بالصور تركيب حساس كيا ريو2013 هاتش باك +تقرير بسيط

[hesham hamed]

حبيت اقدم التقرير للي محتار يركب السنسور ونوع السنسور spy wirless الشاشه بتاعته بتفتح وتقفل اتوماتيك وتقيمي للعربيه عربيه ممتازه من اجمل العربيات الي ركبتها انا كان معايا تويوتا كرولا 2007 ولانسر 2012 بومه والان معايا الريو والكارينز سمحوني لو التقرير مش حلو انا كنت محتار ما بين السيراتو الشكل الجديد والريو والالنترا ولكن بحمد الله استقريت علي الريوخليجي هاتش باك وسمحوني لو مكنتش عملت التقرير اول مشتريت العربيه ولكني كنت مشغول
مميزات
1- سحبها ممتاز زي الانسرالبومه
2-تكيفها قوي يمكن عشان خليجي
3-جنط 17 مخلي شكلها روعه ما شاء الله ولكن المطبات ربنا يسطر
4- سبتها ممتاز مع اني ممشيتش بيها الا 300 كيلو بس
5- الشكل الدخلي مميز جدا
العيوب بلنسبالي انا مش شايف فيها عيوب والكمال لله وحده
علي فكره الكل بيكلم علي موضوع البنزين التنك بتعها صغير مش كبير 35لتر و5 احطياطي للمبه
الريو الي معايا مواصفتها كالاتي
جنط 17 -فتحه سقف -ثلاجه في التبلوه -تبلوه لونين-طاره مالتي -حساس نور -هارد 1جيجا بلكسيت-بلوتوث-ليدات اماميه وخلفيه -4زجاج كهرباء-مرايات ضم-فوانيس شبوره-اشارات بلمرايات علي فكره العربيه الي معايا من غير absو air bags
الي محتار يجبها عمره ما هيندم لانها عربيه جميله وسبتت وجدها
واليكم الصور ما شاء الله
[img3]http://nileup.com/up/uploads/nilemotors_13638069551.jpg[/img3]
[img3]http://nileup.com/up/uploads/nilemotors_13638069552.jpg[/img3]
[img3]http://nileup.com/up/uploads/nilemotors_13638069553.jpg[/img3]
[img3]http://nileup.com/up/uploads/nilemotors_13638069564.jpg[/img3]
[img3]http://nileup.com/up/uploads/nilemotors_13638069575.jpg[/img3]
[img3]http://nileup.com/up/uploads/nilemotors_13638069586.jpg[/img3]
[img3]http://nileup.com/up/uploads/nilemotors_13638069597.jpg[/img3]
[img3]http://nileup.com/up/uploads/nilemotors_13638069608.jpg[/img3]

[S O P H O S]

ما شاء الله
ربنا يبارك ..

[HSE_eng_ramy]

بسم الله ما شاء الله ربنا يديك خيرها ويكفيك شرها اللهم امين
هيه عربية حلوة ما شاء الله وتحس انها مميزة فى وسط العربيات الجديدة وبأت تنتشر ويبقالها سوق وخاصتا فى 2013

[HSE_eng_ramy]

نسيت اقولك على حاجة مهمة
1- هاتلها غطاء او شوفلها جراج.
2- ما تسيبش اريال وتركنها عشان فى موضة سرقة الارايل.
3- خلى بالك من الاسفنجات الزرقاء بتاعت الفابريكة عشان الاطفال الحلويين موش حيسيبوك تتهنة بيهم ههههههههههههه
ربنا يسترها علينا وعليك وهدعيلك الدعوة المشهورة بتاعتى
ربنا يبعد عنك التكاتك والسواقيين الخرفان والعين ههههههههههههههههههههههه

[Mohab555]

الف مبررروك يا باشا و ربنا يديك خيرها و يكفيك شرها ,,, وان شاء الله هتحب العربيه كمان و كمان مع المشى و التجربه وماشاء الله السنسور حلو جدا
بس لييك عندى كام نصيحه مجربه علشان ان جنطك 17 زى حلاتى :

1- تروح تفضى الكاوتش من الهواء علشان هتلاقيها جايه من المعرض مظبوطه على 46 ,,,, وده خطر جدا
وفضى الكاوتش من الهواء خالص و حط نيتروجين واظبط كله على 32 .... مع مراجعه الضغط كل 20 يوم

2- البلاعات و الحفر يرجى الابتعاد عنها قدر الامكان و ان شاء الله العربيه و الكاوتش مش هيعموا معاك اى حاجة ...

