اخوكم عزالدين محول من قسم الفيرنا ... واشتريت سيراتو

[ezzeldin1234]

صباح الفل ع الرجاله اللى هنا كلهم

توكلت على الله وبيبعت فيرنتى واشتريت سيراتو 2009 الشكل الجديد
ويشرفنى انى اتحول ليكم من قسم الهيونداى واصبح واحد منكم
اخدت القرار ده عشان الفيرنا كانت مانوال وكنت عايز حاجه اوتوماتيك فوجدت زميل لى فى العمل عايزيبيع السيراتو بتاعته وانا عارف انه استخدامه ليها كويس وكانت معاه من وهى زيرو فعارف تاريخها كويس
هى موديل 2009 شكل جديد عامله 50000 كيلو حاله فبريكا من جوه ومن بره رشت حزام بس وطبعا انا عارف انها لا عملت حادثه ولا اتقلبت الحمد لله خلصتها منه على 80 الف
عايز رائيكم فيها
وعايز اقولكم على ملحوظاتى عليها وتقولولى ايه رائيكم
اولا : هى بترزع شويه من ورا فهل هى كده ولا محتاجه صيانه ( اخر صيانه اتعملت صيانة الاربعين شهر 7 /2012 )
ثانيا : الكلاكس تقيل شويه يعنىلازم اضغط عليه بقوه شويه عشان يكلكس هل ده طبيعى ولا عشان الفيرنا كانت بمجرد ما المس الكلاكس بيقول .
ثالثا : فى تزييق صوته جاى من مكان الفتيس هل ده عادى ولا ايه
رابعا : زرار زجاج الباب اليمين قدام شغال بيطلع بس مش بينزل هل بيغيروه فى الصيانه ولا ايه
خامسا : انا رايح صيانة الخمسين ان شاء الله يوم التلات اللى جاى تنصحونى بايه فى الصيانه دى

وشكرا ليكم جدا جدا وارجوا ان تتقبلونى عضوا جديدا معكم

[ahmedteam]

الف مبرووووووك ع السيراتو ربنا يديك خيرها و يكفيك شرها اعتقد سعرها مناسب جدا

[ezzeldin1234]

شكرا ليك يا باشا

[احمد المصرى]

ربنا يديك خيرها و يكفيك شرها

[mhf_77]

اولا الف مبروك ورينا يديك خيرها ويبعد عنك شرها
ثانيا انت هتحس بنقله كبيره من فيرنا مانيوال لسيراتو اوتو - ربنا يحفظهالك ( بس بلاش الجرى المبالغ لأنها بتطمع )
ثالثا معظم صناع الكلاكسات الجديده بيصنعوها تقيله عشان يضمنو ان الكلاكس ميضربش باى غلطه ولما يضرب يعنى انت قاصد تضربه مع سبق الاصرار والترصد
رابعا افضل شيئ انك تاخد عربيه من حد تحت عينك وعارف تاريخه معاها ( 2009 وعامله 50 كويس)بس ابقى قولنا هى اى فئه فى الاتو وجنوطها ( وشوف الكاوتش لو هيتغير)ووكيل ولا خليجى
خامسا موضوع التزيق اللى هتسمعه من كذا حته حاول تتأقلم معاه مش هيضر فى شئ هو مقرف بس بالنسبه للسايق ومتتعبش نفسك فى انك تحله لانها كلها حلول مؤقته وهيرجع تانى
سادسا الازاز هتلاقى فيه حاجه فى موتور الوحده او فى الواير او فى البكره هى اللى عامله المشكله وخلى الصيانه يبصلك عليه
سابعا الصيانة والتغييرات اعتقد على 60 الف لكن خمسين بتبقى صيانه عاديه ( واسأل الاعضاء اللى ذاكرته اقوى لان الزهايمر بدء معايا بدرى ههههههه)
ثامنا رينا يديك خيرها ويبعد عنك شرها و اى خدمه احنا تحت امرك

[lanos2004]

طب وزمايلك فى هيونداى تتخلى عنهم كدة---------مكنش العشم
مبروك عليك العربيه

[ezzeldin1234]

