تجربتي الخمسة مع جيز كار

[big big]

[justify][justify]بسم الله الرحمن الرحيم
اعضاء نايل موتورز الكرام النهارده حابب انقل تجربتي للمرة الخامسة مع الشركة المحترمه جدا (شركة جنز كار برئاسة الحاج احمد مشعل) مع عربيت مراتي الجدايده كيا ريو هاتش باك وتركيب فرش جلد عليها معلش هطول عليكم شوية بس الموضوع يستاهل
نبتدي بسم الله الرحمن الرحيم
الموضوع ابتدي من اول ما روحت للحاج احمد يوم الخميس الموافق 2-4-2013 ومكنش معاية العربية ساعتها عشان مكنتش اترخصت لسة اتفقت معاة والي لازم نشوف العربية اولتلة ماشي جبتله العربية يوم الاحد الي فات الموافق 7-4-2013 شاف العربية واتفقنا علي يوم الاربع من الساعة 5 الي الساعة 12 بليل تمام شوفنا الجلد والخامه واخترنا اعلي خامة تمام يا حاج احمد طبعا هوه عارف اني معايه بادج المنتدي الجبار بتعانا نايل موتورز عملي الخصم المحترم الراجل ده يا جماعة من الاخر بجد مهما اولت علية مش هقدر اديلة حقة سواء كان في الامانة او الاخلاق او الزوق او حسن الضيافة اه علي فكرة القعده عنده بالمشاريب هتشرب هتشرب مهما حاولت تقنعه ان انت شارب ومظبط الدنيا يؤلك ماشي ومفيش خمس دقائق تلائي المشروب داخل المهم جه يوم الاربع دخلت الساعة 4.45 دقيقة استقبلني الاستاذ كريم وبصراحة شاب محترم جدا مكنش عندهم ادام المحل مكان الراجل عشان مكنش عاوز العربية تركن صف تاني طلعلي عربية الحاج احمد وركني مكانة خوفا علي العربية سلمتلة المفتاح ودخلت اسلم علي الحاج احمد قام معاية وتمام وقلي خلاص هتصل بيك ابل متخلص بنص ساعة اولتلة امين سلام عليكم خلصت كام مشوار عندي ورحتله الساعة 10 بليل شوفت العربية كان فاضل الكرسي بتاع السواق انتظرت شوية وطبعا بالمشاريب ياحج احمد انا شارب ومظبط ولو المهم عرفني بالاستاذ احمد مصطفي من قسم نيسان حد محترم جدا بصراحة واكد علية ان لازم اجي عيد ميلاد نايل موتورز بس للاسف كنت في الشغل بعد كده كل شوية يطلع يبص علي العربية وخلصت العربية وطلبت منه حاجة يعملهالي في الدوسات الحتة الي في النص عملي ليها حتت جلد وقلي هنعملها كوتشي عشان تمسك في ارضية العربية تمام ياحج احمد وطمعت شوية واولتله عاوز واحده كمان لعربيتي الالنترا الي من العين دية ابل دية طيب تكلفتها كام الي اتعملت وركبت خلاص ياحج احمد كفاية الخصم المحترم الي انت عاملة الي عيب الي انت عاوزة هيتعمل وانا هنا عنية ليك قولتلة ربنا يخليك انا مش عارف يا جدعان لسة فيه حد عنده ضمير كده المهم خلص العربية قام بص عليها بعد الفنش طبعا ظبطوني هداية وال للصنايعي امسحلي الفرش ده تاني بعد كده استلمت العربية بجد والله العظيم حاجة فعلا فوق الخيال من حيث التقفيل والنضافة والمحافظه علي الخامات الاصلية للسيارة والمواعيد المظبوطة للطقم كله الي شغال معاه حسيت ا ني اعد في بتنا مش عند شركة فرش خالص الراجل فضل رايح جاي علي العربية وطلع سلمهالي بنفسة حتي كان هيديني فوط بس الناس الوله دي خلصة الي ثواني نزل تحت واعد يدور لائها خلصت فعلا بس مطلعليش ايده فاضيه طلعلي بالعضمتين الجمال الي هتشفوهم في العربية
واخير ابل ماسيبكم مع الصور ابل مامشي اولتله انا عاوز حد من عندك يصورلي العربية صور حلوه الي عنية بس هتهالي الصبح عشان النور اولتله اوك وديتهاله فعلا اتصورت واخدت الصور ومشيت
بجد الراجل ده ياجماعة كل مره بتعامل معاه بيثبتلي احترامة اكتر واكتر فعلا اول مره اتعامل مع حد همه الاول والاخير رضا العميل الي عنده وانة ازاي يكسبه والفلوس اخر حاجة ممكن يتكلم فيها والله العظيم هذا الكلام حصل وبجد الحاج احمد راجل يستاهل كل خير وديه من عوامل النجاح ويارب نجاح علي طول يا حاج احمد انت راجل قمه في الاخترام والاخلاق والزوق وربنا يباركلك في الشركة ديه ويوسعها عليك كمان وكمان وبؤل لجينز كار الف مبروك علي التجديد الجميل والذوق الرفيع المعمول في الشركة
واخر حاجة احب اشكر نايل موتورز انها عرفتنا علي حد محترم جدا زي الحاج احمد مشعل