3- صيانة ال 1000 مهمه جدا اعملها فى وقتها و بعدها اقولك تبقى تعمل ايه ..

[mostafaenany]

نسيت اقولك على حاجة مهمة
1- هاتلها غطاء او شوفلها جراج.
2- ما تسيبش اريال وتركنها عشان فى موضة سرقة الارايل.
3- خلى بالك من الاسفنجات الزرقاء بتاعت الفابريكة عشان الاطفال الحلويين موش حيسيبوك تتهنة بيهم ههههههههههههه
ربنا يسترها علينا وعليك وهدعيلك الدعوة المشهورة بتاعتى
ربنا يبعد عنك التكاتك والسواقيين الخرفان والعين ههههههههههههههههههههههه

عارف لو كنت دعيتلى ربنا يبعد عنى الخرفان مكنش حصل كدة

[hesham hamed]

انا حطيتها في جراج بالفعل بسبب احوال البلد الزحمه وعلي فكره انا عينت الاريال الاصلي وجبت اريال اوكتافيا ب20ج عشان ميتسرقش الصلي بتعها

[hesham hamed]

الف مبررروك يا باشا و ربنا يديك خيرها و يكفيك شرها ,,, وان شاء الله هتحب العربيه كمان و كمان مع المشى و التجربه وماشاء الله السنسور حلو جدا
بس لييك عندى كام نصيحه مجربه علشان ان جنطك 17 زى حلاتى :

1- تروح تفضى الكاوتش من الهواء علشان هتلاقيها جايه من المعرض مظبوطه على 46 ,,,, وده خطر جدا
وفضى الكاوتش من الهواء خالص و حط نيتروجين واظبط كله على 32 .... مع مراجعه الضغط كل 20 يوم

2- البلاعات و الحفر يرجى الابتعاد عنها قدر الامكان و ان شاء الله العربيه و الكاوتش مش هيعموا معاك اى حاجة ...

3- صيانة ال 1000 مهمه جدا اعملها فى وقتها و بعدها اقولك تبقى تعمل ايه ..

لف شكر يا ااستاذ مهاب علي اهتمامك واول ما استلمت فضيت الهواء من الكاوتش بالفعل وحطيت نيتروجين
علي ضغط 32 بناء علي الاستيكر الي موجود في القايم بس انا محتار اعمل الصيانه فين وشكرا مره اخري لتعاونك مع جميع الاعضاء وعلي فكره تم اختيار السنسور بناء علي كلامك في موضوع سابق وشكرا

[الجنرال]

الف مبروك يا باشا ..

سؤال بقه علشان انا عايز اركب السينسور .. ايه رأيك فيه وعملته بكام وركبته فين وكده

ولو ممكن تورينا صورة للشاشة اللى جوه العربية وركبتها فين علشان انا بفكر اعملها بصراحة

وشكرا

[الجنرال]

اه شفت الصور خلاص .. معلش مكانتش واضحة عندي .. بس انا كنت فاكر انه حساس بكاميرا وشاشة .. عموما ياريت توضحلنا جبته بكام وكده

وشكرا مقدما

[hesham hamed]

[/IMG]
[/IMG]

[hesham hamed]

السنسور سعره 300 و30ج تركيب وتركيبه سهل جدا وهو وايرلس

[Dr.M_baz]

ألف مبروك ... وربنا يبارك لك فيها.

[hesham hamed]

ألف مبروك ... وربنا يبارك لك فيها.

يارب ويباركلك ويبارك لجميع اعضاء المنتدي

[zicooo2008]

بارك الله تعالى لك فيها و كفاك شرها