان اللي بيعلي مش بينزل) لكن هنقول ان العربيات هترجع وترخص تاني هتلاقي العربية بـ186 الف وكده زيادة برضه

والريو معدية الـ150 الف من زمان بالاوفر برايس لان سعرها دلوقتي 145 الف وبتتباع بأوفر 7 او 10 زيادة دلوقتي يعني تشوف العجب في العربيات والله تتجنن

الواحد معاه نعمة مش عربية الحمد لله من اوائل اللي اشتروا الريو ايام ماكانت بـ122 الف

[Ahmed_Adham]

يا استاذ احمد كل العربيات غليت كل حاجة غليت لكن احنا بنتكلم عن السعر الاساسي اللي نزلت بيه العربية كانت بـ186 الف ده برضه سعر مرتفع

يعني لما نقلو ان الدولار هيرجع زي زمان مثلاً والعربيات هترجع زي زمان (من ان اللي بيعلي مش بينزل) لكن هنقول ان العربيات هترجع وترخص تاني هتلاقي العربية بـ186 الف وكده زيادة برضه

والريو معدية الـ150 الف من زمان بالاوفر برايس لان سعرها دلوقتي 145 الف وبتتباع بأوفر 7 او 10 زيادة دلوقتي يعني تشوف العجب في العربيات والله تتجنن

الواحد معاه نعمة مش عربية الحمد لله من اوائل اللي اشتروا الريو ايام ماكانت بـ122 الف

السبب في كده حاجتين

1- الاقبال القوي على العربيات الكوري عشان كده بتحقق 50% من مبيعات السيارات في مصر عشان هيه بتحقق توازن بين الجوده وتكلفه الصيانه مقابل السعر.

2- انهم بيرفعو السيراتو لشريحه تانيه وعايزين يدخلوها جنب الاسترا والاوكتافيا وفكرك لما تاكل معاهم في مصر خصوصا لو الاوكتافيا نزلت بالفتيس ال dsg وأكيد هما دارسين الحته دي كويس ومتأكدين انهم هيعملو سوق حلو بالسعر ده.

[SHNORY]

انتم ليه محسسنى ان عربيات كيا بس اللى غليت !!!

هي فعلا كل العربيات غليت
بس السيراتو من سنتين كانت بحوالي 130
انها تنط النطه دي وتوصل ل200 الف وخصوصا ان مفيش تغييرات جوهريه تعوض الفرق ده
دا من وجهه نظري الشخصيه

[yasserelsayad]

هي فعلا كل العربيات غليت
بس السيراتو من سنتين كانت بحوالي 130
انها تنط النطه دي وتوصل ل200 الف وخصوصا ان مفيش تغييرات جوهريه تعوض الفرق ده
دا من وجهه نظري الشخصيه

السيراتو اللى كانت بـ 135 مش هى اللى موجودة دلوقتى
ولا نفس الاوبشنز ولا نفس الموتور ولا الشاسيه ولا حتى نفس الشكل
حتى العفشة فى اختلاف مش فى الشكل لكن فى الـ rigidity بتاعتها وبتاعت الشاسيه كمان
والعربية برا مش نازلة بسعر رخيص يعنى اول فئة فى امريكا ثمنها يعادل 120 الف جنيه مصرى
وتطوير العربية نفسه حتى لو الشكل بس مكلف وكمان العربية نازلة مصر اعلى فئة فيها كل الاوبشنز اللى برا معادا حاجات بسيطة وفيها حاجات اعلى من الفئة بتاعتها من ناحية الكماليات
+ ضمان 5 سنين وتوكيل كويس بيساندها

العربية فى رأى الشخصى على المستوى العائلى مثلا فهى صفقة كويسة من حيث امكانياتها وقوة موتورها وسع العربية وشكلها وراحة البال من حيث التوكيل وتوافر قطع الغيار وكمان سعر اعادة البيع بتاعها اللى اكيد هيكون زى بافى الموديلات وكمان اعتمادتها .. يعنى معايا السيراتو داخلة فى 4 سنين اهو ورجلى عليها تقيلة بس بعمل صيانتها فى مواعيدها ومشتكتش منها الحمد لله ولا حصل فيها مشكلة