واخير اسيبكم مع الصور













وديه بقي صورة تعبرعلي مدي الترابط بين الحاج احمد والعملاء بتوعه (نوع من انواع اجو الاسري) الصورة دي انا وبنتي والحاج احمد مشعل




[/justify][/justify]

[mesaharaty]

ألف مبروك مع ألف شكر للحاج أحمد مشعل

[Sehsss]

ألف مبروك على الشغل الرائع ده اللي مش جديد على جينز كار
والحاج احمد ده أخويا الكبير وربنا يعلم أنا بحبه في الله، وعمري ما قابلت حد زيه

[_hema]

ياباشا الف مبرووك ع الفرش

ربنا يحفظكم من كل مكروه

اما الحاج احمد فان الكلمات لن توفيه حقه

تحياتى لكم جميعاً

[S O P H O S]

الف مبروك
الفرش جميل ما شاء الله

[HSE_eng_ramy]

بسم الله ما شاء الله على الشغل العالى والجودة
الله اكبر ربنا يكفيك شر العين ويديك خيرها ويكفيك شرها ويبعد عنك التكاتك والسواقيين الخرفان ههههههههههههه
اخيرا من كتر ما الناس اتكلمت على الحاج احمد نفسى اتعرف عليه والله وان شاء الله فى اقرب تجمع يكون حاضر فيه.

[hossam_elwani]

الف مبروك عليك الفرش التحفه

بس ماقولتش اتكلف كام ؟؟


وليه ما دخلتش فيه تطعيمات جلد احمر خصوصا انها حريمى ؟؟

[hugan]

حقيقه شغل نضيف
وعالي الجوده
لكن اتكلفت كام

[devil_storm]

شغل ممتاز بس فين التكلفه علشان الاندهاش؟

[احمد المصرى]

الف مبروك بس التكلفه كام يا باشا

[big big]

السعر ابل الخصم كان 2100ج بعد الخصم بتاع استيكر نايل موتورز تم عمل خصم 10%

[big big]

واوتوجه بالشكر لاسرة شركة جنز كار علي المجهودات الرائعه والشغل الاكتر من رائع

[Mohab555]

ماشاء الله الفرش جميل جدا جدا و الف مبررروك
نفسى اعمل حاجة كده فى العربيه عندى بس المشكلة عندى ان الفرش جملى و عاوز نفس الدرجه و غالبا صعب انها تبقه هناك ... ومشكله تانية الجلد فى الحر بيكفر الواحد من الحراره الى بتطلع منه بس الفرش اتكلف كام بعد الخصم

[dr.hazem]

انا في الاردن حاليا ومش لاقي حد يعمل شغل عالي وعالمي كده ...
ياحج احمد مش ناوي تصدر؟؟
ههههههههههههه


تحياتي للجميع وربنا يباركلك في العربية والفرش ويديك خيرهم ويكفيك شرهم...


تحياتي

[weels74]

مبروك يافندم ربنا يباركلك فيها ويرزقك خيرها , الناس دى ناس محترمة انا مجربهم ورايح النهاردة ان شاء الله اعمل ارضية لان عربيتى الجديدة فرش جلد , انا بس بعد اذنك اسمحلى اشاركك فى هذا الجمال لوكمان تشوف جراب طاره فى احمر خفيف هيكون روش اوى مع العربيه المخدات بتعات المساند شكلها مش واكل اوى مع الفرش .