اولا الف مبروك ورينا يديك خيرها ويبعد عنك شرها
ثانيا انت هتحس بنقله كبيره من فيرنا مانيوال لسيراتو اوتو - ربنا يحفظهالك ( بس بلاش الجرى المبالغ لأنها بتطمع )
ثالثا معظم صناع الكلاكسات الجديده بيصنعوها تقيله عشان يضمنو ان الكلاكس ميضربش باى غلطه ولما يضرب يعنى انت قاصد تضربه مع سبق الاصرار والترصد
رابعا افضل شيئ انك تاخد عربيه من حد تحت عينك وعارف تاريخه معاها ( 2009 وعامله 50 كويس)بس ابقى قولنا هى اى فئه فى الاتو وجنوطها ( وشوف الكاوتش لو هيتغير)ووكيل ولا خليجى
خامسا موضوع التزيق اللى هتسمعه من كذا حته حاول تتأقلم معاه مش هيضر فى شئ هو مقرف بس بالنسبه للسايق ومتتعبش نفسك فى انك تحله لانها كلها حلول مؤقته وهيرجع تانى
سادسا الازاز هتلاقى فيه حاجه فى موتور الوحده او فى الواير او فى البكره هى اللى عامله المشكله وخلى الصيانه يبصلك عليه
سابعا الصيانة والتغييرات اعتقد على 60 الف لكن خمسين بتبقى صيانه عاديه ( واسأل الاعضاء اللى ذاكرته اقوى لان الزهايمر بدء معايا بدرى ههههههه)
ثامنا رينا يديك خيرها ويبعد عنك شرها و اى خدمه احنا تحت امرك

متشكر لزوقك جدا جدا بس مجوبتنيش موضوع الترزيع اللى ورا عادى هى كده ولا ايه ؟

[mhf_77]

متشكر لزوقك جدا جدا بس مجوبتنيش موضوع الترزيع اللى ورا عادى هى كده ولا ايه ؟

لا الترزيع ده اتعمل الاول وبعد كده عملو عليه السيراتو يعنى جابو الترزيع وحطو عليه الشاسيه واشتغلو
لو لقيت سيراتو مبترزعش ابعت ايميل للشركه الام وبلغ عنها عشان كده سمعتهم هتبوظ فى سوق الترزيع
الحاج ترزيع الكبير هو اللى ابتكر السيراتو وعشان كده دى علامه مسجله زى خلطة الحاج كنتاكى الكبير
وغير الترزيع فى اخته الصغيره - دبدبه - دى برضه هتتعرف عليها بس هتلاقيها كانت نايمه ولا حاجه
عيش وتعايش بالامر الواقع ومتبصش للسلبيات لان كل عربيه فيها سلبياتها بص دايما للايجابيات
وهى كتير فى السيراتو
يكفى انك لو عايز تبيعها هتتباع قبل ما تتكلم - طول ما انت ماشى هتلاقى الناس بتوقفك وتقولك - تبيع؟؟
يكفى ان الكل فاهم فيها مش الميكانيكيه بس ممكن تلاقى الحلاقين والترزيه كمان
يكفى ان قطع غيارها فى السوبر ماركت
يكفى انك واخد شكل سابق زمانه بعشر سنين على الاقل
تمتع بعربيتك وتأكد ان الموديل ده نقل كيا والكورى لحته تانيه انا عايز اقولك ان الموديل الجديد بيبيع على حس الموديل ده والناس بتدفع فيها فلوس اعلى من قيمتها بسبب تصييت الموديل ده وانتشاره اللى اشبه بانتشار الملح فى البحر
لكن مقابل كل ده لازم هتاخد شوية سلبيات وعيوب ولازم تشيل الليله بايجابيتها وسلبيتها -الحياه مش كلها عنب
وباختصار عشان متزعلش نفسك سلبياتها تتجمع فى
صاج ضعيف ( حال معظم الحديث) وخفة وزن مع السرعات العاليه ( انت جاى من هونداى يعنى مش غريب) وعدم راحه فى الطرق غير المستويه ( يعنى فى اى شارع فيكى يا جمهورية مصر العالميه ههههههههه)

[tarek_rcc]

الف مبروووووك عليك يا أ/عز الدين .... نورت الوحوش (زادوا وحش جديد ) ...
ربنا يعطيك خيرها ويكفيك شرها ....
الزميل mhf_77 قام بالواجب فى الرد .... ما شاء الله عليك يا mhf_77 يا ابن بلدى يا كبييييير

[devil_storm]

حد يبيع الفيرنا الماني وال و يشتري سيراتو!!!!!! و اتوماتيك كمان!!! انت وقعت يا كبير
مبروك يا باشا و عقبال متيجي رجلنا احنا كمان

[hmotors]

الف مبروك ، ربنا يبارك. اختيار ممتاز وكمان سعر كويس مشاء الله.


متقلقش من حاجة ، بس المهم راجع كويس على الكوتش وضغط العجل.

وأهلاً بيك فى قسم كيا.

[HSE_eng_ramy]

مبروك عليك العربية وربنا يديك خيرها ويكفيك شرها
كل اللى حقدر اقولهولك استمتع بالاوتوماتيك وخلى التوكيل يبصلك على الحاجات اللى قولت عليها.
اهلا بيك فى اسرة كيا
اخوك رامى

[ابو ليلى]

صباح الفل ع الرجاله اللى هنا كلهم

توكلت على الله وبيبعت فيرنتى واشتريت سيراتو 2009 الشكل الجديد
ويشرفنى انى اتحول ليكم من قسم الهيونداى واصبح واحد منكم
اخدت القرار ده عشان الفيرنا كانت مانوال وكنت عايز حاجه اوتوماتيك فوجدت زميل لى فى العمل عايزيبيع السيراتو بتاعته وانا عارف انه استخدامه ليها كويس وكانت معاه من وهى زيرو فعارف تاريخها كويس
هى موديل 2009 شكل جديد عامله 50000 كيلو حاله فبريكا من جوه ومن بره رشت حزام بس وطبعا انا عارف انها لا عملت حادثه ولا اتقلبت الحمد لله خلصتها منه على 80 الف
عايز رائيكم فيها
وعايز اقولكم على ملحوظاتى عليها وتقولولى ايه رائيكم
اولا : هى بترزع شويه من ورا فهل هى كده ولا محتاجه صيانه ( اخر صيانه اتعملت صيانة الاربعين شهر 7 /2012 )
ثانيا : الكلاكس تقيل شويه يعنىلازم اضغط عليه بقوه شويه عشان يكلكس هل ده طبيعى ولا عشان الفيرنا كانت بمجرد ما المس الكلاكس بيقول .
ثالثا : فى تزييق صوته جاى من مكان الفتيس هل ده عادى ولا ايه
رابعا : زرار زجاج الباب اليمين قدام شغال بيطلع بس مش بينزل هل بيغيروه فى الصيانه ولا ايه
خامسا : انا رايح صيانة الخمسين ان شاء الله يوم التلات اللى جاى تنصحونى بايه فى الصيانه دى

وشكرا ليكم جدا جدا وارجوا ان تتقبلونى عضوا جديدا معكم

اهلا بيك معانا فى كيا ونمر جديد يضاف للنمور

بالنسبة للترزيع صعب اقدر احكم على وصفك لانك لسه جديد على العربية وحكمك اكيد مش هيكون عن مقارنة ولكن فى نشوفية بس مش ترزيع بالمعنى المعروف يعنى من غير صوت خبط ولا رزع
الكلاكس معروف انه من ضمن عيوب السيراتو فى الفئة دى وكمان 2010 وكان بيفصل وبيتغير فى الضمان وهو فعلا تقيل ( العربية فيها ايرباج )
لو من الفتيس فعلا ومش مجرد احساس بيتم تشحيم الفتيس والصوت هيروح معاك
الزرار خارج الضمان لو جبيت تغيره فى التوكيل هيتكلف كتير ابقى شوف حد بره احسن

انصحك فى الصيانة اللى معرفش هتعملها فين ان مش كل حاجه هيقولك عليه محتاجه تغير تغيرها اسمع وتعالى نقلك تعمل ايه
الف مبروك مرة تانية ويارب تاخد خيرها ويبعد عنك شرها .... قولو امين .

[sonybony]

امين ومبروك وطول عمري بالنسبه للاصوات التزييق اللي في العربيه انك تجيب عده صوت حلوه وتعليه وبكده مشكلتك اتحلت ومبروووك علي العربيه

[ezzeldin1234]

متشكر ليكم جدا يا جماعه وانا كان عندى سؤال تانى لانى بقالى 4 ايام سايقها وبدأت ادعبس فيها
هو العداد اللى بيقول فاضلك كذا كيلو وتفول هلى بيبقى دقيق لانى دخلت فولت العربيه لاقيته كاتب 400 كيلو
وكان فى زميل لى فى العمل عنده نفس العربيه لما فولها كتبله 460

فكنت عايز اعرف ليه هنا رقم وهنا رقم وهل يعتمد على الارقام دى ولا مش دقيقه